Gnosticismo

Universum, Flammarion, Holzschnitt, París 1888.

O gnosticismo (d'o griego Γνωστικισμóς: gnostikismós; de Γνωσις: gnosis, «conoixencia») ye un conchunto de corrients sincreticas filosofico-relichiosas que plegoron a mimetizar-se con o cristianismo en os tres primers sieglos d'a nuestra era.

O gnosticismo se convertió en un pensamiento declarato heretico a la fin, dimpués d'una etapa de cierto prestichio entre os intelectuals cristianos. Encara que i haiga habito un gnosticismo pagano, o pensamiento gnostico mes significativo estió a branca cristiana d'o gnosticismo, una branca heterodoxa en o cristianismo primitivo, que suposatament habría encomenzato en a persona d'o cristiano samaritano Simón o Mago.

En tiempos d'a caita de l'Imperio Romano y invasions chermanicas Priscilián creyó una heterodoxia cristiana con base gnostica dita priscilianismo que enradigó en o norueste d'a Peninsula Iberica.

Bibliografía

• (de) Wolfgang Kosack: Geschichte der Gnosis in Antike, Urchristentum und Islam. Texte, Bilder, Dokumente. 525 Seiten. Verlag Christoph Brunner, Basel 2014. ISBN 978-3-906206-06-6 [1]

• Datos: Q48420
• Multimedia: Gnosticism / Q48420