南越国

南越国，又称为南越或南粤，来勒越南又称为赵朝，是约前204年至前112年存在勒岭南地区个一个国家，国都来勒番禺（今广东省广州市），疆域包括今朝中国广东、广西个大部分地区，福建个一小部分地区，海南，香港，澳门搭越南北部、中部个大部分地区。南越国是秦朝将灭脱辰光，由南海郡尉赵佗起兵兼併桂林郡搭象郡后来勒约前204年建立。前196年，赵佗向西汉皇帝刘邦称臣，南越国成为西汉个一个“外臣”。约前183年，南越国搭西汉交恶，赵佗开始称帝，其后，闽越、夜郎、同师等国皆臣属勒南越国，南越国个势力影响范围扩张至顶峰。前179年，南越国搭西汉修好，赵佗再次向西汉皇帝汉文帝称臣。前113年，南越国第四代君主赵兴因向西汉请求“内属”，而搭丞相吕嘉发生争议。吕嘉杀死赵兴，立其兄赵建德为新君主，并与西汉对峙。前112年，西汉君主汉武帝出兵10万发动对南越国个战争，并在同年将南越国灭脱。南越国共存在93年，历经五代君主。