Sozialdemokratischi Partei va der Schwiiz
| Sozialdemokratische Partei der Schweiz | |
|---|---|
|
| |
| Gründigsdatum: | 21. Oktober 1888 |
| Präsidium: | Cédric Wermuth Mattea Meyer (Co-Leitig) |
| Vizepräsidium: | Jacqueline Badran, Samuel Bendahan, Valérie Piller Carrard, Jon Pult, David Roth, Nicola Siegrist |
| Generalsekretär: | Tom Cassee, Rebekka Wyler (Co-Leitig) |
| Mitgliider im Bundesrioot: | Alain Berset Elisabeth Baume-Schneider |
| Mitgliider: | 31'300[1] (Stand: 2019) |
| Fraueaadeil: | im Nationalroot: 64,1 % im Ständeroot: 33,3 % (Stand: 27.10.2019) |
| Wähleraadeil: | 18,3 % (Stand: NR-Wahle 2023) |
| Nationalroot: | 41/200 |
| Ständeroot: | 8/46 |
| Fraktion (BV): | Sozialdemokratischi Fraktion |
| Fraktionspräsident: | Samuel Bendahan, Samira Marti |
| Kantonali Parlament: | 437/2594 (Stand: Februar 2023) |
| Kantonali Regierige: | 29/154 (Stand: Februar 2023) |
| Parteigliiderig: | 27 Kantonali Parteie (zwoo im Kanton Wallis) |
| Gruppierige: | SP-Fraue* Jungsozialist*inne Schwiiz (JUSO) |
| Website: | www.sp-ps.ch |
Die Sozialdemokratischi Partei va dr Schwiiz (SP; franzöösisch: Parti socialiste suisse PS), wa politisch links steiht, isch e grossi Partei va der Schwiz. Si isch eini va de Bundesratsparteie.
Si isch Mitgliid va der Sozialistischen Internationale und assoziierts Mitgliid va der Sozialdemokratische Partei va Europa. D Co-Presidänte sind sit em Oktober 2020 d Mattea Meyer und dr Cedric Wermuth.[2]
Inhaltligs Profil
[ändere | Quälltäxt bearbeite]S aktuelle Parteiprogramm vo der SP goht uf e Parteidag vom 30. und 31. Oktober 2010 z Lausanne zrugg.[3] Es isch s sibete Parteiprogramm in der Gschicht vo der Sozialdemokratische Partei.[4]
D SP isch in ihrer aktuelle Politik für klassischi sozialdemokratischi Positione. Dodrzue ghört ihr Iidräte für e starch Staat und dr Service public, gege wiitgehendi wirtschaftligi, aber für gsellschaftligi Liberalisierige, für meh Umwält- und Klimaschutz, für en ussepolitischi Öffnig vo der Schwiiz und e Sicherheitspolitik, wo uf dr Grundlaag vom Pazifismus stoot.
Allgemein isch aber do drzue z bsääge, ass d Kantonaal-Sektione über e grossi Autonomie verfüege und so hüffig vo de Positione vo der SP Schwiiz chönne abwiiche.
So lehnt d SP in der Wirtschafts-, Finanz-, und Sozialpolitik wirtschaftsliberali Aaliige wie öppe d Deregulierig, d Sänkig vo de Stüüre für Ryychi und d Chürzig vo de Staatsusgoobe uf Chöschte vo der Grundversorgig und bsundrigs vo der Sozialversicherig («Sozialabbau») in der Regel klar ab, und si kämpft gegen e allfälligi Erhöhig vom Pensionierigsalter.
Drfür duet d SP in gwüsse Beriich für en Usbau vo de staatlige Sozialleistige iidräte, z. B. in dr Form vom ene öffentlig finanzierte Mueter- und Vaterschaftsurlaub, ere staatlige Eiheitschrankekasse oder eme flexible Pensionierigsalter. In der Stüürpolitik wehrt sich d SP gege «Stüürgschänk an die Ryyche» und sträbt noch ere vergrösserete Umverdeilig vo obe uf unde mit ihrer Forderig noch ere schwiizwiite Harmonisierig vo de Stüürsetz. Si isch skeptisch bis ablehnend gegenüber der Privatisierig vo Betriib, wo öffentlig-rächtlig si oder vom Staat drait wärde, und si isch eender gäge d Abschaffig vo de staatlige Monopol, wo s no git (Swisscom, Post, SRG SSR, Strommärt etc.).
Im Beriich vo der Landwirtschaft und vo de Parallelimport isch d SP aber für meh Wettbewärb.
In gesellschaftlige Frooge befürwortet d SP meh Gliichstellig und Öffnig. So setzt si sich z. B. drfür ii, ass d Fraue Familie und Bruefsdätigkeit besser under ei Huet chönni bringe (z. B. mit dr Forderig noch meh extärne Bedreuigsaagebot für Chinder und noch meh Deilzitstelle), si wett e schnälli faktischi Verwirklichung vo der Lohngliichstellig vo Frau und Ma, befürwortet d Iifüehrig vo der iidraite Partnerschaft für Homosexuelli und vo der Fristereglig bi Abdriibige. In der Justiz und bi der Migration wehrt si sich gege Massnahme, wo allzu restriktiv si, und plädiert für e Politik vo der Humanität. So lehnte si d Verscherfig vo de Asyl- und Usländergsetz sit de 1980er-Johr immer ab. Drfür befürwortet si d Förderig vo der Integration vo de Migrante. In ihrem Positionspapier zur Migrationspolitik forderet d SP «Integration vo der erste Stund», wo Migrante sich sofort noch ihrer Iireis müesse verpflichte sich z integriere. D SP isch au für e liberali Drogepolitik und befürwortet die kontrollierti Heroinabgoob und d Entkriminalisierig vom Cannabis-Konsum. Drgege isch si für e Rauchverbot au in Restaurant und Bare.
In der Ussen- und Sicherheitspolitik setzt sich d SP für e versterkti Mitarbeit vo der Schwiiz in internationale Organisatione ii. Si befürwortet im Gegesatz zu de bürgerlige Parteie SVP, FDP und CVP, wo uf e reine Bilateralismus setze, grundsätzlig e Biidritt vo der Schwiiz zur EU. D SP isch für e weniger strikti, «aktivi» Neutralitet und für e versterkte internationale Iisatz für Friide und Menscherächt, aber au für s Bhalte vo der militärische Neutralitet und gegen e NATO-Biidritt. Ihri pazifistischi Haltig chunnt au in der Armeefroog zum Usdruck: Si forderet e Professionalisierig und e dütligi Verchliinerig vo der Schwiizer Milizarmee und d Abschaffig vo der Wehrpflicht. E wiiteri Forderig isch, ass me d Dradition vom Ufbewahre vo der persönlige Armeewaffe deheim wurd ufgee.
Zsämme mit der Grüene Partei deilt d SP schliesslig s ökologische Gedankeguet, wo sich in Fordrige noch ökologische Stüürreforme und Länkigsabgoobe, im Iisatz für Energiisparmassnahme und erneuerbare Energie, für Umwält- und Landschaftsschutz, (gegen e Bau vo neue Stroosse, Verlagerig vom Güeterverchehr vo der Strooss uf d Schiine, d Iifüehrig von ere Alpetransitbörse) und für en Usbau vom öffentlige Verchehr und in der Ablehnig vo der Chärnenergii zeigt.
Bundesroot
[ändere | Quälltäxt bearbeite]Di SP het 2 Bundesrööät:
Ständeroot
[ändere | Quälltäxt bearbeite]Im Ständeroot sind bi dr Wahl vom Jahr 2015 grad 9 Sitz zu dr SP choo.
Nationalroot
[ändere | Quälltäxt bearbeite]I der Wahl vom Jahr 2019 het d'SP 39 Sitz im Nazionalroot überchoo. Si isch di zwäitgröschti Partei im Nationalroot, nach der SVP, wo 53 Sitz het.
Literatur
[ändere | Quälltäxt bearbeite]- Redboox Edition (Hrsg.): Einig – aber nicht einheitlich. 125 Jahre Sozialdemokratische Partei der Schweiz. redboox, Zürich 2013.
Fuessnoote
[ändere | Quälltäxt bearbeite]- ↑ En Viertel meh Mitglider. Run uf di grüene Wahlsieger. In: blick.ch. 5. Februar 2020, abgruefen am 26. Oktober 2021.
- ↑ Neues SP-Präsidium - SP wählt Mattea Meyer und Cédric Wermuth an die Parteispitze.
- ↑ dr Parteitag vo 2010. Archiviert vom Original am 23. Oktober 2019; abgruefen am 23. Oktober 2019.
- ↑ Politischi Theeme vo dr SP Schwiiz. Archiviert vom Original am 20. Oktober 2019; abgruefen am 23. Oktober 2019.
Weblink
[ändere | Quälltäxt bearbeite]
