Формула-1 у сезоне 2015
Сезон 2015 года будзе 66-ым сезонам Чэмпіяната Свету ў гонках класа Формула-1, які праходзіць пад эгідай Міжнароднай Аўтамабільнай Федэрацыі (FIA). Сезон, у якім прымуць удзел 20 пілотаў і 10 каманд, пачаўся ў Аўстраліі 15 сакавіка і скончыцца ў Абу-Дабі 29 лістапада. Па выніках сезона вызначыцца Чэмпіён Свету сярод пілотаў і ўладальнік кубка Канструктараў. Па выніках сезона пілот, які выйграе больш поўл-пазіцый, атрымае спецыяльны прыз ад FIA.
Пілот каманды Mercedes Льюіс Хэмілтан абараняцьме свой другой тытул чэмпіёна, які ён выйграў у 2014 годзе. Каманда Mercedes абараняцме тытул чэмпіёна сярод канструктараў, які ўпершыню выйграла ў папярэднім сезоне.
Удзельнікі: каманды і пілоты
[правіць | правіць зыходнік]
10 сакавіка 2015 года FIA абвясціла спіс удзельнікаў на сезон 2015[1]. 20 пілотаў, якія рэпрэзентуюць 10 каманд, згодна з папярэднім спісам прымуць удзел у Чэмпіянаце:
Заўвагі:
- ↑ — Pirelli застаецца адзіным дастаўнікам гумы для ўсіх каманд у Формуле-1 згодна з кантрактам да 2016 года
- ↑ — як дзеючы чэмпіён свету, Льюіс Хэмілтан меў права змяніць свой асабісты нумар пілота на "1", але ён вырашыў пакінуць свой нумар "44" на балідзе. Такім чынам сезон 2015 будзе першым з 1994, калі ў пелатоне не будзе баліда з нумарам 1.
Каманды
[правіць | правіць зыходнік]- Honda вяртаецца ў Формулу-1 у якасці дастаўніка рухавікоў для каманды McLaren, які скончыў сваё дваццацігадовае партнёрства з Mercedes-Benz. Honda была асноўным дастаўніком рухавікоў для MacLaren з 1988 па 1992, для BAR і Jordan з 2000 па 2006, а таксама ўдзельнічала, як канструктар з 2006 па 2008.
- Lotus змяніў дастаўніка рухавікоў з Renault на Mercedes, таксама скончыўшы сваё дваццацігадовае супрацоўніцтва з французскім вытворцай.
- Пасля Гран-пры Японіі 2014 каманда Marussia перайшла пад адміністрацыйнае кіраванне, прапусціла амерыканскі і бразільскі этапы. Напярэдадні Гран-Пры Бразіліі 2014 каманда спыніла сваё існаванне: супрацоўнікі былі звольненыя, а маёмасць выстаўлена на продаж. Але каманду ўдалося выратаваць у лютым 2015 года, з прыходам новага інвестара з Manor. Каманда падала заяўку на удзел у чэмпіянаце як Manor Marussia F1 Team.
- Пасля Гран-пры Расіі 2014 каманда Caterham F1 страціла ўсе крыніцы свайго фінансавання з-за спрэчкі паміж уладальнікамі каманды. Каманда перайшла пад адміністрацыйнае кіраванне часовым прадстаўніком крэдытораў. У выніку каманда і яе пілоты прапусцілі Гран-Пры Бразіліі і ЗША. Caterham здолелі прыняць удзел на апошнім этапе ў Абу-Дабі. Усе актывы і маёмасць каманды былі высталены на аўкцыён у сакавіку 2015 года.
Пілоты
[правіць | правіць зыходнік]- Фернанда Алонса пакінуў Ferrari і падпісаў кантракт з McLaren. Тым самым ён вярнуўся ў каманду, за якую выступаў у сезоне 2007 года. Першы этап 2015 года ў Аўстраліі Алонса вымушаны быў прапусціць з-за аварыі падчас тэстаў і часовага перыяда рэабілітацыі. Яго месца на этапе заняў Кевін Магнусэн - тэст пілот McLaren.
- Себасцьян Фетэль пакінуў Red Bull пасля 15-гадовага супрацоўніцтва з аўстрыйскім канструктарам, з якім выйграў 4 тытула чэмпіёна свету. Фетэль далучыўся да Ferrari, дзе заняў месца Фернанда Алонса. У сваю чаргу расійскі пілот Данііл Квят з Toro Rosso заняў месца Фетэля ў Red Bull.
- З-за таго, што Квят перайшоў у Red Bull, а Жан-Эрык Вернь сышоў у Ferrari ў якасці пілота-распрацоўшчыка,Toro Rosso вымушана была цалкам змяніць склад пілотаў. Да яе далучыліся чэмпіён Формулы Renault Карлас Сайнц, малодшы і былы прызёр Еўрапейскай Формулы Тры Макс Ферстапэн. Ферстапэн стаў наймаладзейшым пілотам Формулы-1 ва ўзросце 17 гадоў і 164 дзён.
- Эстэбан Гуцьерэз і Адрыян Зуціл пакінулі Sauber, дзе на іх месцы былі падпісаны былы пілот Caterham Маркус Эрыксан і пілот GP2 Філіпэ Наср. Гуцьерэз і Зуціл сталі запаснымі пілотамі Ferrari і Williams адпаведна.
- Manor падпісала кантракт з Уілам Стывенсам, былым пілотам Caterham, да якога далучыўся былы тэст пілот Caterham Рабэрта Меры. Макс Чылтан сышоў у чэмпіянат па гонкам на цягавітасць, а Жуль Б'янкі застаецца ў коме пасля аварыі на Гран-пры Японіі 2014 года.
Каляндар
[правіць | правіць зыходнік]
Афіцыйны каляндар быў абвешчаны 3 снежня 2014 года, але 20 сакавіка 2015 быў зменены з-за выключэння нямецкага этапа са спісу[2].
| Этап | Афіцыйная назва гонкі | Гран-пры | Траса | Дата |
|---|---|---|---|---|
| 1 | Rolex Australian Grand Prix | Гран-пры Аўстраліі |  Альберт Парк, Мельбурн
|
15 сакавіка |
| 2 | Petronas Malaysia Grand Prix | Гран-пры Малайзіі |  Sepang, Куала-Лумпур
|
29 сакавіка |
| 3 | Chinese Grand Prix | Гран-пры Кітая |  Міжнародны аўтадром Шанхая, Шанхай
|
12 красавіка |
| 4 | Gulf Air Bahrain Grand Prix | Гран-пры Бахрэйна |  Міжнародны аўтадром Бахрэйна, Сахір
|
19 красавіка |
| 5 | Gran Premio de España | Гран-пры Іспаніі |  Каталунья Мантмело, Барселона
|
10 мая |
| 6 | Grand Prix de Monaco | Гран-пры Манака |  Манака, Monte Carlo
|
24 мая |
| 7 | Grand Prix du Canada | Гран-пры Канады |  Аўтадром імя Жыля Вільнёва, Манрэаль
|
7 чэрвеня |
| 8 | Großer Preis von Österreich | Гран-пры Аўстрыі |  Red Bull Рынг, Шпільберг-бай-Кніттельфельд
|
21 чэрвеня |
| 9 | British Grand Prix | Гран-пры Вялікабрытаніі |  Аўтадром Сільверстоўна, Сільверстоўн
|
5 ліпеня |
| 10 | Magyar Nagydíj | Гран-пры Венгрыі |  Хунгарорынг, Будапешт
|
26 ліпеня |
| 11 | Shell Belgian Grand Prix | Гран-пры Бельгіі |  Аўтадром Спа-Франкаршам, Спа
|
23 жніўня |
| 12 | Gran Premio d'Italia | Гран-пры Італіі |  Нацыянальны аўтадром Монцы, Монца
|
6 верасня |
| 13 | Singapore Airlines Singapore Grand Prix | Гран-пры Сінгапура |  Гарадская траса Марына-Бэй, Сінгапур
|
20 верасня |
| 14 | Japanese Grand Prix | Гран-пры Японіі |  Аўтадром Сузука, Сузука
|
27 верасня |
| 15 | Russian Grand Prix | Гран-пры Расіі |  Міжнародная гарадская траса Сочы, Сочы
|
11 кастрычніка |
| 16 | United States Grand Prix | Гран-пры ЗША |  Аўтадром Амерык, Осцін
|
25 кастрычніка |
| 17 | Gran Premio de México | Гран-пры Мексікі |  Аўтадром братоў Радрыгез, Мехіка
|
1 лістапада |
| 18 | Grande Prêmio do Brasil | Гран-пры Бразіліі |  Аўтадром імя Жозэ Карлоса Пасэ, Сан-Паўлу
|
15 лістапада |
| 19 | Etihad Airways Abu Dhabi Grand Prix | Гран-пры Абу-Дабі |  Аўтадром Яс-Марына, Абу-Дабі
|
29 лістапада |
Зноскі
[правіць | правіць зыходнік]- ↑ Спіс пілотаў у Чэмпіянаце Формулы-1 у 2015 годзе. Праверана 05 красавіка 2015. (англ.)
- ↑ Апублікаваны каляндар Формулы-1 на 2015 год. Праверана 05 красавіка 2015. (англ.)
 | |
|---|---|
| |
|---|---|
| Бягучыя (2023) | |
| Мінулыя | |
| Не адбыліся | |