Sèntar-Dèstar Nóṿ
|
C'l artìcul chè 'l è scrit in
Miranduléś |
Al Sèntar-Dèstar Nóṿ 'l è 'n partî pulìtic itagliàṅ ch'al s è furmâ in dal Nuvémbar dal 2013 da la diviśiòṅ in dū dal partî dal Pòpul dla Libertà, cun l'atra part ch'l'à tgnû a drē a Silvio Berlusconi e a la sò Fòrsa Itàglia.
Al partî, guidâ p'r Angelino Alfano, vèć segretàri dal Pòpul dla Libertà, al pōl cuntàr su vint-nóṿ deputâ e trénta senadōr e 'l à tòlt in prèst al nóm da Italo Bocchino ch'al 'l iva registrâ 'l 8 Mars dal 2011. Al gh'à anc un presidènt ad regiòṅ, al calabréś Giuseppe Scopelliti, e 'l ex presidènt dla Lumbardìa, Roberto Formigoni.
Al Sèntar-Dèstar Nóṿ, cun i sò sinc minìstar, 'l apògia al guèran 'd Enrico Letta méntar Fòrsa Itàglia la s è dastacàda dòp che Silvio Berlusconi 'l è stâ tòlt via da la sò puśisiòṅ ad senadōr a séguit dla Léǵ Severino.