Paranoia
| Klassifikazion nochm ICD-10 | ||
|---|---|---|
| F20.0 | Paranoide Schizophrenie | |
| F22.0 | Waunhofte Stearung / Paranoia | |
| F22.8 | Sunstige waunhofte Stearung / Oitassparanoia | |
| F23.3 | Paranoide Reaktion / Psychogene Psychose | |
| F60.0 | Paranoide Persenlichkeitsstearung | |
| ICD-10 online | ||
Paranoia (griachisch παράνοια paránoia, aus παρὰ parà „nemn“ und νοῦς noûs „Vastaund“; weatlich oilso „neman Vastaund“, „varuckt“, „waunsinnig“) is im engan Sinn de Bezeichnung fiar a psychische Stearung, de wos vo Waunvuastöllungen dominiat wiad. Zum paranoidn Denkn gheat typischaweise da oigegnweatige Glaum, dass ma vafoigt wiad. Historisch gseng woa des de Bezeichung fia jede Fuam vo Waunsinn.
Da paranoide Charakta
[Werkeln | Am Gwëntext werkeln]Da paranoide Charakta wiad vua oim vo foigende Eignschoftn prägt:
- Pathologische Söbstüwaschätzung
- Extremes Misstrauen
- Moßlose Reizborkeit
- Eingschränkts Urteisvamögn
- De permanente Vuastöllung vafoigt z wean
Des Objekt vom Vafoliungswaun is vo Foi zu Foi vaschiedn. Beim Wexl vo da Umgebung wexlt a da eingebüdete Vafoiga. Do drin zaagt si, dass da Vafoigungswaunsinn voi oim in ana Vaendarung vo de Denkvuagäng besteht, während de Denkinhoite variian kena.
Paranoia-Modö vo da Gstoittheorie
[Werkeln | Am Gwëntext werkeln]Da Max Wertheimer, da Begründa vo da Gstoittheorie, hod zauma mitn Psychiata Heinrich Schulte a sozialpsychologisches Modö zum Vaständnis vo da Paranoia vuagschlogn. Demnoch is de Paranoia a bsundare Fuam vo Beziahungswaunsinn. A Mensch, dem wos ned gelingt vo ana Gruppm aungnumma z wean, schlogt zu dena aundan a Oat Pontonbruggn, indem a si vafoigt füht. So entsteht fia eam de zwaunghofte Vuastöllung vo ana Beziahung zwischn Vafoigan und Vafoigtn.
Literarisches Beispü
[Werkeln | Am Gwëntext werkeln]
Ernst Jandl: stanzen:
soggds i siach hinta mia
so an droochn hea fliagn
hod n roochn aufgrissn
dea wü mi kriagn
und de schneidatn zent
und da bestige gschdaunk
wari nua scho hiin
i soggad:gottseidaunk
Literatua
[Werkeln | Am Gwëntext werkeln]- Berke, Joseph H.; Pierides, Stella; Sabbadini, Andrea; Schneider, Stanley (Hg.), Even Paranoids Have Enemies. New Perspectives on Paranoia and Persecution, London [etc.], Routledge, 1998.
- Freud, Sigmund, Remarques psychanalytiques sur l’autobiographie d’un cas de paranoïa (dementia paranoïdes). Le président Schreber, 1911, G. W. VIII, dans Cinq psychanalyses, Paris, PUF, 20e édition, 1997, p. 263-324.
- Munro, Alistair, Delusional Disorder. Paranoia and Related Illnesses, Cambridge, Cambridge University Press, 1999.
|
Biddschee en Hiiweis zu de Gsundheitstheman beochtn! |
|