Boa Vista
Lando	Kaboverdo
Loĝantaro	16 621 (2017)
Alto	0-387 m

Boa Vista estas insulo en Kaboverdo.

Kompreni

Boa Vista (en la portugala la nomo signifas "bona vidado") estas la plej orienta de la grandaj insuloj de Kaboverdo. Kun 620km² ĝi estas la tria laŭ grando, sed en ĝi loĝas stabile nur 16mil homoj, ĉar ĝi estas ankaŭ tre seka, en pluraj lokoj eĉ dezerta. La insulo estas plejparte ebena, la plej alta pinto (monto Estancia) atingas nur 387m.

En Boa Vista situas unu el la tri internaciaj flughavenoj de la tuta Kaboverdo. Pro tio, ĝi estas facile atingebla de la fremdaj turistoj. Multaj restas en la insulo, ĉar la arida klimato, malfavora al la terkulturistoj, estas male favora al tiuj kiuj emas plaĝojn kaj marbanojn.

La ĉefurbo de la insulo estas Sal Rei.

Ŝatataj en Boa Vista estas la tradicia muziko, la sablaj dunoj, la longegaj plaĝoj. La insulo estas konata ankaŭ pro la abundo de martestudoj.

Historio

Kvankam verŝajne la insulo estis jam konata, oficiale ĝin malkovris en 1460 Antonio de Noli, kiu iĝis la unua reganto de la kaboverda insularo sub la portugala reĝo.

La insulo estis senhoma kaj tia restis ankaŭ post la malkovro, ĝis 1620, kiam la unua vilaĝo naskiĝis danke al la produktistoj de mara salo. La produktado de salo estis tiom grava en Boa Vista, ke ĝia ĉefurbo nomiĝas Sal Rei = "Salo Reĝo".

Krom la salo, estis malmulte da aliaj ebloj - nur iom da bredado de bovoj kaj kaproj. La nombro de loĝantoj restis tial ĉiam malgranda.

Eniri

Eniri avie

En Boa Vista, proksime al ĝia ĉefurbo Sal Rei (7 km), estas la Internacia Flughaveno Aristides Pereira (kodo: BVC), malfermita en 2007.

Oficiala retejo: www.asa.cv/aeroportos/aeroporto-da-boavista.

Eniri ŝipe

Kvankam estas kutime konsilinde atingi la insulon Boa Vista aviadile, ankaŭ ŝipoj (ofte pramoj) haveblas por vojaĝantoj venantaj de aliaj kaboverdaj insuloj.

Ni mencias ĉi tie CV Interilhas. Linio 2 kunligas Boa-n Vista-n kun la insuloj Sal (2h), São Nicolau (5h) kaj São Vincente. Linio 6 kunligas ĝin kun Sal kaj Santiago (4h30, 7h por nokta vojaĝo).

Transportiĝi

Aĉeti

Loĝi

Esperanto