Sämitigge (Taažâ)
Sämitigge (maadâsämikielân Saemiedigkie, juulevsämikielân Sámedigge, nuorttâlâškielân Sääʹmteʹǧǧ, tárukielân Sametinget) Taažâst asâttui roovvâdmáánu 9. peeivi 1989. Vuosmuu sämitige lehâstij Kunâgâs Olav V.
Sämitige tievâsčuákkim
[mute | mute käldee]Sämitige paajeeb orgaan lii tievâsčuákkim, mii táválávt tuálloo neljii ivveest.
Presidenteh
[mute | mute käldee]- Ole Henrik Magga: 1989–1997, Taažâ Sämmilij Riijkâservi
- Sven-Roald Nystø: 1997–2005, Taažâ Sämmilij Riijkâservi
- Aili Keskitalo: 2005–2007, Taažâ Sämmilij Riijkâservi
- Egil Olli: 2007–2013, Taažâ pargeipiäládâh
- Aili Keskitalo: 2013–2016, Taažâ Sämmilij Riijkâservi
- Vibeke Larsen: 2016–2017, Taažâ pargeipiäládâh já 2017, piäláduvttáá
- Aili Keskitalo: 2017–2021, Taažâ Sämmilij Riijkâservi
- Silje Karine Muotka: 2021–, Taažâ Sämmilij Riijkâservi[1]
Sämitiggevaaljah
[mute | mute käldee]
- Válduartikkâl: Taažâ Sämitige vaaljâoornig
Sämitiggevaaljah uárnejuvvojeh jyehi niäljád ive[2] siämmáá peeivi ko stuorrâtiggevaaljah. Vuosmuuh vaaljah uárnejuvvojii ive 1989. Sämitiggevaaljâin láá lamaš ive 2009 rääjist 7 vaaljâpirrâdâhhâd, main väljejuvvojeh ohtsis 39 airâsid.
Sämitige viäsu
[mute | mute käldee]Taažâ Sämitige viäsu lii Kárášjuuvâst. Taažâ Kunâgâs Harald V lehâstij viäsu almolávt skammâmáánu 2. peeivi 2000. Ive 1996 uđđâ Sämitige várás tollui arkitehtkišto, mon vuoittijn Stein Halvorsen já Christian Sunby. Sämitige viäsu maavsij 128,7 miljovn ruvnâd, já tast lii ohtsis 5 300 neljihâšmeetterid.
Keejâ meid
[mute | mute käldee]Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Sämitigge (Taažâ).
Käldeeh
[mute | mute käldee]- ↑ Keskitalo guodá – Muotká joarkká. NRK Sápmi. 21.10.2021. Čujottum 25.10.2021 (julevsämikielân)
- ↑ sametinget.no Čujottum 24.10.2020 (pajekielân)