Ana de Mendoza de la Cerda
Ur pennad Ana de Mendoza zo ivez.
| Reizh pe jener | plac'h  |
|---|---|
| Bro ar geodedouriezh | Spagn |
| Anv e yezh-vamm an den | Ana de Mendoza de la Cerda, princesa de Éboli, condesa de Mélito y duquesa de Pastrana |
| Anv-bihan | Ana |
| Titl noblañs | Duke of Francavilla, Prince of Eboli, priñsez |
| Deiziad ganedigezh | 29 Mez 1540 |
| Lec'h ganedigezh | Cifuentes |
| Deiziad ar marv | 2 C'hwe 1592 |
| Lec'h ar marv | Pastrana |
| Tad | Diego Hurtado de Mendoza y de la Cerda |
| Mamm | Doña Catalina de Silva y Andrade, Condesa de Cifuentes |
| Pried | Ruy Gómez de Silva |
| Bugel | Ana Gómez de Silva y de Mendoza, Diego de Silva y Mendoza |
| Familh | House of Mendoza |
| Yezhoù komzet pe skrivet | spagnoleg |
| Micher | politiker |
Ana de Mendoza de la Cerda y de Silva y Álvarez de Toledo (Cifuentes, 29 a viz Mezheven 1540 - Pastrana, 2 a viz C'hwevrer 1592) a oa ur briñsez spagnol a zouge an titloù a IIvet dugez Francavilla, IIvet priñsez Mélito, IIvet kontez Aliano hag IIvet markizez Algecilla a-berzh he zad ; ouzhpenn-se e oa priñsez Éboli, dugez Estremera, dugez Pastrana ha markizez Diano, a-berzh he fried Ruy Gómez de Silva, priñs portugalat ha harp d'ar roue spagnol Felipe II, met anavezetoc'h eo evel Priñsez Éboli
Buhez
[kemmañ | kemmañ ar vammenn]Bugeliezh
[kemmañ | kemmañ ar vammenn]Ana de Mendoza a oa ganet en un tiegezh spagnol eus ar re c'halloudusañ en hec'h amzer: tiegezh Mendoza, eus Mendoza, en Araba. Merc'h nemeti he zud e oa. He zad, Diego Hurtado de Mendoza y de la Cerda, a oa Iañ dug Francavilla ha Iañ priñs Mélito ha besroue Aragón, hag he mamm, María Catalina de Silva y Álvarez de Toledo, a oa merc'h da gont Cifuentes.
Pa voe daouzek vloaz Ana en 1553, e sinas paperioù hec'h eured da Ruy Gómez de Silva, erbedet gant ar priñs Felipe, a oa da vezañ ar roue Felipe II. He fried a oa priñs Éboli, ur gêr eus Rouantelezh Naplez, ha ministr d'ar roue. Kargoù Ruy a oa kaoz ma ranke chom en Bro-Saoz, hag er pemp bloaz kentañ eus o friedelezh ne voent ket hiroc'h eget tri miz a-gevret.
Ur vaouez a spered hag a gened e oa e lez Spagn. Evit koll he lagad dehou n'eus nemet martezezoù. Hervez lod e vije bet gloazet gant beg un arm a oa etre daouarn ur floc'h pa oa hi bugel. Kement-se avat ne seblant ket asur : marteze e-lec'h bornez e oa luchez, hep prouenn ebet avat.
Bec'h gant Teresa de Jesús
[kemmañ | kemmañ ar vammenn]
Ana hag he fried a c'houlennas div gouent eus leanezed ar C'harmez divotoù en Pastrana. Bec'h a savas gant al leaned hag al leanezed ha dreist-holl gant Teresa de Jesús, anavezet ivez evel Tereza Avila, peogwir e felle da Ana e vije savet ar c'houentoù hervez he c'hoant, ma voe gorrekaet al labourioù. Ruy Gómez de Silva a lakaas peoc'h , met pa varvas e savas bec'h adarre rak ar briñsez a felle dezhi mont da leanez ha lakaat he mitizhien da vezañ ivez;
Roet e voe he c'hoant dezhi gant Teresa de Jesús, en desped dezhi avat, ha lakaet e voe en ur gell rust. Buan e skuizhas er gell, ha mont a reas en un ti a oa e liorzh ar gouent gant he mitizhien. En ti-se he devoa armelioù da lakaat he dilhad ha bravigoù, hag e c'halle mont e-maez ar gouent evel a gare. Neuze, war urzh Teresa, ez eas kuit an holl leanezed eus Pastrana, hag hec'h-unan e chomas Ana. Neuze e tistroas ar briñsez da chom d'he falez e Madrid. Hogen, kent-se, ec'h embannas ur vuhezskrid diwar-benn Teresa, ma savas trouz bras, ha berzet e voe an oberenn e-pad dek vloaz gant an Ofis Santel.
An intañvez hag he bugale
[kemmañ | kemmañ ar vammenn]Goude marv he fried e rankas merañ ar madoù laosket war e lerc'h. Gant he renk uhel e c'hallas dimeziñ he bugale da dud a renk ken uhel all. Ana, he merc'h henañ a zimezas da Alonso Pérez de Guzmán el Bueno y Zúñiga, dug Medina Sidonia ; he mab henañ, Rodrigo, a voe dug Pastrana ; Diego a voe dug Francavilla, besroue Portugal, ha markiz Allenquer. He mab Fernando, a voe manac'h frañsiskat, hag anvet Pedro González de Mendoza (evel ur gourdad a oa kardinal Mendoza), ha goude arc'heskob Zaragoza.