14. Jahrhundert

S 14. Jahrhundert hät am 1. Januar 1301 aagfange und am 31. Dezember 1400 uufghört.
Es isch d Epoche vom Spaatmittelalter in Europa.

Ereigniss und Entwicklige

D Kriise vom 14. Jahrhundert
Übergang vo dr mittelalterliche Wärmephase zur Chliine Iisziit
Entstehig vom Osmanische Riich
En Drittel vo dr europäische Bevölkerig schtirbt a dr Pescht - lueg au dr Schwarzi Tod, die ersti Epidemii sit sechshundert Jahr. (Erschti und schlimmsti Welle: 1347–1351, dänn unregelmässig alli nüün bis zwölf Jahr mit Underbrechige, bis sie 1722 ganz us Europa verschwindet.)
Endi vo dr mongolische Yuan-Dynaschtii z China und Aafang vo dr Ming-Dynaschtii (1368)
S Abigländische Schisma vo dr Römisch-Katholische Chile fangt aa 1378 und füehrt zu ziitwiilig drei gliichziitige Päpst.
D Bauhütte, wo sit em 13. Johrhundert entstönd, erlebed ihri Blütezeit.
Durchsetzig von ere moderne Verwaltig in de Landesfürschtentümer, wo sich uusbilde. Aschtell vo de Bsitzlischte vom 13. Jahrhundert träted jetzt zuenehmend Urbarbüecher, wo gnaui Bsitzbeschriibige mit Pächter und Zins enthalte händ.
Um 1320 haltet s Schüüsspulvergschütz Iizug i di europäischi Waffetechnik.
Zur Jahrhundertmitti exischtiered in Europa meeh als 4'000 Chlöschter. Am Orde vo de Benediktiner werded 1'500, de Franziskaner 1'450, de Zischterzienser 740 und de Prämonschtratenser 450 Baute zuegrechnet.
Schach hät sich in Mitteleuropa i de gsellschaftliche Chreise duregsetzt. De Rüdiger Manesse zeigt i dr Manessische Liederhandschrift Szene vom Schachspiel.

Richtigs Mischverhältnis vom Schwarzpulver dur de Mönch Berthold Schwarz wird aageblich im Jahr 1313 entdeckt.
Im Lauf vom 14. Jahrhundert fangt mer demit aa, d Chräft vom Wasser und vom Wind aktiv z nutze.
Es anders Ziitgfühl haltet Iizug i d Dörfer, es isch mit der Erfindig und Iifüehrig vo de Turmuhre choo.
D Buure chömed es neuis Mittel über, zum ihri Felder ökonomischer abzernte, nämlich d Sense.
Mit dr Erfindig vom Spinnrad chömed d Familie e neui Verdienschtmöglichkeit über.
I dr Geldwirtschaft isch d Buechfüehrig wesentlich verfiineret worde. Kreditbrief und Wechsel chömed nöd zletscht im Hundertjährige Chrieg ihri Bedüütig über.
Di Arabische Zahle lösed langsam di Römische Zahle ab, dademit fangt sich d Null aa durezsetze.

Schloss Runkelschtei be Boze, gröschter profan Freskezyklus vom Mittelalter 1388-ca.1400.

Barbara Tuchman: Der ferne Spiegel. Das dramatische 14. Jahrhundert. ISBN 3-423-10060-5

Intressegmeinschaft Mensch im Mittelalter e.V Darschtellig vom alltägliche Lebe im 14te Jahrhundert. Mode, Huushalt, Alltagslebe
Diu Minnezît S Rittertum im Umbruch: Chleidig, Rüschtig, Handwerch, Alltag im 14ten Jahrhundert
Elvelüüt Hamborch D Ziit vo dr Hanse: Wie händ Chauflüüt in Hamburg vom 14te Jahrhundert uusgseh?

Dä Artikel basiert uff ere fräie Übersetzig vum Artikel „14._Jahrhundert“ vu de dütsche Wikipedia. E Liste vu de Autore un Versione isch do z finde.