Bisekswalidad

An wagayway kan pagdadakula kan mga tawong bisekswal. An rosas iyo nangangahulogan kan pagkadaka sa kaparehong tawuha (homosekswalidad), an bughaw iyo may buot sabihon na pagkabighani sa kabaligtad na tawuha (heterosekswalidad), asin an purpura iyo nangangahulogan kan bisekswalidad (rosas + bughaw = purpura).

An Bisekswalidad (literal na "pang- o para sa duwang tawuha" asin karaniwan man na inaapod na silahis) iyo sarong ugaling pangkasarian ng tao o sarong oryentasyong pangkasarian na kinaiimbweltuhan kan panghawak o maromantikong pagkadagka kan tawo sa kapwa mga lalaki asin patin sa mga babae. Saro ini sa tulong pangenot na mga klase nin oryentasyong seksuwal, kaiba kan heterosekswalidad asin kan homosekswalidad, asin gabos iyo parte kan kontinuum na heterosekswal-homosekswal. An panseksuwalidad iyo mapupwede o dai mapupwedeng idugang bilang kakabtang kan bisekswalidad, na may nagkapirang mga mapagkukuanan nin mga babasahon an nagsasaad na an bisekswalidad iyo nagtataros sa pagkadagka na sekswal o romantiko sa gabos na mga katauhang pangkasarian. An mga tawong may kakaiba alagad dai pansiring na kagustuhan para sa sarong kahadean sa ibabaw kan iba iyo mapupwede man na ipamidbid an saindang mga sadiri bilang bisekswal, samantalang an mga tawong mayong pagkadagkang sekswal sa dawa anoman na tawuha iyo namimidbidan bilang mga asekswal (nasa kamugtakan kan asekswalidad).

Maririparo an bisekswalidad sa manlain-lain na mga komunidad kan mga tawo asin patin na man sa ibang lugar sa kaharian ng mga hayop sa kahalabaan kan naitalang kasaysayan. Alagad, an katagang bisekswalidad, siring kan heterosekswalidad asin homosekswalidad, iyo naimbento kan ika-19 siglo.