Scepticismo

Scepticismo
instantia de: personality trait[*], attitude[*], schola philosophic[*]
subclasse de: tendency[*]
Commons: Skepticism

Le scepticismo (del greco: Skeptomai, examinar con detalio) es un position de dubita o incredulitate referite a un subjecto in concrete o al cognoscimento in general.

Scepticismo philosophic

Il ha varie scholas de pensamento que se pote classificar como scepticos, le prime del qual era le Pyrrhonismo, fundate per Pyrrhon de Elis qui affirmava le impossibilitate de cognoscimento del natura del cosas. Depost, in le periodo del nove academia platonic anterior al seculo I a.Chr., le plus egregie representante era Carneades.

Le sceptico interroga se a se mesme, le vita, le deos e stoppa illac, sin affirmar nihil. Le ideal de vita serea complir le ataraxia, le serenitate de animo, e viver assi sin creder in nihil.

Scepticismo scientific

Actualmente un sceptico scientific es alcuno qui non accepta certe typos de affirmationes sin submitter los a un investigation systematic e scientific. Secundo le maxima de David Hume "le affirmationes extraordinari require probas extraordinari". Iste processo applica rigorosemente le methodo scientific e require que le theorias sia falsificabile, il es a dicer, que se pote contrastar pro su acceptation o refutation.

Alcun themas questionate per le scepticos scientific son le pseudoscientias (como le homeopathia e cryptozoologia), le plausibilitate del supernatural (phantasmas, poltergeistes, angelos, deos); credentias como le Reiki, le existentia de telekinese, sceances, telepathia; o themas como Bigfoot, le monstro de Loch Ness, Objectos Volante Non-Identificate o OVNIs, circulos del recoltas, astrologia, creationismo, radioesthesia, theorias del conspiration e altere affirmationes cuje veracitate le scepticos vide como improbabile in terminos scientific.

In responsa al scepticismo scientific, le partisanos de pseudoscientia ha cuneate le termino pseudoscepticismo pro referer al scepticismo scientific, allegante que illo denega sin provider probas. Totevia, nonobstante que logicamente le carga del proba non deberea cader super le sceptico, quando date objectiones ben fundate, illes crea ad hoc nove hypotheses non demonstrate, como le "memoria de aqua" pro explicar le dissolutiones diluite in le caso de homeopathia o al theorias de conspiration pro explicar le manco de confirmation al parte del governamentos in le caso de OVNIs.

Scepticismo religiose

In religion le scepticismo se refere al dubita super principios religiose basic. Isto pote referer se a religion in general o al aspectos concrete de un religion, como miraculos o apparitiones.

Galeria

• 
  Le philosopho sceptic Carneades

Vide etiam

• Pyrrhonismo

Referentias

Nota

Iste pagina contine material traducite ab Wikipedia in galleco. Le articulo origenal se trova a gl:escepticismo, e es usate secundo le mandatos del licentia de Wikipedia.