Лара Гут
Лара Гут 
| ||||||||||||||||||||
| ||||||||||||||||||||
| Грамадзянства |  Швейцарыя
| |||||||||||||||||||
| Дата нараджэння | 27 красавіка 1991[1] (33 гады) | |||||||||||||||||||
| Месца нараджэння | ||||||||||||||||||||
| Рост | 160 см | |||||||||||||||||||
| Кар'ера | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| Клуб | Sporting Gottardo | |||||||||||||||||||
| Статус | спаборнічае | |||||||||||||||||||
| Медалі | ||||||||||||||||||||
| ||||||||||||||||||||
| Вынікі | ||||||||||||||||||||
| Кубак свету | ||||||||||||||||||||
| ||||||||||||||||||||
| ||||||||||||||||||||
| Апошняе абнаўленне: 8 снежня 2013 | ||||||||||||||||||||
Лара Гут (ням.: Lara Gut, нар. 27 красавіка 1991, Сарэнга, кантон Тычына, Швейцарыя) — швейцарская гарналыжніца, бронзавы прызёр Алімпійскіх гульняў 2014 года ў хуткасным спуску,[2] трохразовая віцэ-чэмпіёнка свету, самая юная пераможца супергіганта у гісторыі Кубка свету.[3]
Спартыўная кар’ера
правіцьУ 2007 годзе выйграла чэмпіянат Швейцарыі ў супергіганце, а на юніёрскім чэмпіянаце свету таго ж года выйграла срэбра ў хуткасным спуску.
28 снежня 2007 года дэбютавала ў Кубку свету ў гіганцкім слаламе на этапе ў аўстрыйскім Ліенцэ. У студзені 2008 года выйграла запар 4 этапы Кубка Еўропы. 2 лютага 2008 года ўпершыню стартавала ў хуткасным спуску на этапе Кубка свету ў Санкт-Морыц і адразу ж здолела падняцца на прызавы подыум — Лара заняла трэцяе месца (пасля Ціны Мазэ і Марыі Халаус). На наступны дзень там жа Гут была пятай у супергіганце.
Сваю першую перамогу на этапах Кубка свету Лара атрымала 20 снежня 2008 года ў Санкт-Морыцы ў супергіганце. Яна на 63 сотых апярэдзіла сваю суайчынніцу Фаб’ен Сутэр. На момант гэтай перамогі Гут было 17 гадоў і 237 дзён, што зрабіла яе самым маладым пераможцам супергіганта у гісторыі Кубка свету.
На чэмпіянаце свету 2009 года ў французскім Валь-д’Ізеры 17-гадовая Лара здолела заваяваць 2 сярэбраныя ўзнагароды — у хуткасным спуску (саступіла Ліндсі Вон) і суперкамбінацыі (саступіла Катрын Цэтэль).
29 верасня 2009 года Гут атрымала на трэніроўцы траўму сцягна, з-за чаго была вымушаная прапусціць ўвесь сезон. З-за траўмы юная гарналыжніца не змагла прыняць удзел і ў зімовых Алімпійскіх гульнях 2010 года ў Ванкуверы.
Вярнуўшыся на трасы ў сезоне 2010/11, 9 студзеня 2011 года Лара атрымала сваю другую перамогу на этапах Кубка свету, выйграўшы супергігант ў Цаухензее, на 0,53 сек апярэдзіўшы Ліндсі Вон.[4] Па выніках сезона 2010/11 заняла 10-е месца ў агульным заліку Кубка свету, стаўшы лепшай сярод швейцарак. Наступны сезон 2011/12 склаўся для Лары менш удала — толькі 14-е месца ў агульным заліку і ні аднаго траплення на подыумы на этапах (не лічачы другога месца ў камандным старце ў сакавіку 2012 года на фінальным этапе Кубка свету).
У сезоне 2012/2013 Лара атрымала сваю трэцюю перамогу на этапах Кубка свету, упершыню выйграўшы хуткасны спуск у Валь-д’Ізеры. Упершыню за доўгі час на подыум ў жаночым Кубку свету падняліся адразу дзве швейцаркі — трэцяй стала Надзя Камер. Па выніках сезону Лара заняла вышэйшую ў кар’еры дзевятае месца ў агульным заліку. На чэмпіянаце свету ў Шладмінгу Лара стала адзінай прадстаўніцай Швейцарыі, якая выйграла медаль — срэбра ў супергіганце (0,38 сек адставання ад Ціны Мазе).
Сапраўдны прарыў Лара здзейсніла ў пачатку сезона 2013/14: з першых 4 стартаў Кубка свету яна выйграла тры (столькі ж, колькі за ўсю кар’еру да гэтага). Пры гэтым усе тры перамогі былі здабытыя ў розных дысцыплінах — гіганцкі слалам ў аўстрыйскім Зельдэне, хуткасны спуск і супергігант ў амерыканскім Біверу Крык. 8 снежня выйграла яшчэ адзін супергігант ў канадскім Лэйк Луізе.
Крыніцы
правіць- ↑ Person Profile // Internet Movie Database — 1990. Праверана 10 ліпеня 2016.
- ↑ "Словенка Мазе и швейцарка Гизин поделили золото Олимпиады-2014 в скоростном спуске"(руск.). ИТАР-ТАСС. 2014-02-12. Праверана 2014-02-12.
- ↑ Список самых возрастных и самых юных победительниц и призёрок в истории горнолыжного Кубка мира (англ.)
- ↑ Кубок мира по горнолыжному спорту 2010/11. Женщины. 9 января 2011. Цаухензее. Супергигант (англ.)(недаступная спасылка). Официальный сайт ФИС. Архівавана з першакрыніцы 25 сакавіка 2012. Праверана 23 студзеня 2011.
Спасылкі
правіць- Асабісты сайт Лары Гут Архівавана 29 студзеня 2009. (ням.) (фр.) (італ.)
- Лара Гут — статыстыка на сайце FIS (англ.)