Luis Filipe Frantziakoa

Luis Filipe Frantziakoa
Irudi gehiago
Frantziarren erregea 1830eko abuztuaren 9a - 1848ko otsailaren 24a ← Karlos X.a Frantziakoa - baliorik ez → 21. Andorrako Printzekide Frantsesa 1830eko abuztuaren 9a - 1848ko otsailaren 24a ← Karlos X.a Frantziakoa - Napoleon III.a → Frantziako gobernuburua 1830eko uztailaren 31 - 1830eko azaroaren 2a ← Casimir-Louis-Victurnien de Rochechouart de Mortemart (en) - Jacques Laffitte → Orléanseko dukea 1793 - 1830 Frantziako parea
Bizitza
Jaiotza	Paris, 1773ko urriaren 6a
Herrialdea	Frantzia
Lehen hizkuntza	frantsesa
Heriotza	Claremont (en) , 1850eko abuztuaren 26a (76 urte)
Hobiratze lekua	Dreux Royal Chapel (en)
Familia
Aita	Luis Filipe II.a Orleanskoa
Ama	Louise Marie Adélaïde de Bourbon
Ezkontidea(k)	Maria Amalia Napolikoa eta Siziliakoa  (1809ko azaroaren 25a -  1850eko abuztuaren 26a)
Seme-alabak	ikusi Prince Ferdinand Philippe, Duke of Orléans (en) Luisa Maria Orleanskoa Princess Marie of France (en) Prince Louis, Duke of Nemours (en) Princess Clémentine, Princess of Koháry (en) Prince François, Prince of Joinville (en) Prince Charles, Duke of Penthièvre (en) Henri d'Orléans, Duke of Aumale (en) Antoine of Orléans, Duke of Montpensier (en) Princess Françoise of Orléans (en)
Haurrideak	ikusi Maria Stella (en) Louis Charles, Count of Beaujolais (en) Antoine Philippe, Duke of Montpensier (en) Princess Adélaïde of Orléans (en) Mademoiselle d'Orléans (en)
Leinua	Orléans etxea
Hezkuntza
Hizkuntzak	frantsesa
Jarduerak
Jarduerak	politikaria
Lantokia(k)	Paris
Jasotako sariak	ikusi Espiritu Santuaren ordenako zalduna San Migelen ordenako zalduna Urrezko Ardi-larruaren Ordenako zalduna Garaipen Arkuaren pean irarritako izenak Order of St. Andrew Grand Master of the Legion of Honour Knight Grand Cross of the Military Order of William  (1842ko martxoaren 22a) Galtzariaren Ordena Order of Saint Januarius Order of the Elephant Knight Grand Cross in the Order of the Netherlands Lion  (1842ko otsailaren 10a) Ohorezko Legioko gurutze handia
Zerbitzu militarra
Gradua	Lieutenant General (en)
Parte hartutako gatazkak	Battle of Valmy (en)
Sinesmenak eta ideologia
Erlijioa	Erromatar Eliza Katolikoa

Luis Filipe Frantziakoa (Paris, 1773ko urriaren 6a - Claremont, Surrey, 1850eko abuztuaren 26a) Frantziako azken erregea izan zen, 1830-1848 bitartean.

Bizitza

Luis Filipe Jose Orléanseko dukearen eta Luisa Maria Adelaida Borboi-Penthièvrekoaren semea zen. Valois, Chartres eta Orléanseko duke tituluak izan zituen. Iraultzaren aldekoa zen, jakobinoen taldeko kidea, eta 1793an Konbentzioaren gudarostean parte hartu zuen. Neerwindengo guduaren ondoren, etsaien aldera igaro zen. Suitzan, Alemanian, Eskandinavian, Estatu Batuetan eta Ingalaterran egon zen. Ingalaterran Maria Amelia Napoliko printzesarekin ezkondu zen 1809an, eta ondoren lau urte eman zituen Sizilian (1810-1814).

1814an Frantziara jo zuen eta Orléanseko etxearen aberastasun handiak kudeatu zituen luzaroan, gortetik urrun. 1825ean liberalengana hurbiltzen hasi zen eta 1830eko iraultzaren ondoren, agintera eraman zuen goi burgesia liberalak. Luis Filipe buruzagi militar nagusi izendatu zuten hasieran eta errege ondoren, 1814ko Konstituzioa aldatu eta zin egin ondoren. Horrela sortu zen Frantziako monarkia burgesa, hiritar-erregea agintari nagusi zela (Uztaileko monarkia deitua Frantzian). Ekintza honek Borboitarren leinu legitimista kendu zuen tronutik. 1848an erregetza utzi behar izan zuen, 1848ko iraultzaren ondoren. Bilobari, Parisko kondeari, erregetza utzi eta Ingalaterrara jo zuen. Han hil zen 1850ean.

Ezkontza eta seme-alabak

1809an, Fernando IV.a Napolikoaren alaba Maria Amaliarekin ezkondu zen; hamar seme-alaba izan zituzten:

1. Fernando Filipe (1810–1842)
2. Luisa Maria (1812–1850), Leopoldo I.a Belgikakoarekin ezkondu zena.
3. Maria (1813–1839)
4. Luis Karlos Filipe Rafael (1814–1896)
5. Frantziska (1816–1818)
6. Klementina (1817–1907)
7. Frantzisko (1818–1900)
8. Karlos (1820–1828)
9. Henrike (1822–1897)
10. Antonio (1824–1890)

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2013/06/21 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Wikimedia Commonsen badira fitxategi gehiago, gai hau dutenak: Luis Filipe Frantziakoa

• Datuak: Q7771
• Multimedia: Louis Philippe I / Q7771