زوسر

زوسر هوه حاكم مصر رقم 18

زوسر
معلومات شخصيه
تاريخ الميلاد	القرن 28 ق.م
تاريخ الوفاة	القرن 27 ق.م
مكان الدفن	هرم سقاره المدرج
مواطنه	مصر الفرعونيه
الزوجة	حتب حر نبتى
ابناء	سخم-خت
الاب	خع سخموى
الام	نيماعت حاب
اخوه و اخوات	حتب حر نبتى
عيله	اسره مصريه تالته
مناصب
فرعون
خع سخموى   سخم-خت

تمثال زوسر فى المتحف المصرى فى القاهرة

زوسر نثرخت ومعناها " الجسم الإلهى " .. خد لقب جسر ومعناه المقدس (2686ق.م. - 2600ق.م) واسمه كان مكتوب فى بردية تورين و كان اسمه مكتوب باللون الاحمر و هو مؤسس الاسره التالته وده كان فى الدولة القديمة وقبره هو الهرم المدرج ويعتبر اول بناء حجرى ضخم فى التاريخ.

ذكر المؤرخ المصرى مانيتون Manethon ( مانثو Manetho )، أن زوسر حكم لمدة 29 سنة(2640ق.م - 2611ق.م)، فى الوقت نفسه تذكر بردية توربن أن فترة حكمه إمتدت بس 19 عام(2630ق.م - 2611ق.م)، لكن كتير من المؤرخين الحالين يذكرون أن فترة حكمة إمتدت لمدة 29 عام بسبب ضخامة اعماله الانشائية اللى قام بها. و عليه فارق السنين بين الرقمين قد يعنى أن زوسر هو نفسه الفرعون الاول فى الاسرة التالتة.

تمثال زوسر اللى من الحجر الجيرى, هو اقدم تمثال مصرى معروف بالحجم الطبيعى , و هو دلوقتى فى المتحف المصرى فى القاهرة ، و نسخة منه موجودة بداله فى السرداب اللى فى الهرم المدرج بتاعه.

وعنده نقش فى جزيرة من جزر اسوان بيقول عن المجاعة اللى حصلت فى عهده بسبب نقص فيضان النيل فبعت زوسر المقربين لختوم معبود الشلال وقال فيه :

قلبى كان فى ضيق مؤلم، علشان النيل لم يفض لسبع سنين . الحبوب ما كانتش وفيرة، البذور جفت، كل شيء كان يملكه الفرد ليأكله كان بكميات مثيرة للشفقة، كل شخص حرم حصاده. مش ممكن لأى شخص أن يمشى اكثر؛ قلوب كبار السنّ كانت حزينة وسيقانهم إنحنت متى جلسوا على الارض، و أيديهم أخفت بعيدا. لحد خدم المعابد كانو يذهبون، المعابد قفلت والملاجئ غطّيت بالغبار. باختصار، كلّ شيء فى الوجود أصيبو جه الرد من ختوم زى مالنقش بيقول :

أنا سأجعل النيل يرتفع لك. لن يكون هناك سنين اكثر لما يخفق الغمر فى تغطية اى منطقة من الارض. الزهور ستورق، و تنحنى جذوعها تحت وزن غبار الطلع

انجازاته

جعل منف عاصمه

مد حدود مصر لما قدر يسيطر على النوبيين

اخذ النحاس والتركواز من سينا فبقى عنده ثروه فقدر يعمل منشآت

انشأ مصطبة غرب قرية بيت خلاّف / جرجا و انشأ مصطبة اخرى قرب المصطبة الاولانىى

قبره

هرم سقاره المدرج

بنى زوسر قبره هرم سقاره المدرج على بعد ميل من جرف سقاره عشان يبقى بعيد عن باقى المقابر واشرف على البناء الوزير إمحوتب والهرم بيتكون من ست درجات مش متساويين وارتفاعه 62 متر ومكسو بحجر جيرى ابيض ومن جواه فهو متكون من شبكه ممرات واوضه دفنه اتبنت من الجرانيت

وزيره ايمحوتب

ايمحوتب ، وزير زوسر نفذ بنا هرم سقاره المدرج من الحجر ( 2900 قبل الميلاد ). اشتهر بعلمه فى الفلك و الطب ، و عملوه المصريين الاه فى العصور المتأخره و ساووه بالاله تحوت ، و عبده البطالمة و اعتبروه اله للطب و السحر و الفلك و قابله اليونانيين بإلاههم اسكلبيوس

مصادر

فيه فايلات فى تصانيف ويكيميديا كومونز عن:

زوسر