Nomenklatur in dr Biologii
Nomenklatur (vo lat. nomenclatura= Nameverzäichnis[1][2]) bezäichnet in dr Biologii d Disziplin vo dr wüsseschaftlige Benennig vo Lääbewääse. Si isch d Grundlag für d Wüsseschaft zum sich internazional über Organisme chönne verständige. D Regle vo dr Nomenklatur lege nume d Benennig fest. D Definizion und d Abgränzig vo de süstematische Äihäite sälber (Taxonomii) und vo iirer Hierarchii und Verwandtschaft (Süstematik) si drvo unabhängig. Wäge iirer Bedütig git s für d Nomenklatur strängi Regelwärk, sogenannti Codes. Für jedi vo de verschidnige Grubbe vo Organisme (Pflanze, Bilz, Alge, Dier, Bakterie, Wiire) existiert en äignigs Nomenklatur-Regelwärk, wo vo de andere unabhängig isch.
Die binäri Nomenklatur noch em Linné
[ändere | Quälltäxt bearbeite]Die binäri Nomenklatur (lateinisch binarius ‚wo zwäi din si‘, nomenclatura ‚Nameverzäichnis‘) as s Klassifikazioonsschema (Taxonomii) für s Nameverzäichnis Nomenklatur vo de biologische Arte, wie s hüt in dr Wüsseschaft gängig isch, goot uf e Carl von Linné (1707–1778) zrugg.
Dr Grundbestanddäil bestoot us zwäi Däil, em Name vo dr Gattig, wo immer e Substantiv isch und mit eme groosse Buechstaabe afoot, und eme Epitheton, wo hüte immer chlii gschriibe wird und hüfig en Adjektiv isch. D Gattig und s Epitheton sölle d Art äidütig charakterisiere, und dorum daf e sonigi Kombinazioon us Gattigsname und Epitheton nume ere äinzige Art gee wärde. Dr Gattigsname und s Epitheton wie au d Bezäichnige vo alle andere taxonomische Gruppe stamme mäistens us em Latiinische oder Griechische. Nitlatiinischi Nääme wärde latinisiert. Das chunnt no us dr Zit, wo Latiinisch d Lingua franca vo de Gleerte in dr westlige Wält gsi isch.
Internazionali Regelwärk zur Nomenklatur
[ändere | Quälltäxt bearbeite]Hüte si die Regelwärk (Nomenklatur-Codes) akzeptiert:
- Pflanze (inklusiv Bilz und Cyanobakterie): Internationaler Code der Nomenklatur für Algen, Pilze und Pflanzen (ICN)
- Dier: Internationale Regeln für die Zoologische Nomenklatur (IRZN oder ICZN)
- Bakterie: International Code of Nomenclature of Bacteria (ICNB)
- Kulturpflanze: Internationaler Code der Nomenklatur der Kulturpflanzen (ICNCP)
- Wiire: International Code of Virus Classification and Nomenclature (ICVCN)
Fuessnoote
[ändere | Quälltäxt bearbeite]Weblingg
[ändere | Quälltäxt bearbeite]- International Code of Botanical Nomenclature (ICBN), aktuelle publizierte Version (änglisch, elteri Wersion uf Dütsch)
- International Code of Zoological Nomenclature (ICZN) (änglisch)
- Jean P. Euzéby, Aidan C. Parte: All names cited in the List of Prokaryotic names with Standing in Nomenclature – Introduction. In: List of Prokaryotic names with Standing in Nomenclature (LPSN). Abgruefen am 16. April 2014.
- Virus Taxonomy. In: Website uf Änglisch vom International Committee on Taxonomy of Viruses. Abgruefen am 18. April 2014.
- Taxonomy. In: Website uf Änglisch vom National Center for Biotechnology Information (NCBI). Abgruefen am 18. April 2014.
- https://web.archive.org/web/20030802181518/http://www.phylocode.org/
- http://tolweb.org/tree/
- https://web.archive.org/web/20130210010123/http://www.treebase.org/treebase-web/home.html
- Sheffield Airey Neave (Hrsg.) Nomenclator Zoologicus. A list of the names of the genera and subgenera in Zoology from the tenth edition of Linnaeus 1758 to the end of 2004. Bände 1–10. The Zoological Society of London, London 1939, online.
- Übersetzig und Erklärig vo botanische Nääme