Аргас (горад)

Горад Аргас грэч. Ἄργος Краіна Грэцыя Каардынаты 37°38′ пн. ш. 22°44′ у. д. Першая згадка 1986 да н.э. Плошча 138 км² Вышыня цэнтра 42 м Тып клімату субтрапічны Афіцыйная мова грэчаская Насельніцтва ▼21 467 чал. (2021) Нацыянальны склад грэкі Канфесійны склад праваслаўныя Часавы пояс UTC+2, летам UTC+3 Тэлефонны код 2751 Паштовы індэкс 21200 Аўтамабільны код AP Афіцыйны сайт argos.gr Аргас на карце Грэцыі

Медыяфайлы на Вікісховішчы

А́ргас (грэч. Ἄργος) — горад на паўвостраве Пелапанес на поўдні Грэцыі. Адзін з найстаражытнейшых гарадоў Еўропы. Насельніцтва (2001 г.) — 29 228 чал.

Гісторыя

Паселішча на месцы Аргаса ўзнікла ў неалітычную эпоху. Згодна паданню, яго першым уладаром быў Інах, сын Акіяна і багіні мясцовай ракі, які пачаў кіраваць у 1986 г. да н. э. У канцы 2 — пачатку 1 тысячагоддзях да н. э. горад быў заваяваны дарыйцамі. У 669 г. жыхары Аргаса перамаглі спартанцаў і здолелі ўсталяваць кантроль над Алімпіяй. Фейдон, тыран Аргаса, знакаміты тым, што ўвёў у Грэцыі стандарты мер вымярэння і вагі.

У VI ст. да н. э. Аргас зноў былі ўцягнуты ў барацьбу супраць Спарты. Пасля адной з няўдалых бітваў аргасцы ў знак жалобы ўвялі звычай галіць валасы. У гады Пелапанескіх войн Аргас доўгі час прытрымліваўся нейтралітэту, але ў выніку падтрымаў Афіны, а пазней — Фівы. У 146 г. да н. э. Аргас увайшоў у склад Рымскай дзяржавы.

У 267 г. н. э. і 305 г. н. э. Аргас руйнавалі готы. Але ў другой палове 1 тысячагоддзя — пачатку 2 тысячагоддзя пад уладай Візантыі горад ператварыўся ў буйны гандлёвы і рамесны цэнтр. У 1212 г. пасля васьмігадовай аблогі захоплены крыжакамі, якія на месцы старажытнага акропаля ўзвялі магутны замак. У 1394 г. горад і яго наваколлі былі перададзены пад кантроль Венецыі. У 1397 г. ён быў спустошаны туркамі, большасць жыхароў загінула або трапіла ў рабства. У 1500 г. горад быў далучаны да Асманскай імперыі. Мясцовыя землі былі населены выхадцамі з Албаніі.

У 1821 г. у Аргасе пачаў дзейнічаць першы незалежны агульнагрэчаскі парламент. Пасля вызвалення ад Асманскай імперыі горад увайшоў у склад Грэцыі.

Славутыя мясціны

• Археалагічны музей, у экспазіцыю якога ўваходзяць знаходкі з 1600 г. да н. э.
• Узвышша Ларыса — найстаражытнейшае месца горада. На ім месцяцца рэшткі рымскіх тэрмаў і антычны тэатр (I ст. н. э.), у якім у 1821 г. адбылося першае паседжанне грэчаскага парламента, а таксама сярэднявечны замак.

Транспарт

Аргас знаходзіцца ў 2 гадзінах язды на аўтобусе з Афінаў. У Аргасе знаходзяцца аўтобусны вакзал і чыгуначная станцыя.

Насельніцтва

Год Колькасць 1861 8 966 1879 9 861 1889 9 814 1896 9 980 Год Колькасць 1907 8 828 1920 9 038 1928 10 504 1940 12 098 Год Колькасць 1951 13 163 1961 16 712 1971 18 890 1981 20 702 Год Колькасць 1991 21 983 2001 24 630 2011 22 209 2021 21 467

Гарады-пабрацімы

•  Ardea^[d], Італія
•  Argoncilhe^[d], Партугалія
•  Episkopi^[d], Кіпр
•  Абвіль^[d], Францыя
•  Мцхета, Грузія

Спасылкі

• Афіцыйны сайт Архівавана 4 снежня 2018.
• Гісторыя і міфалогія Архівавана 13 сакавіка 2013.