La Muela

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre un municipio aragonés de la comarca de Val de Xalón, en la provincia de Zaragoza; pa atros usos, se veiga La Muela (desambigación).

La Muela
Municipio d'Aragón
Parque eolico en La Muela
Entidat  • País  • Provincia  • Comarca	Municipio  Aragón  Zaragoza Val de Xalón
Partiu chudicial	L'Almunia de Donya Godina
Superficie	143,17 km²
Población  • Total	6416 hab. (2013)
Altaria  • Meyana	598 m.
Distancia  • 30 km  • 23 km	enta L'Almunia enta Zaragoza
Alcalde	Adrián Tello Gimeno
Codigo postal	50196
Fiestas	Semana d'o 13 de chunio
Patrons	Sant Climent
Parroquial  • Archidiocesi  • Arcipestrau  • Parroquia	Zaragoza L'Almunia de Donya Godina Sant Climent Papa
Coordenadas	41°34’50’’N 1° 6’57’’U
La Muela La Muela en Aragón
Web oficial

La Muela ye un municipio aragonés de la provincia de Zaragoza, situau en la comarca de Val de Xalón. La suya población ye de 6416 habitants, en una superficie de 143,17 km² y una densidat de población de 44,81 hab/km².

Cheografía

Ye situada en una muela u plataforma estructural de la depresión d'Ebro, entre los ríos Xalón, Ebro y La Uerba. Bi ha muitos aerocheneradors u molins eolicos que han dau muita riqueza a lo municipio.

Historia

Se fundó en o sieglo XIII en o camín que uniba Zaragoza con Toledo con l'obchectivo d'ofrir protección a os viachers d'os bandidos que garimboliaban la redolada. En lo fogache de 1495 figura como un barrio de Zaragoza.

Toponimia

Lo toponimo La Muela ye transparent y deriva de la forma de releu estructural a on se troba lo lugar, una muela, que ye como se diz en la val d'Ebro a las plataformas estructurals con materials terciarios que gosan tener en lo teito u parte superior cualques estratos duros de piedra calsinera de lo Mioceno superior (calsineras pontianas). Seguntes Antonio Ubieto Arteta s'escribiba La Muela de Garrapinillos entre 1258 y 1280. (Cabe esperar La Muela de Garrapiniellos u La Muela de Carrapiniellos pero Ubieto Arteta no gosa dar variants foneticas guaire diferents de las castellanas en lo suyo libro "Los Pueblos y los despoblados"). En un texto de lo 8 d'agosto de 1260 escrito en latín medieval en lo que Chaime I concedeba boyalars a los habitadors de la Muela podemos veyer lo toponimo latinizau:

et aliis populatoribus illius Molae de Garrapiniellos, presentibus et futuris in perpetuum, illud boalare et vetatum quod iurati Cesarauguste vobis concesserunt, videlicet a Podio de Latronibus usque ad illam talayam Hospitalis de Garrapiniellos, sicut aque vergunt ab ipsa Mola inferius

Entre los suyos microtoponimos con posible component aragonés tenemos Puntal de l'Obaco, que proviene d'un apelliu toponimico que se remonta a lo latín OPACUM como l'aragonés ubago u paco y lo toponimo Obago de Torruella.

Demografía

Evolución demografica

1362 f 1495 f 1842 1857 1860 1877 1887 1897 1900 - - 411 828 760 706 826 757 783

1910 1920 1930 1940 1950 1960 1970 1981 1991 973 1.065 964 1.058 983 1.010 862 906 978

1992 1994 1996 1997 1998 1999 2000 2001 2002 - - 1.098 - 1.136 1.205 1.351 1.580 1.889

2003 2004 2005 2006 2007 2008 2009 2010 2011 2.310 2.858 3.265 3.567 3.965 4.419 4.928 5.166 5.213

2012 2013 2014 2015 2016 2017 2018 2019 2020 5.062 5.015 4.948 4.980 5.090 5.238 5.479 5.874 5.894

2021 2022 2023 2024 2025 2026 2027 2028 - 6.125 6.247 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011	2015	2019
Chunta Aragonesista	-	-	-	-	-	-	-	0	2	2	6
Vox	-	-	-	-	-	-	-	-	-	-	2
Partido Popular	-	-	-	-	2	1	1	2	6	3	2
Ciudadanos	-	-	-	-	-	-	-	-	-	1	1
Ganar La Muela	-	-	-	-	-	-	-	-	-	1	1
Partido de los Socialistas de Aragón	0	1	3	2	2	2	1	2	1	1	1
Partido Aragonés	2	2	-	5	5	6	7	7	0	3	0
Independients	0	4	-	-	-	-	-	-	3	-	-
Centro Democrático Liberal	-	-	-	-	-	-	-	-	1	-	-
Centro Democrático y Social	-	-	4	-	-	-	-	-	-	-	-
Unión de Centro Democrático	3	-	-	-	-	-	-	-	-	-	-
Coalición por Aragón	1	-	-	-	-	-	-	-	-	-	-
Coalición Democrática	1	-	-	-	-	-	-	-	-	-	-
Total	7	7	7	7	9	9	9	11	13	11	13

Alcaldes

Lista d'alcaldes

Lechislatura	Nombre	Partiu politico
1979–1983	Carmelo Aured Pinilla	UCD
1983–1987	Carmelo Aured Pinilla	Independient
1987–1991	María Victoria Pinilla	CDS
1991–1995	María Victoria Pinilla	Partido Aragonés
1995–1999	María Victoria Pinilla	Partido Aragonés
1999–2003	María Victoria Pinilla	Partido Aragonés
2003–2007	María Victoria Pinilla	Partido Aragonés
2007–2009	María Victoria Pinilla	Partido Aragonés
2009–2011	Ana Cristina Mateo	Partido Aragonés
2011–2015	Marisol Aured de Torres	Partido Popular
2015–2019	Adrián Tello Gimeno	Chunta Aragonesista
2019–2023	Adrián Tello Gimeno	Chunta Aragonesista
2023–2027	Adrián Tello Gimeno	CHA

Puestos d'intrés

• Ilesia de Sant Climent: ilesia mudéchar de lo sieglo XVI.
• La Casa-Palacio de los Torres: edificio gotico de zaguers de lo sieglo XV, hue seu de lo Concello y Casa de Cultura.
• La Ermita de Sant Antón: devantada en l'anyo 1701.

Esportes

Lo Fútbol sala ye representau por La Muela Fútbol Sala.

Vinclos externos

• Pachina web d'o municipio.

Referencias

Lugars d'o municipio de la Muela
Alto de la Muela | La Muela

• Datos: Q1639365
• Multimedia: La Muela / Q1639365