Internationali Telefonvorwahl

Dialäkt: Züridütsch (See)

E internationali Telefonvorwahl (au Ländervorwahl, engl. country code) isch e Telefonnummere, wo mer wählt, um uf di logischi Ebeni vomene nationale Telefonnetz z glange. Internationali Telefonvorwahle beschtönd us zwei Teile:

1. Ere Zifferefolg, um uf di logisch Ebeni vom internationale Telefonnetz z glange. Die hangt vo dem Land ab, wo mer sich befindet, drum wird sie international einheitlich mit eme „+“ symbolisiert.
2. Ere Zifferefolg, um vo deet uf di logischi Ebeni vom nationale Telefonnetz z glange. Die wird vo dr International Telecommunication Union (ITU) weltwiit einheitlich vergee.

Biischpiil (Ländervorwahl uf Düütschland): „+49“

1. D Nummerechetti zum Zuegang vom lokale Telefonnetz zum internationale Telefonnetz, symbolisiert dur „+“, luutet z. B.
   1. „00“ gilt us viile Telefonnetze, biischpiilswiis us fascht allne europäische. I zahlriiche wiitere Länder wird oder isch bereits uf die Zifferefolg umgschtellt worde.
   2. „011“ us de USA und Kanada
   3. „119“ us Kuba
   4. „09“ us Südafrika
   5. i allne GSM-Netze weltwiit chann schtatt dr Nummerchetti au „+“ direkt iigee werde.
2. D Nummerechetti vom internationale Telefonnetz i s gwünschte nationale Telefonnetz (di eigentlichi Landeskennzahl) isch unabhängig vom Uusgangstelefonnetz, uf Düütschland also immer „49“. Für die drei gnännte Biischpiil erhaltet mer demit:
   1. „00 49“ (vieli Länder)
   2. „011 49“ (USA und Kanada)
   3. „119 49“ (Kuba)
   4. „09 49“ (Südafrika)
3. Die führendi 0 vo dr Ortsvorwahl im gwünschte Land muess mängisch wegglaa werde (Biischpiil: Düütschland), mängisch nöd (Biischpiil: Italie).

Anderi Biischpiil für Ländercodes:

USA und Kanada	+1
Russland und Kasachstan	+7
Öschterriich	+43
Schwiiz	+41
Liechteschtei	+423
Südkorea	+82

Lueg au

• Ländervorwahllischte sortiert nach Nummere
• Ländervorwahllischte sortiert nach Länder
• Telefonvorwahl
• Telefon
• Ländercode
• Ländercodes (Internet)
• Lischte vo unabhängige Schtaate
• ISO-3166-1-Kodierliste

Weblink

• sehr umfangriichi Datebanksammlig (Vorwahle vo Orte und Länder bis Mail- und Poschtadresse)
• Online-Rechner für Internationali Vorwahle – für beliebigi Kombinatione vo Uusgangsland und Zielland wird di internationali Vorwahl berechnet
• http://www.itu.int – Website vo dr International Telecommunication Union (ITU)
• World Telephone Numbering Guide
• Internationali Vorwahle und Informatione zur Telekommunikation
• Vorwahle vo 153 Schtädte vo Russland
• Internationali Ländervorwahle

Dä Artikel basiert uff ere fräie Übersetzig vum Artikel „Internationale_Telefonvorwahl“ vu de dütsche Wikipedia. E Liste vu de Autore un Versione isch do z finde.