Dassiedeur
Dassiedeur is ‘n unieke tonnel op ‘n afgeleë grondpad in ‘n boerderystreek tussen Cradock en Kookhuis.[1][2][3] Dit is ‘n besienswaardigheid weens die indrukwekkende klipkapwerk uit die verlede.
Die tonnel is by 32° 30′ 22.96″ suid, 25° 44′ 42.50″ oos, op ±800 m bo seespieël, 29 km noord van Kookhuis en 14 km suid van Mortimer. Dit is by Elandsdrift, op die westelike oewer van die Groot-Visrivier, suid van die spooweghalte Drennan en noord van die haltes Nelland, Witmos en Slagtersnek, naby die Daggaboersnek (voorheen bekend as Knapzakfontien) op die N10 nasionale pad en suidoos van die Bergkwaggapark.[1]
Hierdie is ‘n voormalige spoorwegtonnel wat in onbruik geraak het met die herbelyning van die Kaapse Middelland se spoortrajek. Die kontrak vir die bou van die oorspronklike spoorweg tussen Kookhuis en Cradock, insluitende hierdie tonnel van 271 m, is aan ene Faviell toegeken, en is in 1879 uitgevoer. Die spoorlyn tot op Cradock is op 21 November 1880 vir gebruik oopgestel.
By die tonnel is die plaas Das en Door en die Elandsdriftdam. In hierdie kontrei word geboer met mielies, merinoskape, lusern en vrugte.
Bronnelys
[wysig | wysig bron]- Burman, Jose: Early railways at the Cape. Kaapstad: Human & Rousseau, 1984. ISBN 0-7981-1760-5
- Logie, Bartle: Water in the Wilderness. A journey down the Great Fish River. Port Elizabeth: Bluecliff, 2006. ISBN 0-620-36163-8
- sites.google.com
Verwysings
[wysig | wysig bron]- ↑ 1,0 1,1 "Dassiedeur Tunnel". Tracks4Africa.
- ↑ "DASSIEDEUR-TREINTONNEL – N VERRASSING IN DIE HEUWELS VAN DIE UITGESTREKTE OOS-KAAP KAROOLANDSKAP". 4 Maart 2024.
- ↑ "Dassiedeur Tunnel". artefacts.co.za. Geargiveer vanaf die oorspronklike op 27 Maart 2024. Besoek op 25 Maart 2024.