فوا جرا
| ||||
|---|---|---|---|---|
 | ||||
| المنشأ |  مصر الفرعونيه | |||
تعديل  |
||||
فوا جرا (بالفرنساوى : foie gras ، يعنى كبده دهن) هى اكله بتتعمل من كبدة وز او بط متزغط.فوا جرا من اكتر الاكلات المشهوره فى المطبخ الفرنساوى و لحد انهارده بتعتبر فرنسا اكبر منتج و اكبر مستهلك فى العالم كله لفوا جرا. انتاج فوا جرا بيتطلب تزغيط وز او بط و تأكيلهم كميات كبيره من الاكل غصب عنهم لحد ما يتضخم الكبد بتاعهم و يبقا فيه نسبة دهون كبيره جدا و عشان كدا المدافعين عن حقوق الحيوان بيشوفو انها عمليه قاسيه و فى بعض الدول زى تشيكيا و المانيا و ايطاليا طلعت قوانين بتمنع التزغيط و بتمنع كمان بيع فوا جرا بهدف حماية حقوق الحيوان.
عملية تزغيط الطيور ابتدت فى مصر القديمه من حوالى 2500 ق م و منها انتشرت لبلاد البحر المتوسط بس مش معروف بالظبط اذا كان المصريين القدام بيزغطو الوز عشان اللحمه بتاعته و لا عشان الكبده (الفوا جرا). اول مره تتذكر الفوا جرا بصراحه فى العالم القديم كان عند الرومان اللى سموها ايكور فيكاتوم (iecur ficatum) و (ايكور) معناها الكبده و (فيكاتوم) معنها التين لانهم كانو بيزغطو الوز بالتين المتجفف.
فى سنة 2005 العالم كله انتج 23,500 طن من الفوا جرا و كان لفرنسا النصيب الاكبر لانها انتجت لوحدها 18,450 طن يعنى حوالى 78.5% من انتاج العالم كله و جت وراها المجر بنسبة 8.2% و من الدول الكبيره التانيه فى انتاج الفوا جرا بولجاريا (6.4%) و امريكا و كندا و الصين.
مصادر
[تعديل]