Mikołaj Kopernik

Mikołaj Kopernik ( francavon Nicolas Copernic, germ- Nikolaus Kopernikus, lat- Nicolaus Copernicus Torinensis ), ba 19/02/1476 koe Toruń koe Preussa ke Polska kobliyir, aze ba 24/05/1543 koe Frombork awalkeyer, tir polskaf ujaristusik is selaropik is solokseropik is skapopik is kocopik. Tir kotgrupaf kire va awaltaveva kevrojuyur, i va rietova tentusa da Awalt iste tame sotigir ise Tawava vaon sokanamenir, kev gruperapa ruyesa da bana sotiyir istefa is meliziwesa. Numaceem ke bata rietova tuadrasa va betarapa va opaf ik trakopaf ik alkaf vileem, gu Kopernikafa Artowara zo dayoltar.