Straśbûrg
|
C'l artìcul chè 'l è scrit in
Miranduléś |
Straśbûrg (in Itagliàn Strasburgo, in Francéś Strasbourg, a s lèś /stʁaz'buʁ/) l'è na sità dla Frància dal nòrd-èst ad 276.136 abitànt ch'la s cata in dal dipartimènt dal Bas Rên in dla regiòṅ dl'Alsàzia, davśèṅ a la Germâgna. Al sò nóm a vōl dir “La sità dal stradi”.
L'è divìśa in quatórdas quartēr e l'è la nòna più granda dal paéś. La sità ad Straśbûrg 'l è la capitàl pulìtica dl'Europa e lè a gh'è al parlamènt (da 'l 1952) e 'l cunsìli (da 'l 1949) dl'Ugnòṅ europea.
Al sò sìndic 'l è al sucialìsta Roland Ries, in carga da 'l 2008. In dal 1792 in dal sità 'l è stâ scrit par Claude Joseph Rouget de Lisle 'l inn francéś.
Stòria
Fundàda da i rumàṅ c'n al nóm 'd Argentoratae, la vèṅ pò tòlta in séguit da gl'Alemàn ch'i sa stablìsan chè in dal quìnt sècul. La pasa pò a gl'Unn e in dal 842 a i Franc. La rèsta francéśa in fiṅ a 'l 1870 quànd, dòp la guèra franc-prusiàna, la finìs a i tedésc. Dòp la prima guèra mundiàla la tórna francéśa, a part i an da 'l 1940 a 'l 1945 quànd l'è stada sóta 'l cuntròl di naśìsta.
Persunàǵ famóś ligâ a Straśbûrg
- Al tenìsta Paul-Henri Mathieu
- 'L alenadōr ad balòṅ Arsène Wenger
- Al puéta Sébastien Brant
- Al mîm Marcel Marceau
- Al fìśic prèmi Nòbel Hans Bethe
- Al religióś Charles de Foucauld
- Al cantànt Herbert Léonard
Culegamènt estéran
Àtar prugèt
Wikimedia Commons contiene file multimediali su Straśbûrg
