BBC One
BBC One (neu BBC1 fel y’i hadwaenid gynt) ydy prif sianel deledu y Gorfforaeth Ddarlledu Brydeinig. Cafodd ei lansio fel Gwasanaeth Teledu’r BBC ar 2 Tachwedd, 1936 a’r sianel oedd system darlledu cyhoeddus rheolaidd cyntaf y byd, er i’r BBC ddechrau darlledu teledu trwy sawl fformat ers 1929.
Roedd monopoli gan y sianel ar ddarlledu teledu yn y Deyrnas Unedig nes i orsaf gyntaf ITV gael ei lansio yn 1955. Mae BBC One yn dal i fod yn un o brif sianeli teledu Prydain sy'n cynnig amrywiaeth eang o newyddion a materion cyfoes, rhaglenni comedi, drama, gêmau, rhaglenni siarad, gwasanaeth i blant a sylw i’r celfyddydau ynghyd â rhai rhaglenni addysgol a chrefyddol.
