Regisseur
| Dialäkt: Züridütsch (See) |
En Regisseur, wyblich e Regisseurin (vo frz.: régisseur, régir leite), au Schpielleiter gnännt, füehrt Regie und isch demit traditionell nebed em Schauschpieler di entscheidendi Person bi dr Uuffüehrig vomene Schtück. Als Alternative zur Zentralgwalt vom Regisseur sind verschiedeni Aasätz vo (meh oder weniger) gliichberechtigte Regieteams entwicklet worde.
Es git de Bühneregisseur für Schauschpiel, Musical, Opere, Operette und anderi Bühne-Werch im Theaterbereich, de Filmregisseur für d Filmkunscht, de Hörschpielregisseur für Hörschpiel und künschtlerischs Feature und de Fernsehregisseur für Fernsehsendige. S gmeinsame vo dene verschiedene Regietätigkeite, isch d Verantwortig für di künschtlerisch Gschtaltig vomene Projekt, wo i dr Regel uf ere schriftliche Vorlaag basiert.
Tätigkeit
[ändere | Quälltäxt bearbeite]D Inszenierig vomene Regisseur schtellt es eigeschtändigs künschtlerischs Werch dar. Er bsitzt s Urheberrecht am entschtandene Kunschtwerch. Zu de Uufgabe vom Regisseur ghört, d Interpretation vomene Drehbuech (Theaterschtück) bzw. Produktionsmanuskript (Hörschpiel, Feature). Oft hät er au - in Rückschprach mit em Autor und em Dramaturg - entscheidende Aateil a dr Uusarbeitig oder Überarbeitig vomene Schtück.
D Aapassig vom künschtlerische Entwurf a di ökonomisch-organisatorische Möglichkeite wird vom Regisseur i Zämeearbet mit em Produzent (s. Filmproduzent) und andere Verantwortliche vorgnaa. Wiiter wird vom Regisseur in Rückschprach mit em Bsetzigsbüro, d Uuswahl vo de Darschteller und mängisch au vom wiitere technisch-künschtlerische Schtab vorgnaa.
Bi dr Umsetzig vom Projekte underscheided sich d Uufgabe vom Regisseur je nach Medium. Unabhängig devoo bliibt e zentrali Uufgaab vom Regisseur d Aaleitig und Underschtützig vo de Darschteller bi dr Uusgschtaltig vo ihrne Charaktere.
Weblink
[ändere | Quälltäxt bearbeite]- Bundesagentur für Arbet: Film-/Fernseh-Regisseur/in (Site cha nüme abgrüeft wärde; Suche im Webarchiv)
- Bundesagentur für Arbeit: Theater-Regisseur/in/Spielleiter/in
- regie.de - D Adresse für Filmschaffendi
- Hackermovies.de: Jungi Regisseure beantworted Frage zum Thema
- Filmerforum - s Netzwerch vo de Filmemacher
- Filmschtube - en Zämeschluss vo Filmemacher in Norddüütschland
|
Dä Artikel basiert uff ere fräie Übersetzig vum Artikel „Regisseur“ vu de dütsche Wikipedia. E Liste vu de Autore un Versione isch do z finde. |