Paries
Paries (ok wal de Lechstad eneumd) is de heufdstad van Frankriek, en de grootste stad in et laand. Zee is zon 105 veerkante kilometer groot, en der wont rond de 2,15 miljoen leu, moar a'j de veursteaden metrekkent, bunt dat der 12 miljoen.
De Seine-reviere streumt deur et oldste stuk van Paries, woardeur de stad in tweejen edeeld wörd. Et noordoosteleke deel is umsgeveer tweemoal zo groot as et zuudoosteleke deel. Rond de reviere stoat verskeidene bossen.
Paries is et harte van de Fraanse ekenemie, politiek en kultuur. Der bunt völle kunstmusea en historiese bouwwarken te vinden. Paries is ok ne knuppe in et Fraanse verkeer, met ne oetebreide metro, vleegvelden en stations. De Metro is ebouwd in 1900 en de totale metrolienen bunt meer as 200 km lang.
De stad hef ne multikulturele oetstroaling, onder meer umdat meer as 20% van de leu neet oet Frankriek kump. Doardeur hef Paries n varieerd anbod van restaurants, met kökkens oet alle deeln van de weald.
Et bekendste bouwwark in Paries is den Eiffeltoorn, fealek n tiedelek gebouw veur de wearldoetstalling van 1889, en ontworpen deur Gustave Eiffel. Et is met 327 meter ok et hoogste gebouw in de stad, en trök völle toeristen.
De breedste, duurste en bekendste stroate van Paries is de Champs-Élysées, die niet allenig in Paries bekend is moar ok wearldwied.