Genoù (korf)

Brastres eus genoù un den

Genoù serr ur plac'h

Ar genoù eo anv an toull e penn an dud hag al loened hag a servij dezho da zebriñ ha da evañ, hag ivez d'ober trouz, (d'ober yezhoù a vez laret ivez), da varailhat. Dre o genoù ivez e komz an dud.

• Genaouioù eo liester an anv-kadarn-mañ.

Er-maez

Genoù digor un aligatorig : o varailhat emañ.

En-dro d'ar genoù emañ an diweuz, anvet ar muzelloù ivez.

E-barzh

Troc'hdres ar genoù

Er genoù emañ : an dent an teod an hugenn an huegoù gwagrennoù an halv

Kleñvedoù

E-touez kleñvedoù ar genoù emañ :

• an eror ;
• krign-bev ar genoù, tapet diwar vutunat.

Troiennoù

• Bezañ lous e c'henoù : distagañ komzoù gros.
• Chom e c'henoù (digor) war nav eur : bezañ souezhet ken e chomer gant ar genoù digor.
• C'hoarzhin leizh e c'henoù : forzh pegement.
• Mont e-barzh genoù al louarn : en em lakat en ur blegenn dañjerus.
• Ober genoù : huchal.
• Pilat e c'henoù : komz dibaouez.

Gerioù all

Gerioù all zo da ober kaoz eus ar genoù hep ober an anv-se anezhañ :

• riboul ar patatez ;
• ar rann: diserriñ ar rann a zo neuze kement ha komz ;
• toull ar gevier