Ayrton Senna

Sennas berühmter gelber Helm

Ayrton Senna da Silva (Aussproch:  [aˈiɾtõ ˈsenɐ da ˈsiwvɐ]) (* 21. Meaz 1960 in São Paulo; † 1. Mai 1994 in Bologna) wor a brasilianischer Rennfohra. Vo 1984 bis za sein Tod is a in da Formel 1 gfohrn und is drei mol Weltmoasta worn. Ban Großn Preis va San Marino 1994 is a tödlich vaunglückt.

Insgesomt is da Senna in seina Korrier 161 Grand Prix gfohrn, hot dabei 41 mol gwunga, 65 mol de Pole Position ghobt und is 19 mol de schnöste Rundn gfohrn.

Korrier

Kart, Formel Ford und Formel 3

Ois Kind va ana woihobendn Familie hot da Senna za de priviligiadn Einwohner vo Brasilien ghert. Deswegn hot a ses a leistn kinna, dass a ofangt, Rennen z'fohrn. Mit 13 Joarn is a sei easchts offiziells Rennen gfohrn und is 1977 und 1978 südamerikanischer Kartmoasta worn.

Parallel dazua hod a ogfangt, dass a sei Karrier in Eiropa afbaut und is 1981 mit 12 Siegn in 19 Renna Formel Ford Moasta worn. 1982 is a in de Formel-Ford-2000-Moastaschoft afgstiegn und hod sie auf Onhieb in Britischn und Eiropäischn Moastatitl ghoit. Noch zwejf Saisonsiegen in da Britischn Formel-3-Moastaschaft 1983 is a do, noch an hoatn Kompf gengan Martin Brundle, aa Moasta worn.

Rennen za da Eröffnung vo da Grand-Prix-Streckn Nürburgring am 12. Mai 1984, vorn Ayrton Senna

Toleman TG184, 1984, Donington Grand Prix Collection

Toleman (1984)

Toleman hot de Saiaon 1984 mit eanan untalegenen Auto van Voajohr besteitn miaßn, eascht im fünftn Rennen homs den Toleman TG184 eisetzn kinna. A wichigs Ereignis in dera Saison wor des Rennen vo Monte Carlo in Monaco. Do is da Senna im storkn Regn hinter sein spätan Rivalen Alain Prost zweita worn.

Zan Start va da neichn Saison is a nacha fia Lotus gfohrn.

Lotus-Honda ausn Joa 1987

Lotus (1985–1987)

Mit Lotus hos da Senna scho des zweite Saisonrennen in Estoril gwunnga. In seiner Laufbohn ois Lotus Fohra hot ea bis 1987 nu weitare fünf Rennen gwinnga kinna. Sei letzta Sieg auf Lotus is bis heit da letzte in da Geschichte vo dem Rennstoi.

Wegn sein wuidn Fohrstil is ea zwoa berühmt woan, owa hot se dadurch a Feind gmocht. Seine Gegna in dea Zeit woan sei Londsmo Nelspn Piquet und da Brite Nigel Mansell. Mit dene hot ea oft af da Streckn kämpfmt und fia sponnende Rennen gsorgt.

Senna ban GP vo Deitschland 1993

McLaren (1988–1993)

1988 is Senna za McLaren g'wechslt, wo ea da Teamkolleg van Alain Prost worn is. McLaren hot in dem Joar in Motornlieferantn gwechslt und is mit den neichn Honda Motor sauber üwalegn gwen. 15 vo 16 Rennen hom da Senna und da Prost in dera Saison gwunnga. Weng dea domois gültign "Streichresultat-Regel" is da Senna 1988 des easchte mol Weltmoasta worn.

In de foigendn zwoa Saisonen is des Klima zwischn Senna und Prost ollweil schlechta worn. Ban Saisonfinale 1989 san de zwoa ban Rennen in Brasilien zsommgfohrn, wobei da Prost ausgfolln is und da Senna weitafohrn hot kinna. Im nochhinein is da Senna ollerdings disqualifiziad worn. Somit wor da Prost Weltmoasta. 1990 hots an ähnlichn Vorfoll 'gem. Im letztn Rennen in Suzuka is da Senna in Prost ins Auto einigfohrn und beide san ausgschiedn. Desmol wor da Senna Weltmoasta. 1990 is ea außerdem zan "Weltsportler des Joares" gwöht worn.

1991 is da Senna a ibalegene Saison gfohrn und zum drittn mol Weltmoasta worn. In Suzuka hot er, weil a scho so haushoch vorn wor in da WM, sein Teamkollegn Gerhard Berger an Sieg gschenkt, indem an vorm Zü nu üwahoin hot lossn.

1992 und 1993 wor Senna gegn de ibalegenen Autos van Williams-Teams chancenlos. Williams hot in beidn Joarn de Weltmoastaschaft gwinna kinna. Prost hot außadem bei Williams an Vatrog untaschriebn, wo dringstandn is, dass da Senna net sei Teamkollege werdn deaf. Da Saisonhöhepunkt vo 1993 fian Senna wor da Große Preis vo Eiropa. Im stremenden Regn hot a vom fünftn Startplatz aus in oana Rundn olle voa eam üwahoit und hot des Rennen gwunnga. Im Letztn Rennen vo da Saison 1993, des a da Senna gwunnga hot, hom se da Prost und ea wieda vasöhnt.

Williams (1994)

Nu während da Saison 1993 hot da Senna fia Saison 1994 bei Williams untaschriebn. Ea hot se erhofft, dass a mit Williams sein 4. Weltmoastatitel gwinna ko. Sei härtesta Gegna in de easchtn zwoa Rennen wor da Michael Schumacher.

Tödlicher Unfall

Ban Katasrophenwochnend vo Imola 1994 is nochn Tod Roland Ratzenbergers und den schwan Unfoll vom Rubens Barrichello im Qualifying a nu a Startunfoll passiad. Des Rennen is donn a nu einige Rundn hintan Safety Car abglaufn. Nochn rollenen Restart hot da Senna vorn Schumacher gführt, bis ea in da sechtn Rundn in da Tamburello Kurve de Kontoin üwa sei Auto valiad und in a Betonmaua kracht. S'Rennen is noch ana kurzn Untabrechung fertig gfohrn worn und da Michael Schumacher hots gwunnga.

Eascht um 18:00 Ua is aus da Klinik in Bologna de Botschoft kema, dass da Senna doud is.

Sennas Grab; d'Aufschrift bedeit: Nix ko mi vo da Liab van Heagott trenna

Der Cemiterio do Morumbi (Friedhof vo Morumbi), Ehrengrob vom Senna

Gedenkstoa gegeniba vo da Unglicksstö

De Unfoiuasoch is bis heit net gekleat und olle Vafoan san eigstöd worn.

Statistik

Karrierestationa

1973–1981: Kartsport 1981: Britische Formel Ford 1600 (Moasta) 1982: Europäische Formel Ford 2000 (Moasta) 1982: Britische Formel Ford 2000 (Moasta) 1983: Britische Formel-3-Moastaschaft|Britische Formel 3 (Moasta) 1983: Europäische Formel-3-Moastaschaft|Europäische Formel 3

1983: Formel 1 (Testfahrer) 1984: Formel 1 (Platz 9) 1985: Formel 1 (Platz 4) 1986: Formel 1 (Platz 4) 1987: Formel 1 (Platz 3) 1988: Formel 1 (Weltmoasta)

1989: Formel 1 (Platz 2) 1990: Formel 1 (Weltmoasta) 1991: Formel 1 (Weltmoasta) 1992: Formel 1 (Platz 4) 1993: Formel 1 (Platz 2) 1994: Formel 1

Statistik in da Formel 1

Saison	Team	Chassis	Motor	Rennen	Siege	Zweiter	Dritter	Poles	schn. Rennrunden	Punkte	WM-Pos.
1984	Toleman Group Motorsport	Toleman TG183B/TG184	Hart 1.5 L4 Turbo	14	−	1	2	−	1	13	9.
1985	JPS Team Lotus	Lotus 97T	Renault 1.5 V6 Turbo	16	2	2	2	7	3	38	4.
1986	JPS Team Lotus	Lotus 98T	Renault 1.5 V6 Turbo	16	2	4	2	8	−	55	4.
1987	Camel Team Lotus Honda	Lotus 99T	Honda 1.5 V6 Turbo	16	2	4	2	1	3	57	3.
1988	Honda Marlboro McLaren	McLaren MP4/4	Honda 1.5 V6 Turbo	16	8	3	−	13	3	94 (90)	1.
1989	Honda Marlboro McLaren	McLaren MP4/5	Honda 3.5 V10	16	6	1	−	13	3	60	2.
1990	Honda Marlboro McLaren	McLaren MP4/5B	Honda 3.5 V10	16	6	2	3	10	2	78	1.
1991	Honda Marlboro McLaren	McLaren MP4/6	Honda 3.5 V12	16	7	3	2	8	2	96	1.
1992	Honda Marlboro McLaren	McLaren MP4/6B / MP4/7A / MP4/7B	Honda 3.5 V12	16	3	1	3	1	1	50	4.
1993	Marlboro McLaren	McLaren MP4/8	Ford 3.5 V8	16	5	2	−	1	1	73	2.
1994	Rothmans Williams Renault	Williams FW16	Renault 3.5 V10	3	−	−	−	3	−	−	−
Gesamt				161	41	23	16	65	19	614

Grand-Prix-Siege

1985:  Portugal (Estoril) 1985:  Belgien (Spa-Francorchamps) 1986:  Spanien (Jerez) 1986:  USA Ost (Detroit) 1987:  Monaco (Monte Carlo) 1987:  USA (Detroit) 1988:  San Marino (Imola) 1988:  Kanada (Montreal) 1988:  USA (Detroit) 1988:  Großbritannien (Silverstone) 1988:  Deutschland (Hockenheim) 1988:  Ungarn (Hungaroring) 1988:  Belgien (Spa-Francorchamps) 1988:  Japan (Suzuka)

1989:  San Marino (Imola) 1989:  Monaco (Monte Carlo) 1989:  Mexiko (Mexiko-Stadt) 1989:  Deutschland (Hockenheim) 1989:  Belgien (Spa-Francorchamps) 1989:  Spanien (Jerez) 1990:  USA (Phoenix) 1990:  Monaco (Monte Carlo) 1990:  Kanada (Montreal) 1990:  Deutschland (Hockenheim) 1990:  Belgien (Spa-Francorchamps) 1990:  Italien (Monza) 1991:  USA (Phoenix) 1991:  Brasilien (Interlagos)

1991:  San Marino (Imola) 1991:  Monaco (Monte Carlo) 1991:  Ungarn (Mogyorod) 1991:  Belgien (Spa-Francorchamps) 1991:  Australien (Adelaide) 1992:  Monaco (Monte Carlo) 1992:  Ungarn (Mogyorod) 1992:  Italien (Monza) 1993:  Brasilien (Interlagos) 1993:  Europa (Donington Park) 1993:  Monaco (Monte Carlo) 1993:  Japan (Suzuka) 1993:  Australien (Adelaide)

Oanzlergebnisse

Saison	1	2	3	4	5	6	7	8	9	10	11	12	13	14	15	16
1984
	DNF	6	6	DNQ	DNF	2	7	DNF	DNF	3	DNF	DNF	DNF		DNF	3
1985
	DNF	1	7*	DNF	16	DNF	DNF	10*	DNF	2	3	3	1	2	DNF	DNF
1986
	2	1	DNF	3	2	5	1	DNF	DNF	2	2	DNF	DNF	4*	3	DNF
1987
	DNF	2	DNF	1	1	4	3	3	2	5	2	7	5	DNF	2	DSQ
1988
	DSQ	1	DNF	2	1	1	2	1	1	1	1	10*	(6)	(4)	1	2
1989
	11	1	1	1	DNF	7*	DNF	DNF	1	2	1	DNF	DNF	1	DSQ	DNF
1990
	1	3	DNF	1	1	20*	3	3	1	2	1	1	2	DNF	DNF	DNF
1991
	1	1	1	1	DNF	3	3	4*	7*	1	1	2	2	5	2	1
1992
	3	DNF	DNF	9*	3	1	DNF	DNF	DNF	2	1	5	1	3	DNF	DNF
1993
	2	1	1	DNF	2	1	18*	4	5*	4	DNF	4	DNF	DNF	1	1
1994		Datei:Flag of the Pacific Community.svg
	DNF	DNF	DNF	†	†	†	†	†	†	†	†	†	†	†	†	†

Legende

Foarb	Abkiazung	Bedeitung
Goid	—	Sieg
Suiba	—	2. Plotz
Bronze	—	3. Platz
Grün	—	Platziarung in de Punkte
Blau	—	Klassifiziat außahoib bo de Punkteränge
Violett	DNF	Rennen ned beendet (did not finish)
	NC	ned klassifiziat (not classified)
Rot	DNQ	ned klassifiziat (did not qualify)
	DNPQ	in da Vorqualifikation gscheidad (did not pre-qualify)
Schwarz	DSQ	disqualifiziat (disqualified)
Weiß	DNS	ned am Start (did not start)
Hejblau	PO	nur am Training teignumma (practiced only)
	TD	Freidogs-Testfoara (test driver)
ohne	DNP	ned am Training teilgenommen (did not practice)
	INJ	valetzt oda krank (injured)
	EX	auseschlossa (excluded)
	DNA	ned auftauchd (did not arrive)
	†	vastorbm
		koa WM-Teilnahme
sunstige	P/fett	Pole-Position
	SR/kursiv	Schnejste Rennrunde
	*	ned im Zui, aufgrund vo da zruckglegten Distanz oba gwertet