Altdifina televido
Altdifina televido (mallongigita: HD aŭ HDTV, de la angla high-definition television) signifas videon kun rastrumerodenso multe pli alta ol tradiciaj televid-sistemoj (normdifina televido, SDTV aŭ SD). Altdifina televido havas unu aŭ du milionojn rastrumerojn po kadro, kio estas proksimume kvin fojojn pli ol normdifina televido. Frua altdifina elsendado uzis analogajn metodojn, sed hodiaŭ oni elsendas ciferece la HD, uzante vide-kunpremon.
