Azad İrland dövləti

Tarixi dövlət
Azad İrland dövləti
Bayraq Gerb
İrlandiya dövlət himni
6 dekabr 1922 — 29 dekabr 1937
Paytaxt	Dublin
Dilləri	İrland dili, ingilis dili
Rəsmi dilləri	İrland dili, ingilis dili
Valyuta	funt sterlinq
Vikianbarda əlaqəli mediafayllar

Azad İrland dövləti (ing. Irish Free State, irl. Saorstát Éireann) (1922-1937) — İngiltərə-İrlandiya müqaviləsinə uyğun olaraq 6 dekabr 1922-ci ildə yaradılmış dominion dövlət. Yaradılan zaman o, İrlandiya adasının bütün ərazisini əhatə edirdi, lakin elə ertəsi gün Şimali İrlandiya müqavilədə təsbit olunmuş sesessiya hüququndan istifadə etdi və kraldan xahiş etdi ki, “Azad İrland dövləti parlamentinin və hökumətinin səlahiyyətləri artıq Şimali İrlandiyaya şamil edilmir”. Dekabrın 8-də Şimali İrlandiya rəsmi olaraq İrlandiyanın digər hissəsindən ayrıldı. Azad İrland dövləti 29 dekabr 1937-ci ildə dominion statusundan çıxaraq müstəqil İrlandiyaya çevrilməsində həlledici addım kimi xidmət edən yeni konstitusiyanın qəbulundan sonra rəsmi olaraq fəaliyyətini dayandırdı.