Wil SG
| S SG im Lemma isch s offiziell Chürzel vom Kanton Sanggalle und wird bruucht, zum Verwächslige mit Yträäg vom Name Wil vermyde, wo öppis anders meined. |
| Wil | |
|---|---|
 | |
| Basisdate | |
| Staat: | Schwiiz |
| Kanton: | St. Galle (SG) |
| Wahlchrais: | Wil |
| BFS-Nr.: | 3427 |
| Poschtleitzahl: | 9500 Wil 9552 Bronschhofen |
| UN/LOCODE: | CH WIL |
| Koordinate: | 721481 / 258568 |
| Höchi: | 571 m ü. M. |
| Flächi: | 20,81 km² |
| Iiwohner: | 24'541 (31. Dezämber 2022)[1] |
| Website: | www.stadtwil.ch |
| Charte | |
 | |
Wil isch e chlineri Stadt und ehemolige Hoptort vom Waalchrais Wil im Kanton Sangalle mit öpe 23'000 Iiwohner (Stand Januar 2013, inkl. Bronschhofe).
Gschicht
[ändere | Quälltäxt bearbeite]Will wärend meh als 500 Joor z Wil Fürschtäbt vom Chloschter Sangalle residiert händ, haisst Wil au Hüt no Äbtestadt. Vor 1226 hät Wil dä Grofe vom Toggeburg ghört und ab 1798 för fööf Johr zum ehemolige Kanton Säntis. Dank de wichtige Vercherslag und em Marträcht, wo Wil dor d Fürschtäbt i de zwaite Hälfti vom föfzääte Johrhundert übercho händ, hät d Stadt en Uufschwung erläbt. No hüt zügt d Altstadt mit em Hof zu Wil vo säbere Zyt. 1984 hät Wil drum au de Wakkerpriis übercho.
Am 3. Juli 2011 händ d Stimmbürger vo Wil und Bronschhofe mit eme Jo-Stimme-Aatail vo 63,2 respektiv 78,3 Prozänt de Fusion zunnere nöie politische Gmeind Wil uf de 1. Januar 2013 zuegstumme.[2] Endi Dezember vor de Fusion hät Bronschhofe 4'675 und Wil 18'206 Iiwohner gha.
Am 4. November 2012 isch d Susanne Hartmann (CVP) zur nöie Stadtpräsidentin vo Wil gwäält worde. Si isch als wildi Kanditatin zu däne Wahle aaträte, da haisst, si isch vo ihrer aigne Partai nöd understützt worde. D Susanne Hartmann isch di ersti Frau im Kanton Sangalle, wo e Stadt präsidiere dörf.[3]
Sehenswürdigkaite
[ändere | Quälltäxt bearbeite]- Hof zu Wil, ehemoligi Residänz vo de Fürschtäbt
- Altstadt, mittelalterlich prägt
- Stadtcherche Sankt Niklaus, afangs 14ti Joorhundert
- Pfarrcherche Sankt Peter, (erschti Pfarrcherche z Wil)[4]
Verchehr
[ändere | Quälltäxt bearbeite]Wil isch im Fürschteland en wichtige Chnotepunkt für de Strosse- und Schinäverchehr. Wil hät mit de Autobahn A1 Sangalle-Züri e gueti Wescht-Oscht-Verbindig und mit de Hoptstross vo Chrützlinge dor dä Thurgau und witer dörs Toggeburg uuf, öber Wattwil bis uf Wildhuus, au e wichtegi Nordsüd-Achse.
Persönlichkaite
[ändere | Quälltäxt bearbeite]Wil isch de Geburtsort vo däne Lüt:
- Max Peter Ammann (* 1929), Filmregissör
- Kurt Felix (1941–2012), Fernsemoderator vom Teleboy und vo Verstehen Sie Spaß?
- Johann Baptist Hilber (1891–1973), Musiker, Komponischt und Chorlaiter
- Anna Sutter (1871–1910), Operesängeri
Weblink
[ändere | Quälltäxt bearbeite]
Commons: Wil – Sammlig vo Multimediadateie- Offizielli Website vo de Stadt Wil
- Ortsbürgergmaind Wil
- Stadtlexikon, Iiblick i d Gschicht bis is 12ti Joorhundert
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Die Stimmberechtigten von Wil und Bronschhofen sagen jeweils deutlich «Ja» zur Gemeindevereinigung (Memento vom 31. Juli 2012 im Webarchiv archive.is), News, Website gemeinsam-voran, vom 3. Juli 2011, abgruefe am 8. November 2012
- ↑ Eine Frau mischt Stadt und Kanton auf Artikel uf Tagblatt Online, vom 5. November 2012, abgruefe am 8. November 2012
- ↑ Abschnitt St. Peter uf de Website vo de Kath. Pfarr- und Cherchgmaind Wil, under Wil und Rossrüti, abgruefe am 12. Dezember 2011
