Troad perc'hennet

Er yezhoniezh e vez implijet an termen troad perc'hennet (saoz.: possessed case) evit komz eus un droad a dalvez da verkañ ul liamm perc'hennañ etre un dra bennak pe un den bennak hag un dra pe un den all.

Implijet e vez an droad-mañ gant an tlingiteg, disheñvel hec'h implij diouzh hini an droad-perc'hennañ tost he ster outi.

An droad perc'hennañ hag an droad perc'hennet

Komz a reer eus an droad-perc'hennañ e yezhoù evel ar saozneg da skouer pa vez merket an anv-kadarn a zo perc'henn war un dra bennak kentoc'h evit an anv-kadarn perc'hennet gantañ hag a van amverk, da skouer:

Peter's house

Peter_{-PERC'HENNAÑ} house_(AMVERK)

"ti Pêr"

En tlingiteg avat e tegouezh ar c'hontrol-mik, da lâret eo e vez merket an anv perc'hennet kentoc'h evit an hini a zo perc'henn warnañ, da skouer:

Jaan hidí

Jaan_(AMVERK) "hid"_-PERC'HENNET

"ti Yann"

Mammennoù:

Crippen, James A. (2005: 12) The New Tlingit Noun Dictionary