Bawang basanga
 Bawang basanga nang ranyah | |
| Huaran | bawang basanga |
|---|---|
| Banua asal | Indunisia |
| Bahan utama | bawang habang |
Bawang basanga adalah bawang habang nang hiris nang disanga sampai bakalir kuning maamas wan tarasa ranyah. Bawang basanga ngini adalah bumbu parupuian nang rancak dipakai gasan garnis palangkap atawa panambah rasa nyaman nang diparupuiakan di atas bamacam makanan di Indunisia.[1] Di luar nagri ada nang mahirip yaitu bawang bumbai basanga, kada mamakai bawang habang tagal mamakai bawang bumbai nang taganal.[2]
Bahan
[babak | babak asal-mulanya]Bawang habang
[babak | babak asal-mulanya]Bawang habang bakuran tahalus dibandingakan lawan bawang bumbai. Kalir bawangnya takadap marga habang tuha handak ka kalir bigi ramania. Bawang habang adalah parian bawang nang paling rancak ditanam wan dimakan di Indunisia.[1] Rajin, bawang basanga diulah matan bawang habang nang taganal tagal sakira kada lakas rapai wan ranyah rahatan disanga.
Cara maulah bawang basanga adalah bawang habang dikuyak kulimbit, imbah ngitu dihiris tipis-tipis. Hirisan bawang habang ngini imbah ngitu disanga barandam dalam minyak lamak nang banyak, sampai masak duwa bakalir kuning-habuk maamas wan tarasa renyah. Bawang basanga kawa disimpan di dalam panyu atawa balik gasan menjagai sigar wan karanyahannya, wan kawa dipakai pulang gasan isuk-isuk gasan diparupuiakan di atas nasi atawa masakan.[3]
Kagunaan
[babak | babak asal-mulanya]Bawang basanga baisi harum asli wan cita rasa nang gurih tapi asa pina pahit saikit. Bawang basanga nang ranyah ngini biasanya diparupiakan di atas nasi putih, nasi uduk, nasi basanga, sate, soto, gagaduh, bubur ayam wan banyak lagi makanan, gasan bumbu tambahan, penambah gurih, atawa garnis mahias makanan. Bawang basanga kawa juwa dipakai gasan bamamacam tumisan sayuran, sup, semur, kari, mi, nasi, wan salada gasan parupuian.[1] Bawang basanga siap pakai dalam wadah biasanya ada haja di pancarikinan mudirin duwa pakan rampak rampu.
Itihi juwa
[babak | babak asal-mulanya]Jujuhutan
[babak | babak asal-mulanya]- ^ a b c whattocooktoday (2013-02-06). "Indonesian Fried Shallots Crisp / Bawang Goreng". What To Cook Today (dalam bahasa Inggris). Diakses tanggal 2024-06-11.
- ^ Kruger, Vivienne (2014-04-22). Balinese Food: The Traditional Cuisine & Food Culture of Bali (dalam bahasa Inggris). Tuttle Publishing. ISBN 978-1-4629-1423-4.
- ^ "Bawang Goreng(Fried Shallots) Recipe - Food.com". www.food.com. Diakses tanggal 2024-06-11.
 |
Wikimedia Commons baisi tumbung pasal Bawang basanga |