Ivor Roberts-Jones

Ivor Roberts-Jones
Ganwyd	2 Tachwedd 1913  Croesoswallt
Bu farw	9 Rhagfyr 1996
Dinasyddiaeth	Cymru
Alma mater	Worksop College
Galwedigaeth	cerflunydd
Adnabyddus am	Statue of Winston Churchill

"Y Ddau Frenin": Bendigeidfran yn cario corff ei nai, Gwern. Cerflun ger Castell Harlech.

Cerflunydd o Gymru oedd Ivor Roberts-Jones (2 Tachwedd 1913 - 9 Rhagfyr 1996). Mae'n fwyaf adnabyddus am ei gerflun yn Harlech yn darlunio Bendigeidfran a Gwern o chwedl Branwen ferch Llŷr, ail gainc y Mabinogi.

Ganed ef yng Nghroesoswallt, yn fab i gyfreithiwr. Astudiodd gelf yng ngholeg Goldsmith yn Llundain, yna i Ysgol Gerflunio'r Academi Frenhinol. Yn ddiweddarach, bu'n bennaeth Adran Gerflunio Coleg Goldsmiths o 1964 hyd 1978. Ymysg ei weithiau mwyaf nodedig mae cofeb i Augustus John yn Fordingbridge a chofeb Winston Churchill yn Llundain.

Comisiynwyd ef gan Adran Henebion y Swyddfa Gymreig i greu cerflun ger Castell Harlech i adlewyrchu chwedl Breanwen ferch Llŷr yn 1979, ac fe'i cwblhawyd yn 1983, gyda'r teitl "Y Ddau Frenin". Mae'n darlunio Bendigeidfran ar gefn ceffyl, yn cario corff ei nai, Gwern.

Llyfryddiaeth

• Peter Cannon-Brookes Ivor Roberts-Jones: y daith i Harlech / The journey to Harlech (Amgueddfa Genedlaethol Cymru, 1983)