Џьобс, Стив

Стив Џьобс
Steve Jobs
Аира	жәабранмза 24, 1955 ш. Сан-Франциско
Аԥсра	жьҭаарамза 5, 2011 ш. Пало-Алто
Аԥсра зыхҟьаз	рак поджелудочной железы
Аԥсыжра аҭыԥ	Альта-Меса
Анхарҭа	Маунтин-Вью
Атәылауаҩра	Еиду Америкатәи Аштатқәа
Алма-матер	Рид-колледж, Homestead High School, De Anza College
Аусура	предприниматель, изобретатель, дизайнер, специалист в области информатики, исполнительный продюсер, кинопродюсер, финансист
Аусураҭаҩцәа	Apple NeXT Computer Pixar Atari, Inc
Анашьамҭақәа	Национальная медаль США в области технологий и инноваций Национальный зал славы изобретателей США Легенды Диснея Калифорнийский зал славы премия попечительского совета «Грэмми» … подробнее на Викиданных
Апартиа	Адемократиатә партиа
Адин	буддизм дзэн
Ахаҵа/Аԥҳәыс	Лоурен Пауэл Джобс (1991 ш.–2011 ш.)
Ацынхаҩы	Крисенн Бреннен
Ахәыҷқәа	Бреннан-Джобс, Лиза, Рид Пол, Эрин Сиенна, Ева Джобс
Абызшәақәа	Англыз бызшәа
Амаҵура	CEO (Apple; 1977 ш.–1985 ш.) CEO (NeXT Computer; 1985 ш.–1997 ш.) CEO (Pixar; 1995 ш.–1997 ш.) CEO (Apple; 1997 ш.–2011 ш.)
Анаԥынҵамҭа
Асаит	https://www.apple.com/stevejobs
Commons Џьобс, Стив

Стивен Пол (Стив) Џьобс (англ. Steven Paul (Steve) Jobs), ахатәыхьӡла Абдул Латиф Џьандали (жәабранмза 24, 1955 ш., Сан-Франциско – жьҭаарамза 5, 2011 ш., Пало-Алто) — Америкатәи анаплакҩы, аҿыцаартҩы, аинвестор. Адунеи аҿы еицырдыруа акомпиутертә техника «APPLE» аилахәыра еиҿикааит. «APPLE» акомпаниа Стив Џьобс дмиллиардерны дҟанаҵеит.

Стив Џьобс ихәыҷра

Стив Џьобс диит Еиду Америкатәи Аштатқәа Сан-Франциско, жәабранмза 24, 1955 ш.. Стив Џьобс иан илыӡбеит, лыҷкәын ааӡара дрылҭарц, избанзар, лара дыстудентын, макьана дқәыԥшын, насгьы хаҵа дахьымцацыз азы. Стив Џьобс ҭаацәарас иоуран иҟан еиҳау аиурист ҵара змаз аби ани. Стив Џьобс дзыхшаз иан илҭахын лыҷкәын ааӡара дызгараны иҟаз, иреиҳау аҵара рымазарц. Аха, ус изыҟамлеит избанзар, уи аиурист иԥшәма ԥҳәыси иареи, аӡӷаб лакәын ирааӡарц ирҭахыз. Убри аҟынтә, Стив даҽа аҭаацәара ҿыцк иоуит. Стив иан, иреиҳау аҵара лымаӡамызт, иабгьы абжьаратә школгьы далымгацызт. Стив иан, дзааӡоз иҭаацәа лырқәит, ахәыҷы аколлеџь ахь аҵаразы дшырышьҭуа еиҳау аҵара иоурцаз.

«Аколлеџь Ридс»

Стив 17 шықәса ихыҵит, иара «Аколлеџь Рид» дҭалоит, аха уаҟа аҵара аиура ахә ҳаракын. Иҭаацәа уи аҟара рылшомызт аҟынтә, фымз рнаҩс, Стив иҵара аанижьуеит. Аха зегь акоуп Стив лассы-ласс интересс имаз алекциақәа дырзыӡырыҩҩуан.

Стив иԥсҭазаара мариамызт. Иҵарашықәсқәа рнаҩс игәалашәон, даныстудентыз ихатә уадаҵәҟьа шимамыз.

Акрызлеифаҵәҟьоз аԥарагьы имамызт азы, лассы-ласс индиатәи ауахәамахь акрыфаразы дныҟәалон. Ауахәама аҟынӡа жәакьелометрак бжьан. Стив Џьобс есыҽны жәакилометрак дныҟәон.

Акаллиграфиазы акәурсқәа

«Аколледж Рид» аҟны акаллиграфиа аҵара хшыҩзышьҭра ду арҭон. Стив Џьобс акаллиграфиа акурсқәа рахь дныҟәон, иԥшӡаны аҩышьа иҵарцазы. Уаҟа иоуз акаллиграфиазы адыррақәа Стив Џьобс ихы иаирхәеит жәашықәса рнаҩс. Стив иколлегацәеи иареи иаԥырҵеит раԥхьатәи акомпиутер «Macintosh», уаҟа ахархәара роуит зегь раасҭа иԥшӡаз ашрифтқәа. Иахьа акомпиутерқәа зегьы даара ашрифт ԥшӡақәа рымоуп, уи Стив Џьобс ибзоуроуп.

Ацәыӡи абзиабареи

Стив Џьобс 20 шықәса анихыҵуаз уи иҩыза Стив Возниаки иареи иаԥырҵеит «APPLE» акомпаниа. Урҭ ркомпаниа агараж аҿы еиҿкаан. Стиви Вози уахи-ҽни аус руан. Жәашықәса рнаҩс дара иҭрыжьуеит раԥхьатәи акомпиутер «Macintosh». Урҭ ркомпаниа даара иазҳаит, уажә уаҟа аус руан 4.000 иреиҳаны аусзуцәа. Стиви Вози аусурахь даарыԥхьеит еиҵыҵыз акомпаниа еиӷьны напхгара азҭаша. Анапхгаҩ ҿыци Стиви зеиқәшаҳаҭымхеит аусураҿы. Адиректорцәа Рхеилак акомпаниа напхгара азҭоз, Стив идымгылаӡеит. Стив, иара иаԥиҵаз акомпангиа далырцеит. Ҩажәижәаба шықәсазы Стив усурҭада дыҟан.

«APPLE» даналырца Стив еиҿикааит еиҭах ҩ-компаниак «NeXT», «Pixar» - анимациатә студиоуп. Ари астудиа адунеи аҿы зегь раԥхьа иаԥнаҵеит инеиҵыхыу анимациатә фильм. «APPLE» акомпаниа иаанахуеит «NeXT» акомпаниа, Стив деиҭахынҳәит «APPLE» ашҟа. Убри аамҭазы Стив Џьобс бзиа дибеит, анаҩс иԥшәма ԥҳәысхаран иҟаз Лоренс. Уи ԥҳәысс дигоит, аҭаацәара бзиагьы аԥиҵоит.

Стив Џьобс иқәҿиара амаӡа

Стив Џьобс ажурналист даниҿцәажәоз ус иҳәеит: «Дарбанызаалакь ақәҿиара змоу ауаҩы иус ҷыдала бзиа ибоит. Аус гәазыҳәарыла уазыҟазароуп, аус бзиа иумбозар, акымзарак улшаӡом. Ақәҿиарагьы уоуӡом. Аус абзиабареи, агәаҳәара дуӡӡеи аҭахуп ақәҿиара бзиа уоурц. Аха, убри инаҷыданы, иумазароуп иӷәӷәоу акоманда. Уи азы ауа бзианы ижәдыруазароуп, иаԥсоу аусзуцәа аусура ргаразы. Аус абзиабара, агәаҳәара ду, акоманда ӷәӷәа - абри ауп сара сықәҿиара! Абас иҳәон Стив Џьобс.

Стив Џьобс иԥсҭазаара далҵит жьҭаарамза 5, 2011 ш., 56 шықәса дшырҭагылаз.

Азхьарԥшқәа

• Аофициалтә саит
• Steve Jobs: From Garage to World's Most Valuable Company (2011 ш.)
• Steve Jobs commencement speech at Stanford University (2005 ш.)
• Steve Jobs, Founder, NeXT Computer, excerpts from an Oral History Interview at Smithsonian Institution (1995 ш.)
• Steve Jobs in 1994: The Rolling Stone Interview in Rolling Stone (1994 ш.)
• Стив Џьобс ибиографиа YouTube асаит ахь