Distrikto Rotenburg

blazono	mapo

Bazaj datumoj
Federacia Lando:	Malsupra Saksio
Administra urbo:	Rotenburg
Areo:	2070 km²
Loĝantoj:	167604 (fine de decembro 2022)
Loĝdenso:	79
Aŭtokodo:	ROW
Municipokodo:	03357
Komunumoj:	57
Situo ene de Malsupra Saksio

La distrikto Rotenburg (prononco [RO:tnburh], aŭtokodo ROW, germane Landkreis Rotenburg (Wümme)) situas en la federacia lando Malsupra Saksio, en la nordokcidento de Germanio. Administra centro estas la samnoma urbo Rotenburg (Wümme), borde de la rivereto Wümme. La distrikto havas areon de 2070 km², kaj fine de decembro 2022 ĝi havis 167 604 loĝantojn. Ĝi apartenas al la metropola regiono Hamburgo, ne al la najbara metropola regiono Bremeno-Oldenburgo, kvankam la regiono situas pli-malpli mezvoje inter Bremeno kaj Hamburgo kaj ekonomie orientiĝas al ambaŭ urboj kaj ties metropolaj regionoj.

Ĝemelaj distriktoj

distrikto Malborski en Pollando

Esperanto

La 15-an de decembro 2000 delegacio de esperantistoj kun d-ro Harald Schicke kaj magistrino Song Ĝonk-ok (Song Jeong-ok) en la nomo de la distrikto en la partnera distrikto de Malborko / Malbork plantis kverkon en la esperantista "Parko de la Mondo".