Groenrugreier
| Groenrugreier | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | B. striata
|
| Binomiale naam | |
| Butorides striata | |
Die groenrugreier (Butorides striata) is 'n algemene standvoël.
Identifikasie
[wysig | wysig bron]
Soos die naam van die groenrugreier dui, het die voël 'n rugkant wat grysgroen voorkom. Sy vere het roomkleurige rande. Die kante van sy nek en sy flanke is grys en hy het 'n swart mus. As hy opvlieg, is sy geel pote opvallend. Jonge voëls word aan hul donker rugkante en wit kolle op die gevoude vlerke uitgeken. Die algemene lengte van 'n volwasse groenrugreier is 41 cm.
Habitat
[wysig | wysig bron]Dit is 'n algemene klein reiertjie wat een-een by dig-beboste riviere, groot damme, panne en riviermondings of strandmere met wortelbome voorkom. Daglewend; jag al langs die oewer of van 'n lae tak of dooie boom wat in die water staan. Vlieg in 'n boom in as hy opgejaag word.
Verspreiding
[wysig | wysig bron]Kom voor in groot dele van die Vrystaat, KwaZulu-Natal, Namibië en Botswana en oor die hele Mpumalanga Noord-Wes, Mpumalanga, Limpopo, Mosambiek en Zimbabwe.
Dieet
[wysig | wysig bron]Groenrugreiers eet meestal klein visse en skaaldiere (veral krappe), asook ander waterbewoners, insekte en enige ander eetbare happies, insluitende klein soogdiere.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronnelys
[wysig | wysig bron]- Newman se Voëls van Suider-Afrika. ISBN 1868729826.
- Inskrywing van die groenrugreier Geargiveer 17 Maart 2016 op Wayback Machine by die webwerf van die Sungei Buloh Natuurreservaat.
Eksterne skakels
[wysig | wysig bron]
Wikimedia Commons het meer media in die kategorie Groenrugreier.
Wikispecies het meer inligting verwant aan Groenrugreier
