Zhu Xi

Zhu Xi

Dr Zhu Xi (chin. 朱熹 Zhū Xī/Chu Hsi; * 18. Oktober 1130 z Youxi, Fujian-Provinz, China; † 23. April 1200) isch dr wichtigscht Neokonfuzianer vu China gsii. Är het in dr Song-Dynaschti an dr beriemte Akademi vu dr Wysse Hirsch-Grotte glehrt un isch Lehrer un Beroter vum Song-Chaiser gsii.

Dr Zhu Xi het iber 70 Wärch gschriibe. In dr Wuyi-Bärg un an andere Ort het er iber 50 privati hecheri Lehraastalte grindet un het as Privatlehrer e baar Döusert Schueler uusbildet. Vil vu syne Schueler sin beriemti Theoretiker wore. In e jedere Stadt, wun er gschafft het, het er e Lehraastalt grindet.

Unter dr Wärch vum Zhu Xi isch syy Buech Die Familiennormen der Familie Zhu e wichtig Wärch iber d Regelig vu Familienaaglägehaite wore. Churz vor syym Dod het er syni Aamerkige zum Buech „Das Große Lernen“ (大學 dàxué) korrigiert, wu bis in s 20. Johrhundert as Standard fir d Beamtebriefig dient ghaa het. Dr Zhu Xi het Das Große Lernen zämme mit dr „Gspräch vum Konfuzius“ (論語 / 论语 lùn yǔ oder lún yǔ), em Buech „Mitte und Maß“ (中庸 / 中庸 zhōng yōng) un em Buech vum Mencius (孟子 Mèngzǐ) zue dr sognännte „Vier Biecher“ zämmegfiegt.

Literatur

• Chan, Wing-tsit: CHU HSI. In: Herbert Franke (Hrsg.), Sung Biographies, Wiesbaden 1976 ISBN 3-515-02412-3, Band 1, S.282–290.
• Kenji Shimada: Die neo-konfuzianische Philosophie. Die Schulrichtungen Chu Hsis und Wang Yang-mings. 2. Aufl. Reimer, Berlin 1987. (= Marburger Studien zur Afrika- und Asienkunde, Ser. B; 9.)

Weblink

•  Commons: Zhu Xi – Sammlig vo Multimediadateie
• Wärch vu Zhu Xi. In: Zeno.org.
• Kirill O. Thompson: „Zhu Xi“ in dr Internet Encyclopedia of Philosophy (änglisch mit Literaturaagabe)

Dä Artikel basiert uff ere fräie Übersetzig vu dere Version vum Artikel „Zhu_Xi“ vu de dütsche Wikipedia. E Liste vu de Autore un Versione isch do z finde.