APUNCHIJ JESUCRISTOMANTA ALLI HUILLANATA

SAN JUAN HUILLAN

Dios Rimashca Shimica aichayuj tucushcamanta

1:1 Taita Dios imatapish manaraj rurajpimi, Rimashca shutica fia tiyashcallataj. Paica
Taita Diosllahuantajmi cashca. Chai Rimashca shutica Diosllatajmi cashca. 2
Imatapish manaraj rurajpimi, paica Taita Diosllahuantaj cashca. 3 Tucui imalla tiyajtami
paihuan tucushpa Taita Diosca ru-rashca. Tucui imalla rurashcatapish Taita Diosca
paillahuanmi rurashca. 4 Paimi causaitaca charin. Chai causaimi tucuicu-nata luz shina
achijyachicun. 5 Chai luzmi amsataca achijya-chicun. Amsaca chai luztaca mana
amsayachi tucurcachu. 6 Taita Diosca shuj runatami huillagrichun agllarca. Paica Juan
shutimi carca. 7 Achijyachij luzta tucuicuna crichunmi, paica achijyachij luzta huillaj
shamurca. 8 Juanea mana paillatajchu pai huillacushca luzca carca. Paica luzta huilla-
chunllami cachashca carca. 9 Tucuicunata achijyachij luztajca ñami cai pachaman
chayamucurca. 10 Cai pachataca Taita Diosmi Rimashca shutihuan tucushpa
rurashca. Pai cai pachapi cajpica, pai rurashca cashpapish, cai pachapi causajeunaca
paitaca pi cashcataca mana rijsircacu-nachu. 11 Pai rurashcacunapajmanmi shamurca.
Pai rurashca-cunaca paitaca mana chasquircacunachu. 12 Chashna mana
chasquijpipish maijanlla paita crishpa chasquijeunataca tucui-cunatami Diospaj
huahuacunata rurashca. 13 Taita Diospaj huahua tucungapajea mana huahuacuna
huacharij shina, aicha munaimanta, c'ari munaimantachu huacharin. Ashta-huanpish
paicunapaj yayaca Taita Diosmari. 14 Chai Rimashca shutica aichayuj tucushpami
ñucanchijhuan causarca. Taita Diospaj shujlla Churitaca pai shinallataj alli sumaj
cashcatami ricurcanchij. Paica jatunta c'uyaj, mana llullajmi carca. 15 Bautizaj Juanea
Jesucristomanta huillash-paca: —"Ñucapaj q'uipaca shuj shamungami. Paica ñucapaj
ñaupa ña tiyashcamanta ñucata yalli jatunmari" nishpa sarun ñuca nicushcaca caimari
—nishpa sinchita nirca. 16 Pai tucuita charishcamantami, ñucanchijca tucuicuna Dios
jatunta c'uyashpa cushca imatapish allicunataca jahuanpi jahuanpi chasquicunchij. 17
Taita Diosca pai mandashcacuna-taca Moisestami ñucanchijmanca cuchirca. Jatunta
c'uyaj cashcata ricuchichun, alli huillanatapish huillachunca, Taita Diosca
Jesucristotamari cachashca. 18 Taita Diostaca manataj pipish ricushcachu. Paipaj
shujlla c'uyashca Churillami paitaca ricushca. Paillatajmi Taita Dios ima shina
cashcataca ñucanchijmanca ricuchirca.

Jesucristomanta Bautizaj Juan huillashcamanta

19 Jerusalen pueblopi causaj Israelcunaca curacunatapish curacunata

ayudajeunatapish Juantaca: —canca, ¿pitaj cangui?—nishpa tapuchun cachajpi paica
cashnami nirca: 20 —Ñucaca mana Quishpichij Cristochu cani—nishpa huillashpaca,
mana llullarcachu. 21 Chashna nijpi: —Shinashpaca, ¿pitaj canguiari? ¿Eliaschu
cangui?— nijpi: —Mana chaichu cani—nirca. Shina nijpi: —Shinashpaca, ¿chai
shamuna cashca huillajchu cangui?— nijpi: —Chaipish mana canichu—nirca. 22
Chashna nijpica: —Shinashpaca, ¿pitaj canguiari? ¿Pi cashcatataj yuyangui?
Ñucanchijta cachajeunaman huillagringapajmari yachashun ninchij— nircacuna. 23
Chashna nijpi: —"Quishpichij shamuna ñanta allichichij" nishpa "Shitashca pambapi
caparijmi" nishpa ñaupa huillaj Isaías nishca shina-llami "Ñucaca cani" nishpami
Juanea huillarca. 24 Juanta tapunaman cachashcacunaca fariseocunapuraman-tami
carca. 25 Paicunami Juantaca: —canca manapish Quishpichij Cristo cashpaca,
Eliaspish mana cashpaca, chai shamuna cashca huillajpish mana cashpaca,
shinashpaca, ¿ima nishpataj canca bautizacungui?— nishpa tapurcacuna. 26 Chashna
nijpi Juanea: —Ari. Ñucaca yacullapimi bautizacuni. Shujmari cancuna-purallapitaj
tiyan. Paitaca manaraj rijsinguichijchu. 27 Paica ñucapaj q'uipa shamucushpapish
ñucapaj ñaupa ña tiyashca-manta ñucaca paipaj pargate huatashcallatapish mana
pascai-pajmi cani—nirca. 28 Jordán yacu ch'imbanij Betábara pueblopi Juan bautiza-
cujpimi chashnaca tucurca.

Jesusca Taita Dios cachashca Oveja shina cashcamanta

29 Chai cayandij punllami Juanea Jesús paipajman chaya-mucujta ricushpa nirca:

—Riquichij, caimari cai pachapi causa jcunapaj jucha ta anchuchichun Taita Dios
cachashca Ovejaca. 30 Paitamari ñucaca: "Ñucapaj q'uipa shamucujea ñucapaj ñaupa
ña tiyashcamanta ñucata yalli jatunmari" nicurcani. 31 Ñucaca paitaca pi cashcata
mana rijsishpapish Israelcunaman paita rijsichingapajmi yacupi bautizaj shamurcani
—nirca. 32 Juanea pai ricushcata huillashpa nirca: —Ñucaca Diospaj Samai Espiritu
jahua pachamanta shuj paloma shina uriyamushpa paipi tiyarijtami ricurcani. 33
Chashna tucungacama ñucaca paitaca mana rijsircanichu. Yacupi bautizachun ñucata
cachaj Taita Diosmi: "Pipaj jahuapi ñuca Samai Espiritu shamushpa tiyarijta ricun-gui,
chaimi Samai Espirituhuan bautizajea canga" nirca. 34 Chashnallataj tucujta
ricushcamantami ñucaca: "Caimari Diospaj Churi" nishpa huillacuni— nirca.

Juanpaj ishqui yachacujcuna Jesusta catishpa rishcamanta

35 Cayandij punllapish cutin Juanea paipaj yachacujeuna-mantaca ishqui

yachacujcunandijmi shayacurca. 36 Chashna shayacushpa Jesús chaita puricujta
ricushpa Juanca: —Riquichij, chaimi Taita Dios cachashca Ovejaca— nirca. 37
Chashna nijta Juanpaj ishqui yachacujcuna uyashpaca Jesusta catishpa
rircallacunami. 38 Paicuna caticujpi Jesusca tigrarishpa paita caticujta ricushpaca:
—¿Imatataj mashcacunguichij?— nijpi: —Rabí, ¿maipitaj causangui?—nircacuna. Rabí
nishcaca yachachij nisha ninmi. 39 Chashna tapujpi Jesusca: —Jacuchij, ricunguichij—
nijpi paicuna rishpaca maipi cau-sacushcata ricurcacunami. Ña chishi cajpi, chai
chishica paihuanmi saquirircacuna. 40 Juan chashna nijta uyashpa Jesusta chai ishqui
catishpa rijeunamanta shujea Andresmi carca. Andresca Simón Pedropaj huauquimi
carca. 41 Andresca paipaj huauqui Simonhuanraj tupashpaca: —Mesiashuanmari
tupashcanchij—nirca. Mesías nishcaca Quishpichij Cristo nisha ninmi. 42 Chashna
nishpa Andresca paipaj huauqui Simonta Jesus-pajman pushamurca. Jesusca Simonta
ricushpaca: —canca Jonaspaj churi Simonmi cangui. Cantaca cunanca Cefas shutitami
shutichini—nirca. Cefas nishcaca Pedro nisha ninmi.

Felipetapish Natanaeltapish Jesús cayashcamanta

43 Chai cayandij punllami Jesusca Galilea llajtaman risha nicushpa Felipchuan

tupashpaca: —Jacú ñucahuan—nirca. 44 Felipepish Andrespish Pedropish Betsaida
pueblomantami carca. 45 Felipeca Natanaelta mashcanaman rishpa paihuan
tupashpaca: —Ñucanchij shuyacushca runahuanmari tupashcanchij. Mandashcata
Moisés quillcashcapi, ñaupa huillajcuna quill-cashcapipish paimantaca huillanmi. Paica
Nazaret pueblo-manta Josepaj churi Jesusmi cashca—nirca. 46 Chashna nijpi Felipeta
Natanaelca: —Nazaret pueblomantaca, ¿ima allitaj tiyangari?— nijpi Felipeca:
—Jacuari, ricungui— nirca. 47 Chashna ninacushpa Jesuspajman shamucujpi Jesusca
Natanaelta ricushpa paihuan cajeunaman: —Paitajca Israel runami. Paica mana
llullajchu— nirca. 48 Jesús chashna nijta uyashpa Natanaelca: —¿Ima shinataj
ñucataca rijsingui?—nijpi Jesusca: —Canta manaraj Felipe imata nijpimi cantaca higo
yura ucupi cajpiraj ricurcani— nirca. 49 Chashna nijpi Natanaelca: —Yachachij, canca
Diospaj Churimi cangui. canca Israelcu-nata jatun Mandajmi cangui— nirca. 50 Shina
nijpi Jesusca nirca: —"¿Higo yura ucupi canta ricurcani" nishcallamantachu utca
ñucataca cringui? Caita yalli ashtahuan jatun rurashcacuna-tapishmari ricungui. 51
Cancunaca cunanmanta pachami jahua pacha pascarishca-ta, Runa Aichayuj
tucushca ñucapajman Dios cachashca angel-cuna huichiyacujta uriyacujta ricunguichij.
Chashnallatajmi canga— nirca.

Cana shuti pueblopi casamiento boda tiyashcamanta

2:1 Chai quimsa punlla q'uipami Galilea llajtapi tiyaj Cana pueblopica casamiento boda
tiyarca. Jesuspaj mamapish chai bodapimi carca. 2 Jesustapish paipaj
yachacujeunatapish cayajpi rircacunami. 3 Chai bodapi cajpi vino tucurijpi Jesuspaj
mamaca Jesustaca: —Vinoca ñamari tucurin—nirca. 4 Shina nijpi Jesusca: —Mama,
¿ima nishpataj ñucataca chashna ningui? Ñuca ruranata ruranaca manaraj
chayamushcachu—nirca. 5 Chashna nijpi paipaj mamaca chai bodapi sirvijeunataca:
—Pai tucui imalla nishcata ruranguichijlla—nirca. 6 Chai boda huasipica rumi
p'unducunami sujta tiyashca carca. Chai p'unducunaca maijanca quimsa puñu,
maijanca chuscu puñu yacutami apaj cashca carca. Israelcunaca Taita Diospaj
ñaupajpi alli ricuringapaj maillarij cashcamantami chai p'unducunataca charincuna. 7
Jesusca chai sirvijeunataca: —Cai p'unducunapi yacuta jundachichij—nijpi jundatami
jundachircacuna. 8 Ña yacuta jundachishca q'uipaca Jesusca sirvijeunata: —Cunanca
surcuichij. Raquij alhuajanopajman apaichij— nijpica aparcacunami. 9 Raquij
alhuajanoca yacu vino tucush-cata ashata ubyarcami. Chai vinotaca maimanta
apamushca cashcataca mana yacharcachu. Yacuta apamushpa p'undupi churaj
sirvijcunallami yacharca. Alhuajanoca noviota cayashpa nirca: 10 —canca
cunancamamari alli vinota charicushcanguiraj. ¿Manachu tucuicunamari achcata
ubyashca q'uipaca, ña cha-grushcallata cuncuna— nirca. 11 Jesusca Galilea llajtapi
tiyaj Cana pueblopimi pi mana rurai tucushcataca punta rurarca. Chashna rurashpami
pai jatun sumaj cashcatapish ricuchirca. Chaita ricushpami paipaj yachacujcunaca
paitaca Dios cachashca cashcata crircacuna. 12 Chai q'uipami paindij, paipaj
mamandij, paipaj huauquicu-nandij, yachacujcunandij Capernaum puebloman
rircacuna. Chaipica asha punllacunallatami carcacuna.

Diosta adorana huasipi c'atucujcunata Jesús llujshichishcamanta

13 Israelcunapaj pascua punlla ñalla chayamucujpimi, Jesusca Jerusalén puebloman

huichi rirca. 14 Diosta adorana huasiman yaicushpa, chai huasipi huagracunata,
ovejacunata, palomacunata c'atucujcunata, cullquita cambiajeunatapish ri-curca. 15
Chashna chaicunata ricushpa Jesusca huascata patarishpa, tucui chai ucupi cajeunata
ovejacunandij, huagra-cunandij canllaman llujshichishpa cacharca. Cullqui cambiaj-
cunapaj mezacunatapish tigrachishpa, tucui paicunapaj cullquitapish pambaman
tsirapashpa shitarca. 16 Jesusca palomacunata c'atujcunatapish: —¡Caicunata
caimanta anchuchichij! ¡Ñuca Yayapaj huasi-taca cashna c'atuna randina huasitaca
ama ruraichijchu!— nirca. 17 Jesuspaj yachacujcunaca Jesús chashna rurajta ricush-
paca: "Cambaj huasita llaquishcamanta p'iñarishpa huañu-cunimi" nishpa Dios
Quillcachishcata yuyarircacunami. 18 Jesús chashna rurajpi Israelcunaca: —¿canca
ima cashpataj cashnaca rurangui? ¿Imata rurashpa ricuchiari?— nircacuna. 19 Shina
nijpi Jesusca: —Diosta adorana cai huasita urmachichijlla. Quimsa punllapica cutin
shayachishallami—nirca. 20 Chashna nijpi Israelcunaca: —Diosta adorana cai huasica
chuscu chunga sujta huatapi-mari shayachishca carca. canca, ¿ima shinataj quimsa
punlla-llapica shayachi tucunguiari?— nircacuna. 21 Jesusca Diosta adorana huasita
chashna nishpaca paipaj quiquin cuerpomantami chashnaca nirca. 22
Huañushcacunapaj chaupimanta causarijpimi paipaj yachacujcunaca Jesús chashna
nishcatapish, Dios Quillcachishcatapish, Jesús rimashca shi-micunatapish yuyarishpa
crircacuna.

Tucuicunapaj shungu ima shina cashcata Jesusca yachashcamanta

23 Jesusca pascua punllacuna Jerusalenpi cashpa, pi mana rurai tucushcacunata

rurajta ricushpa achcacunami paitaca crircacuna. 24 Crinchijmi nijpipish, paicunapaj
shungu ima shina cashcata yachashcamanta, Jesusca paicunahuanca mana
apanacurcachu. 25 Paicuna ima shina cashcata pi mana huillaj-pipish, shungu ima
shina cashcataca yacharcami. Jesushuan Nicodemo parlanacushcamanta 3:1
Israelcunata mandajeunapuramanta Nicodemo shuti shuj runami tiyarca. Paica fariseo
partemi carca. 2 Chai runami Jesuspajman tuta shamushpa Jesustaca: —Yachachij,
cantaca ñucanchijta yachachichun Taita Dios cachashca cashcata yachanchijmi. Taita
Dios mana paihuan cajpica, can rurashca shinataca pi cashpapish mana rurai
tucunchu— nirca. 3 Shina nijpi Jesusca: —Pipish mana cutin huacharijea Taita Dios
ima shina man- dacushcataca manataj yachai tucunchu. Chashnami canga— nirca. 4
Chashna nijpi Nicodemoca: —¿Ima shinataj yuyaj runaca cutin huacharingari? Cutin
huacharingapajca, ¿ima shinataj paipaj mamapaj huijsamanca yaicungari?— nirca. 5
Shina nijpi Jesusca nirca: —Pipish yacuhuan, Diospaj Samai Espirituhuan mana
huacharijea Dios maipi mandacunmanca manataj yaicui tucunchu. Chashnami canga.
6 Aichayujmanta huacharishcaca aichayujllamari. Diospaj Samai Espiritumanta
huacharishcaca Samai Espiritumari. 7 "Tucuicunamari cutin huacharina" nishcamanta
ama mancharichu. 8 Huairaca maimanta p'u-cusha nishpapish p'ucunllami. Huajiajta
uyashpapish maimanta shamujtaca, maiman rijtaca mana yachanguichu.
Chashnallatajmari Diospaj Samai Espiritumanta tucui huacha-rijeunapish— nirca. 9
Chashna nijpi Nicodemoca: —¿Ima shinataj chashnaca canga?—nirca. 10 Chashna
nijpi Jesusca nirca: —¿canca Israelcunata yachachij cashca jahuachu caitaca mana
yachangui? 11 Ñucanchijca ima yachashcatami huillan-chij, ima ricushcatami
parlanchij. Ñucanchij cancunaman huillashcataca cancunaca mana uyashun
ninguichijchu nishpaca allillatajmi nini. Chashnallatajmari canguichij. 12 Ñuca
cancunaman cai pachapi tiyajeunamanta huillajpipish cancunaca mana cringuichijchu.
¿Ima shinataj jahua pachamanta hui-llajpicarin ñucataca cringuichigari? 13 Runa
Aichayuj tucushca ñucallami jahua pachamanta shamurcani. Pi mana jahua
pachamanca rircachu. Ñucallami jahua pachapi causajea cani. 14 Ima shinami
Moisesca shitash-ca pambapi culebra shinata rurashpa caspipi churarca, chash-
nallatajmi Runa Aichayuj tucushca ñucapish caspipi churashca cana cani. 15 Ñucata
tucui crijeunaca mana chingarishpa huiñaita causachunmi chashna churashca casha—
nirca.

Cai pachapi causajeunata Taita Dios c'uyashcamanta

16 Diosca cai pachapi causajeunataca achcata c'uyashpami, paipaj shujlla Churitaca

pipish paita crijca ama chingarishpa, ashtahuanpish huiñai causaita charichun cai
pachamanca cacharca. 17 Diosca paipaj Churitaca cai pachapi causajcunata jatun
llaquiman cachachunca mana cacharcachu, ashtahuanpish cai pachapi
causajcunataca quishpichichunmi cacharca. 18 Taita Diosca paipaj Churita crijtaca
jatun llaquimanca mana cachangachu. Paipaj shujlla Churita mana crishcamanta, chai
mana crijtami jatun llaquiman riña nishca. 19 Mana crijcunaca paicuna rurashcacuna
mana alli cajpimi, luz cai pachaman shamujpica, amsataca luzta yalli munarcacuna.
Chashna munashpami paicunallataj jatun llaquiman riña cashcata ricuchin. 20 Mana
allita rurajcunaca tucuicunami luztaca p'iñan. Paicuna rurashcacuna ama mana alli
ricuri-chunmi luzmanca mana c'uchuyamushun nincuna. 21 Ashtahuanpish allita
rurajcunaca tucui causaipi Dios munashca shina rurashca ricurichun luzmanca
c'uchuyamunllacunami— nirca.

Bautizaj Juan Jesusmanta cutin huillashcamanta

22 Chai q'uipami Jesusca paipaj yachacujcunandij Judea llajtaman rirca. Chai llajtapi
asha punllacunacama paicunahuan cashpami bautizarca. 23 Juanpish Salim pueblo
c'uchu Enonpi achca yacu tiyashcamanta, paipajman shamujeunataca bautiza-curcami.
24 Juanea manaraj carcelpi cashpami chashna bauti-zacurca. 25 Diospaj ñaupajpi alli
ricuringapaj maillarina nishcatami Juanpaj maijan yachacujcunaca maijan Israelcu-
nahuan rimanacurcacuna. 26 Chashna rimanacushpa Juanpaj-man rishpaca:
—Yachachij, Jordán yacu ch'imbanijpi chai canhuan caj, can ñucanchijman huillashca
runaca bautizacunmari. Tucui-cunamari paipajmanca ricuncuna— nircacuna. 27
Chashna nijpi Juanea nirca: —Jahua pacha Dios imata mana cujpica, pipish imata
mana chari tucunchu. 28 Cancunallataj: "Ñucaca mana Quishpichij Cristochu cani,
Taita Dios cachajpi ñaupashpa shamujllami cani" nishcataca uyarcanguichijmi. 29
Casamiento bodapi amigoca noviohuan cashpa novio rimajpi achcata cushicunmi.
Noviaca noviopajmari, mana amigopajchu. Chashnallatajmi ñucaca noviopaj amigo
shina cashpa, chashna nijta uyashpaca achcata cushicuni. 30 Jesusca ashtahuan alli
nishcami cana, ñucaca yangallami cana cani—nirca.

Jahua pachamanta shamujea ima shina cashcamanta

31 Jahua pachamanta shamujea tucuicunata yalli imatapish rurai tucujmi. Cai

pachamanta cajea cai pachapi tiyajeuna-llamantami huillan. Jahua pachamanta
shamujea tucuicunata yalli rurai tucujmari. 32 Jahua pachamanta shamujea pai huallata
ricushcata uyashcatami huillan. Pai huillajpipish pi mana uyasha ninchu. 33 Maijanpish
pai huillashcata uyajea, Taita Diostaca mana llulla cashcatami ricuchin. 34 Diosca
mana mitsashpa paipaj Samai Espirituta cushcamanta, Taita Dios cachashcaca paipaj
Shimicunatami huillan. 35 Diosca paipaj Churita c'uyashpami tucui imatapish paipaj
maquipi churarca. 36 Pipish Diospaj Churita crijea huiñai causaita charinmi,
ashtahuanpish Diospaj Churita mana crijea huiñai causaita mana charinchu. Paitaca
Diosca p'iñacunllamari— nirca.

Samaria llajta huarmihuan Jesús parlanacushcamanta

4:1 Jesusca achca yachacujeunatami charin, Juanta yallimi i bautizacun nishpa

fariseocuna nishcatami Apunchij Jesusca yacharca. 2 Jesusca mana bautizarcachu,
paipaj yachacujcunallami bautizarca. 3 Chashna nishcata Jesusca yachashpami,
Judea llajtamanta llujshishpa cutin Galilea llajtaman rirca. 4 Galilea llajtaman ringapajea
Jesusca Samaria llajtatami riña carca. 5 Chai Samaria llajtata rishpaca Sicar nishca
pueblomanmi chayagricurca. Chai puebloca ñaupa yaya Jacobo paipaj churi Joseman
cushca allpa c'uchullapimi carca. 6 Chai allpapimi Jacobopaj pugyupish carca. Jesusca
puricushpa shaicushca cashcamanta chai pugyu patapimi tiyarirca. Ñami chaupi punlla
shina carca. 7 Jesús chashna tiyacujpi shuj Samaria huarmi yacuta aparinaman
shamujpi Jesusca: —P'ichilla yacuta cuhuai—nirca. 8 Paipaj yachacujcunaca Sicar
pueblopimi micunata ran- digrishca carcacuna. 9 Yacuta cuhuai nijpi chai Samaria
huarmica: —Ñucaca Samariamanta huarmimari cani. canca Israel runamari cangui.
¿Ima nishpataj ñucataca yacuta cuhuai ninguiari?— nirca. Israelcunaca
Samariacunahuanca mana apanacuj cashca-mantami chashnaca nirca. 10 Chashna
nijpi Jesusca: —canca Dios imata canman cusha nishcata mana yachan-guichu. Ñuca
pi cashcatapish mana rijsinguichu. Ñuca pi cashcata yachashpaca, canca ñucatapish
p'ichilla yacuta cuhuai nishpa mañanguimanmari. Ñucacarin canmanca causaita cuj
yacutami cuiman—nirca. 11 Shina nijpi chai huarmica nirca: —Amito, ima huishinata
mana charinguichu. Pugyupish ucujtamari. ¿Maimantataj causaita cuj yacutaca
cunguiari? 12 canca cai pugyuta surcuj ñaupa yaya Jacobotapish yallichari cangui.
Paipish paipaj churicunapish cai pugyumantami apaj nin. Paipaj animalcunamanpish
caimantami ubyachij nin— nirca. 13 Shina nijpi Jesusca nirca: —Maijanpish cai pugyu
yacuta ubyashpaca cutin yacunachin-gami. 14 Maijanpish ñuca cusha nishca yacuta
ubyashpaca mana cutinca yacunachingachu. Ñuca cusha nishca yacuca huiñai
causaita cungapaj llujshicuj yacu shinami paipaj shungu-pica canga—nirca. 15
Chashna nijpi chai huarmica: —Shinashpaca Amito, ama cutin yacunachingapaj, ama
caipi cutin huishinaman shamungapaj chai yacuta ñucaman cuhuai— nirca. 16 Shina
nijpi Jesusca: —Cambaj cusataraj cayamugri— nirca. 17 Chashna nijpi chai huarmica:
—Mana cusayuj canica —nijpi Jesusca: —"Mana cusayuj canica" nishpaca mana
llullashcanguichu. 18 canca pichca cusatamari charishcangui. Cunan canhuan
causacujea mana-tajmari cambaj cusachu— nirca. 19 Chashna nijpi chai huarmica
nirca: —Amito, canca Dios yuyaita cushcata huillajmi yuyachingui. 20 Ñucanchij ñaupa
yayacunaca cai urcupimi Diostaca adoraj cashcacuna. Cancuna Israelcunaca
Jerusalenllapimi Diostaca adorana ninguichijmi— nirca. 21 Chashna nijpi Jesusca chai
huarmita nirca: —Mana cai urcullapi, mana Jerusalenllapi Taita Diostaca adorana
chayamucunmi. Cai ñuca huillashcata criari. 22 Cancunaca pita adoracushcata mana
yachanguichijchu. Ñucan-chijea pita adoracushcataca yachanchijmari. Quishpichijca
Israelcunapuramantami tiyan. 23 Taita Diosta adorajeunaca Diospaj Samai Espiritu
yuyaita cushca shina, mana nij tucush-palla adorana punlla chayamungami. Cunanmari
chai punlla-ca. Taita Diospish chashna adorajeunatami muñan. 24 Taita Diosca Samai
Espiritumi. Paita adorajeunaca paipaj Samai Espiritu yuyaita cushca shina, mana nij
tucushpallami adorana— nirca. 25 Chashna nijpi chai huarmica: —Quishpichij Cristo
nishca Mesías shamuna cashcataca yachanimi. Pai shamushpaca tucuitami alli
huillanga—nirca. 26 Shina nijpi Jesusca: —Canhuan rimacujea chaillatajmari
cani—nirca. 27 Chashna nicujpi paipaj yachacujcunaca ña chayamushpa Jesusca chai
huarmihuan parlanacucujta ricushpa mancharirca-cunami. Chashna mancharishpapish:
"¿Imatataj nicungui? ¿Imatataj paihuan parlanacucungui?" nishpallapish mana
tapurcacunachu. 28 Chai huarmica paipaj pumita saquishpa puebloman rishpa
tucuicunaman huillashpa nirca: 29 —Jacuchij, shuj runata ricunguichij. Paica ñuca tucui
imalla rurashcatamari huillan. ¿Manachu paica Quishpichij Cristo canga, imashi?
—nirca. 30 Chashna nishpa huillajpica, tucuicunami chai pueblo-manta llujshishpa
Jesuspajman shamurcacuna. 31 Chaicamaca Jesuspaj yachacujcunaca: —Yachachij,
micupaiari— nicurcacunami. 32 Chashna nijpi Jesusca: —Ñucaca cancuna mana
rijsishca micunatamari charini— nirca. 33 Chashna nijpi yachacujcunaca caishuj
chaishuj: —¿Maijanshi paiman cararca?— nishpa ninacurca. 34 Chashna ninacujpi
Jesusca nirca: —Ñucapajca micuna shinaca ñucata cachaj Yayapaj munaita rurana,
pai tucui rurai nishcata pajtachinami. 35 ¿Manachu cancunaca: "Chuscu quillarajmi
cuchunapajea illan" ningui-chij? Chagracunata huichi ricuichij. Ña yurajyashca,
cuchuna-llamari. 36 Cuchujpish racionta japinmi. Chai cuchushcaca huiñai
causaipajmi. Chashna cajpimi, cuchujpish tarpujpish, ishquindij cushicunga. 37 "Shujca
tarpuj, shujea cuchuj" nishcaca allillatajmi. 38 Cancuna mana tarpushcatami ñucaca
cancunataca cuchuj cacharcani. Shujtajcunami tarpurca. Cancunaca paicuna
tarpushcallatami cuchucunguichij—nirca. 39 Chai Samaria huarmica: "Ñuca tucui imalla
rurashcata-mari huillan" nishcamantami, Samaria llajtapi caj chai pueblo-mantaca
achcacuna Jesusca Quishpichij cashcata crircacuna. 40 Chashna crishpami chai
Samaria llajtapi causajeunaca Jesuspajman shamushpaca: —Ñucanchijhuan
saquiripailla— nircacuna. Chashna nijpi Jesusca ishqui punllacamami chaipi saquirirca.
41 Chai punllacunapi Jesusllataj huillashcata uyash-pa ashtahuan shujtajcunapish
paita crircacunami. 42 Chai crijeunaca chai huarmitaca: —Paica cai pachapi
causajeunata Quishpichij Cristo cashcata cunantajea yachanchijmari. Ña mana can
huillashcalla-manta crinchijchu. Ña Jesusllataj huillajta uyashcanchijmi— nircacuna.

Mandajpaj churita Jesús álliyachishcamanta

43 Chai Samaria llajtamantaca Jesusca ishqui punlla q'uipami Galilea llajtamanca rirca.
44 Jesusllatajmi pi huillajtapish quiquin llajtapica mana alli chasquinchu nishpa
huillashca carca. 45 Galilea llajtapi causajeunaca Jerusalenman rishpa pascua
punllacunapi Jesús tucui imalla rurashcata ricurcacuna. Chashna ricushcamantami
Galilea llajtaman Jesús shamujpica, cushicushpa chasquircacuna. 46 Chaimantaca
Galilea llajtapi caj Cana pueblomanmi cutin tigrarca. Chaipimi sarunman yacutaca
vinota rurashca carca. Jesús chaipi cajpimi, jatun mandaj churashca Caper-naum
pueblopi causacuj shuj mandajpaj churica ungushca carca. 47 Chai mandajca Judea
llajtamanta Galilea llajtaman Jesús shamushca nijta uyashpami, Jesuspajman
shamushpaca: —Ñuca churimari ungushca huañunalla siricun. Huasiman rishpa
alliyachipai— nirca. 48 Chashna nijpi Jesusca: —Pi mana rurai tucushcata mana
rurajpica, pi mana ricush-cata rurajta mana ricushpaca cancunaca mana
cringuichijchu— nirca. 49 Shina nijpi chai jatun mandaj churashca mandajca:
—Apunchij Jesús, jacupaiari ñuca huahua manaraj huañujpi— nirca. 50 Chashna nijpi
Jesusca: —Cambaj churica ñamari alli. Rilla cambaj huasiman— nijpi chai runaca
Jesús chashna nishcata crishpa rircallami. 51 Pai ña huasiman chayamucujta paipaj
sirvijeuna ricushpaca tupaj shamurcami. Paihuan tupashpaca: —Cambaj churica
ñamari alli— nishpa huillarcacuna. 52 Chashna nijpica: —¿Ima horataj alliyarcari—
nishpa tapujpi: —Caina chaupi punlla shinallatami fiebreca pararirca— nircacuna. 53
Chashna nijpi chai yayaca chai horas shinallataj: "Cambaj churica ñamari alli" nishpa
Jesús nishcata yuyarirca. Chai-mantami paipaj huasipi tucui causajcunandij Jesustaca
crircacuna. 54 Jesusca Judea llajtamanta Galilea llajtaman shamushpaca pai pi
cashcata yachachunca caihuanca ñami ishqui cutin pi mana rurai tucushcataca
rurarca.
Ungushca runata Jesús alliyachishcamanta

5:1 Chashna rurashca q'uipami Jesusca Jerusalenpi Israel-cuna Diosta adorangapaj

tandanacushcaman rirca. 2 Jerusalenpi ovejacunata yaicuchina pungu c'uchupi shuj
uchilla cocha yacumi tiyan. Chai cochaca Israelcunapaj rimaipica Betesda shutimi.
Chai cocha c'uchupica pichca corredormi tiyan. 3 Chai corredorcunapica ñahui mana
ricujcuna, patojo-cuna, mana cuyurijta ruraj ungüi japishcacunapish achcacunami
chaipi carca. Chai ungushcacunaca cocha yacuta cuyuchijtami shuyacurcacuna. 4
Shuj angelmi huaquin huaquinllapi uriya-mushpa yacuta cuyuchirca. Yacuta
cuyuchijpica maijanpish yacuman punta yaicujca ima ungüimantapish alliyarcallami. 5
Chaipica shuj runami quimsa chunga pusaj huatata ungushca cashca carca. 6 Jesusca
chai runa siricujta ricushpa, ña achca huatata ungushca cashcata yachashpa chai
runataca: —¿Alliyasha ninguichu?— nirca. 7 Shina nijpi chai ungushca runaca:
—Amito, yacu cuyurijpi ñucata yacuman yaicuchijea pi mana tiyanchu. Ñuca
yaicungacamaca ñucata mishashpa shujtajcunarajmari yaicunlla— nirca. 8 Chashna
nijpi Jesusca: —Jatari. Can siricushcacunata aparishpa rilla—nirca. 9 Chashna nijpica
chai runaca ña alliyashpa pai siricushcacunata aparishpa rircallami. Chai punllaca
samana punllami carca. 10 Chashna aparishpa ricujpi Israelcunaca chai alli-yashca
runataca: —¿Manachu yachangui cunan punllaca samana punlla cashcataca?
Mandashcapi nishca shinaca can sirinataca mana aparina punllachu— nircacuna. 11
Shina nijpi chai runaca: —Ñucata alliyachijmari: "Can siricushcata aparishpa rilla"
nirca— nishpa huillarca. 12 Chashna nijpi: —¿Pitaj cantaca: "Can siricushcata
aparishpa rilla" nir-cari?— nishpa tapurcacuna. 13 Shina tapujpi Jesús alliyachishca
runaca achcacuna chaipi cashcamanta, Jesuspish chaimanta ña llujshishpa rishca-
manta, paita alliyachijca pi cashcata mana yachashpa mana imata ni tucurcachu. 14
Chai q'uipami Jesusca chai runata Diosta adorana huasipi tupashpaca: —Riqui,
cunanca ñamari alli cangui. Ima millaita ama rurangui. Ñataj ashtahuan ima mana alli
tucunguiman— nirca. 15 Chashna nijpi chai runaca: —Ñucata alliyachijca Jesusmari
cashca— nishpa Israelcuna-man huillagrirca. 16 Chashna huillajpi samana punllapi
Jesusca alliyachij cashcamanta, Israelcunaca p'iñarishpa Jesustaca huañuchishun
nishpa huashalla puricurcacuna. 17 Chashna huañuchishun nicujta yachashpa
Jesusca: —Ñuca Yayaca cunancama ruracunrajmi. Chaimantami ñucapish ruracuni—
nirca. 18 Jesusca Dios shina tucushpa, Taita Diosta ñuca Yaya nishcamanta, samana
punllapi ungushcata alliyachishcaman-tapishmi Israelcunaca p'iñarishpa ashtahuan
huañuchina yuyai tucurcacuna.

Jesuspaj maquipi Taita Diosca tucuita cushcamanta

19 Chashna ninacushcata yachashpa Jesusca paicunata nirca: —Diospaj Churi

cashpapish ñuca quiquin yuyaillamantaca imata mana rurai tucunichu. Ñuca Yaya
huallata rurajta ricushpamari ñucapish pai shinallataj rurani. Chaica chashna-llatajmi.
20 Ñucataca paipaj Churi cajpimi, ñuca Yayaca c'uyan. Chashna c'uyashpami pai tucui
imalla ruracushcata ñucaman ricuchin. Chai ñuca rurashcacunamanta yalli ashtahuan
ruranacunatami cancunamanca ricuchinga. Chaita ricushpaca cancunaca
mancharinguichijmi. 21 Ima shinami ñuca Yayapish huañushcacunata causaita cushpa
causachin, chashnallatajmi ñuca paipaj Churipish cusha nishcacunamanca causaita
cuni. 22 Ñuca Yayaca pi ima shina cashcatapish mana ricuchingachu, paipaj Churi
cajpimi, pi ima shina cashcata ricuchinataca tucuita ñucaman curca. 23 Tucuicuna
ñuca Yayata jatunyachij shinallataj paipaj Churi ñucatapish jatunyachichunmi chashna
curca. Paipaj Churi ñucata mana jatunyachijea, ñucata cachaj Yayatapish mana
jatunyachinchu. 24 Pipish ñuca shimita uyashpa, ñucata cachaj Yayata crijea huiñai
causaita charinmi. Jatun llaquimanca ña mana ringachu, ashtahuanpish
huañushcamanta llaquipi canapaj randica hui-ñaita causacunmi. Cai ñuca nishcaca
chashnami. 25 Diospaj Churi cajpi ñuca rimashcata huañushcacuna uyana chayamu-
cunmi, chaica cunanllatajmari. Ñuca rimashcata uyajeunaca causangami. Cai ñuca
nishcaca chashnami canga. 26 Ñuca Yayaca causachingapaj causaita charinmi.
Ñucamanpish paipaj Churi cajpimi, chashnallataj causachi tucunata cushca. 27
Ñu-caca Runa Aichayuj tucushca cajpimi, ñuca Yayaca tucuicuna huallata rurashcata
ricuchinataca ñucaman curca. 28 Ñuca cashna nishcamanta ama mancharichijchu.
Tucui pambashca-cuna ñuca rimashcata uyana chayamucunmi. 29 Chaipica allita
rurajcunaca causanaman causaringami. Mana allita rurajcunaca millai cashcamanta
jatun llaquiman ringapajmi causaringa.

Jesusmantaca maijanlla huillacushcamanta

30 Ñucaca ñuca yuyaillamantaca imata mana rurai tucunichu. Ñuca Yaya mandashca
shinallatajmi ñucaca alli cashcata mana alli cashcatapish ricuchini. Mana ñuca
munashca shinachu rurasha nini, ashtahuanpish ñucata cachaj Yaya munashca
shinami rurasha nini. Chaimanta alli cashcata mana alli cashcata ñuca ricuchishcaca
ima shina cashcallatajmi. 31 Ñu-caca quiquinllamantataj huillarijpica, ñucalla
huillashcaca cancuna crinapajca mana alli canmanchu. 32 Shujtajpishmi ñucamantaca
huillacun. Pai huillashcaca mana llullachu. 33 Sarun cancunaca Juanta tapugrichun
cacharcanguichijmi. Paica mana llullashpami ñucamantaca huillarca. 34 Shujtajcuna
ñuca pi cashcata huillashca canman mana ninichu. Cancuna quishpirichunllami Juan
ñucamanta huillashcata yuyachini. 35 Juanea japichishca lampara achijyachij shinami
huillarca. Pai huillashpa achijyachijpimi cancunaca ashacama cushicur-canguichij. 36
Ñuca Yaya ñucata rurai nishcatami ñucaca rura-cuni. Ñuca rurashcacunallatajmi Juan
huillashcatapish yalli ñucataca ñuca Yaya cachashca cashcata ricuchicun. 37 Ñucata
cachaj Yayapish ñucamantaca huillarcami. Pai huillajpipish cancunaca pai
rimashcataca mana uyashcanguichijchu, paita-pish mana ricushcanguichijchu. 38 Ñuca
Yaya ñucata cachash-cata mana crishcamantami, paipaj shimicunapish cancunapaj
shungupica mana saquirin. 39 Cancunaca Dios quillcachishcata callarishpa alli
ricushpami huiñai causaitaca charishun yuya-cunguichij. Chai quillcacunaca
ñucamantamari huillacun. 40 Chashna huillacujpipish huiñai causaita charingapajea
mana ñucapajman shamushun ninguichijchu. 41 Pipish ñucata canca allimari cangui
nichun mana muna-nichu. 42 Cancunataca rijsinimi. Taita Diosta mana c'uyaj cashcata
yachanimi. 43 Ñucaca ñuca Yaya cachajpimari sha-murcani. Cancunaca ñucataca
mana uyasha ninguichijchu. Maijan paillataj shamujtaca uyanguichijmanllami. 44
Cancunaca caishuj chaishuj allimari cangui ninacunallatamari yuya-cunguichij. Shujlla
Dios cancunata allimari cangui nichun ninataca manamari yuyanguichijchu. Chashna
yuyacushpaca, ¿ima shinataj ñucataca cri tucunguichij? 45 Ñuca Yayaman cancunata
ñuca juchachishpa huillana cashcataca ama yuyanguichijchu. Cancunaca Moisés
yuyaillami canguichij. Paimari cancunataca juchachishpa huillanga. 46 Moisesca
ñucamanta-mi quillcarca. Pai quillcashcata crishpaca ñucatapish cringui-chijmanmi. 47
Pai ñucamanta quillcashcata mana crishpaca, ¿ima shinataj ñuca huillashcatapish
cringuichigari?—nirca.

Pichca huaranga runacunaman Jesús carashcamanta

6:1 Chashna nishca q'uipami Jesusca Galilea cocha ch'im-banijman rirca. Chai
cochallatajmi Tiberias shutipish. 2 Achcacunami pi mana alliyachishca ungushcacunata
Jesús alliyachijta ricushcamanta Jesusta catishpa rircacuna. 3 Jesusca jahua urcuman
llujshishpa, chaipimi paipaj yachacuj-cunandij tiyarirca. 4 Ñallami Israelcunapaj pascua
fiestapish chayamucurca. 5 Chaipi tiyacushpa Jesusca achcacuna paipaj-man
shamucujta ricushpa Felipetaca: —Cai tucuicunaman carangapajea, ¿maipitaj
tandataca ran-dishun?— nirca. 6 Chashna nishpaca Felipe ima nijta uyangaraicullami
chashna nirca. Jesusca paillataj imata rurana cashcataca yacharcami. 7 Chashna nijpi
Felipeca: —Ishqui patsaj cullquihuan randishca tandapish mana asha ashallapish
pajtangachu—nirca. 8 Jesuspaj shuj yachacuj Simón Pedropaj huauqui Andresca
Jesusta nirca: 9 —Caipi shuj c'ari huambrami pichca cebada tandata, ishqui chalhuata
charicun. Chaica, ¿maitataj pajtangari cai tucuicunapajca?— nirca. 10 Chashna nijpi
Jesusca: —Shinashpaca, tucuicunata tiyari nichij—nirca. Chaipica q'uihua pambami
carca. Chaipimi pichca huaranga shina c'aricunata tiyachircacuna. 11 Chai q'uipami
Jesusca tandata japishpa Taita Diosta diosolopagui nishpa mañashca q'uipaca,
yachacujeunaman curca. Yachacujcunaca tucui chaipi tiyacujeunaman cararcacunami.
Chashnallatajmi chalhuatapish nishcata cararcacuna. 12 Ña tucuicuna sajsajpi
yachacujeunata Jesusca: —Mana micushcacunata japichij ama yanga chingarichun—
nirca. 13 Chashna nijpi chai pichca tandallamanta micujeuna mana micushcataca
chunga ishqui canasta jundatami japircacuna. 14 Chai runacunaca pi mana rurai
tucushcata Jesús rurajta ricushpaca: —Chaica chai cai pachaman shamuna cashca
huillajtajmari— nircacuna. 15 Chashna ninacushpa chai runacunaca: "Jesustaca
ñu-canchij llajtata jatun mandajta rurangapaj japishun" ninacur-cacuna. Chashna
ninacushcata yachashpami Jesusca cutin jahua urcuman pailla tigrashpa rirca.

Yacu jahuata Jesús purishcamanta

16 Ña tutayamucujpi paipaj yachacujcunaca cochaman uri-yamurcacunami. 17 Shuj

jatun canoapi yaicushpami Caper-naum puebloman ch'imbacurcacuna. Ñami amsa
carca. Jesusca manaraj paicunapajman shamushcachu carca. 18 Paicuna chashna
ch'imbacujpica achca huaira jatarishpami cocha yacutaca caimán chaiman shitacurca.
19 Cunan pichca mana cashpaca sujta kilometrota rishpallami, Jesustaca yacu jahuata
purishpa canoaman chayamucujta ricushpa achcata mancha-rircacuna. 20 Chashna
mancharicujpi Jesusca paicunata: —Ama mancharichijchu. Ñucamari cani— nirca. 21
Chashna nijpica cushicushpami paitaca canoapi yaicu- chircacuna. Chaimantaca
paicuna ricushca pueblo-manca utea-mi chayagrircacuna.

Jesusta runacuna mashcashcamanta

22 Cayandij punllaca ch'imbapi saquirijeunaca: —Cainaca shujlla canoamari caipica

carca. Chai canoapica yachacujcunallamari rirca. Jesusca mana yachacujcunahuanca
rircachu— nishpa ninacurcacuna. 23 Chashna ninacungacamaca Tiberias
pueble-manta shujtaj canoacuna maipi Apunchij Jesusca Taita Diosta diosolopagui
nishpa tandata carashca ucunij pambaman shamurcacuna. 24 Jesuspish paipaj
yachacujeunapish mana chaipi cashcata ricushpami chaipi cajeunaca chai
canoacunapi yaicushpa Ca-pernaumpi Jesusta mashcaj shamurcacuna.

Jesusca causaita cuj tandami cani nishcamanta

25 Ña cochata ch'imbashpa Jesushuan tupashpaca: —Yachachij, ¿ima horataj

caimanea shamurcanguiari?— nircacuna. 26 Chashna nijpi Jesusca nirca: —Ñucataca
pi mana rurai tucushcata rurajta ricushcaman-taca mana mashcacunguichijchu,
ashtahuanpish tandata mana nijta micushcallamantamari mashcacunguichij. Chashna
nishpaca allillatajmi nini. 27 Tucurijlla ismujlla micunata charingapajlla ama
mashcashpa purichijchu, ashtahuanpish huiñai causaita cuj micunata charingapaj
mashcaichigari. Chaita cuchunca Runa Aichayuj tucushca ñucatami Taita Diosca
cacharca—nirca. 28 Chashna nijpi: —Shinashpaca, ¿imatataj rurana canchij Taita Dios
rurai nishcata rurangapajea?— nircacuna. 29 Shina nijpi Jesusca: —Ñucata pai
cachashcata crichunmi Taita Diosca muñan— nirca. 30 Chashna nijpi paicuna nirca:
—Ñucanchij canta crichun nishpaca, ¿ima ricunatataj ruranguiari? 31 Dios
Quillcachishcapica: "Jahua pachamanta tandatami cararca" ninmi. Chashna nishca
shinallatajmi ñucanchij ñaupa yayacunaca shitashca pambapica maná shuti tandata
micushcacuna— nircacuna. 32 Chashna nijpi Jesusca: —Moiseschari jahua
pachamanta tandataca curcari. Ñuca Yayamari jahua pachamanta tandatatajea cun.
Chashna cashcatami huillani. 33 Jahua pachamanta cai pachaman Taita Dios cushca
tandaca cai pachapi causajeunaman causaita cujmari— nirca. 34 Chashna nijpica:
—Apunchij Jesús, shinashpaca, chai tandataca ñucanchijmanca caracuillari—
nircacuna. 35 Chashna nijpi Jesusca nirca: —Causaita cuj tandaca ñucamari cani.
Maijanpish ñucapaj-man shamushpa crijea paipaj shungupica manataj
yaricachinga-chu, manataj yacunachingachu. 36 Naja nishca shinallataj ñucata
ricucushpapish mana cringuichijchu. 37 Ñuca Yaya ñucaman tucui cushcacunallamari
ñucapajmanca shamunga. Ñucapajman shamujtaca mana tigrachishpa cachashachu.
38 Ñucaca jahua pachamantaca quiquin munaita rurangapajea mana shamurcanichu.
Ñucata cachajpaj munaita rurangapajjmi shamurcani. 39 Ñucata cachaj Yayaca
ñucaman tucui cushca-cunata shujllatapish mana chingachishpa, shamuj punllapica
paicunata causachichunmi muñan. 40 Ñucata cachaj Yayaca ñucataca paipaj Churi
cajpimi tucuicuna ñucata ricushpa crishpa huiñai causaita charichun muñan. Shamuj
punllapica ñucata crijeunataca causachishami— nirca. 41 Jesusca: "Jahua
pachamanta shamushca tandami cani" nishcamantami Israelcunaca huashalla
rimarcacuna: 42 —Caica Josepaj churi Jesusmari. Paipaj quiquin yaya mamatapish
rijsinchijmari. ¿Ima nishpataj paica jahua pacha-manta shamurcani ninchu imami?
nishpa rimarcacuna. 43 Chashna nijpi Jesusca nirca: —Ama ñucataca huashalla
rimacuichijchu. 44 Ñucata cachaj Yaya mana pushamujpica, ñucataca pi mana cri
tucunchu. Shamuj punllapica paicunataca causachishami. 45 Ñaupa huillajcunata Dios
quillcachishcacunapica: "Diosmi tucuicunata yachachinga" ninmi. Chashna nishca
shinallataj ñuca Yayata uyashpa pai yachachishcata yachajcunaca tucuicunami
ñucataca cringacuna. 46 Taita Diostaca pi mana ricushcachu. Ñucaca paipajmanta
shamushca cashpallami paitaca ricurcani. 47 Chaimanta ñucata crijllami huiñai
causaitaca charin. Chashna nishpaca allillatajmi nini. 48 Causaita cuj tandaca
ñucaman cani. 49 Cancunapaj ñaupa yayacunaca shitashca pambapi maná shuti
tandata micushpapish huañurcacunallami. 50 Cai tandaca jahua pachamanta
shamushcamari. Maijanpish chaita micujca mana huañungachu. 51 Jahua pachamanta
shamushca causaita cuj tandaca ñucamari cani. Maijanpish cai tandata micujca
huiñaita causangami. Ñuca carana tandaca ñuca quiquin aicha-mari. Chaitaca cai
pachapi causajcuna causachunmi ñucata huañuchichunca ñucallataj japichisha—nirca.
52 Chashna nijpi Israelcunaca: —¿Ima shinataj caica ñucanchijmanca paipaj quiquin
aicha-taca carangari?— nishpa paicunapura rimanacurcacuna. 53 Chashna
ninacucujpi Jesusca paicunata nirca: —Runa Aichayuj tucushca ñuca aichata mana
micushpa, ñuca yahuarta mana ubyashpaca, causaita mana charinguichij-chu.
Chashnami canga. 54 Maijanpish ñuca aichata micujca, ñuca yahuarta ubyajea huiñai
causaita charinmi. Shamuj punllapica paitaca causachishami. 55 Ñuca aichami
micunataj-ca. Ñuca yahuarmi ubyanatajea. 56 Maijanpish ñuca aichata micujca, ñuca
yahuarta ubyajea ñucahuanmi, ñucapish pai-huanmi cani. 57 Ñucata cachaj Yayaca
causaiyujmi. Paiman-tami ñucapish causacuni. Shinallataj maijanpish ñuca aichata
micujca ñucamanta causangami. 58 Cai tandaca jahua pacha-manta shamushcami.
Cancunapaj ñaupa yayacunaca maná shuti tandata micushpapish huañurcacunami.
Cai tandaca mana chai tanda shinachu. Maijanpish cai tandata micujca huiñaitami
causanga— nirca. 59 Caicunataca Jesusca Capernaum pueblopimi Israelcuna
tandanacuna huasipi yachachirca.

Huiñai causaita cuj shimicunamanta

60 Jesús chashna nijta chai tucui caticujeuna uyashpaca: —Maita mana

yachaipajtamari riman. ¿Pitaj uyasha nin-gari?— nircacuna. 61 Jesusca paita
caticujeuna chashna huashalla rimanacucujta yachashpami paicunata nirca: —¿Naja
chashna nishcamantachu mancharinguichij? 62 Runa Aichayuj tucushca ñucata sarun
maipi cashcaman rijta ricushpacarin, ¿imatashi ninguichijman? 63 Causaita cujea
Diospaj Samai Espiritumi. Aichaca mana causaitaca cunchu. Diospaj Samai
Espiritutapish causaitapish cujea, cai ñuca cancunaman huillashca shimicunamari. 64
Chashna nicujpipish cancunaca manaraj tucuicuna cringuichijchu— nirca. Jesusca
ñaupamanmi maijanlla mana crina cashcata, pi paita japichina cashcatapish yacharca.
65 Chashna yachashpami: —"Cancunataca ñuca Yaya ñucata crina yuyaita cujllapimi
ñucataca cringa" nishpa nircani—nirca. 66 Chashna nijpica Jesusta chai tucui
catijeunaca paitaca saquishpa ña mana paihuan purircacunachu. 67 Chashna
chai-cuna rijpi Jesusca chunga ishqui yachacujcunataca: —¿Cancunapishchu ñucata
shitashpa risha ninguichij?— nishpa tapurca. 68 Shina nijpi Simón Pedroca nirca:
—Apunchij Jesús, ¿pipajmantaj rishunri? Canllatajmari huiñai causaita cuj
Shimicunataca charingui. 69 Ñucanchijca cantaca crinchijmi. Causaj Diospaj Churi
cashcatapish cantaca yachanchijmi— nirca. 70 Chashna nijpi Jesusca: —Cancunataca
chunga ishquitamari agllarcani. Cancuna-puramanta shujea diablomari—nirca. 71
Chashna nishpaca Simonpaj churi Judas Iscariotetami nirca. Paimi Jesusta japichina
carca. Judasca chunga ishqui yachacujeunapuramanta shujmi carca.

Jesustaca paipaj huauquicunállapish mana crishcamanta

7:1 Chai q'uipaca Jesusca Galilea llajtapimi yachachishpa puricurca. Israelcuna paita
huañuchishun ninacushca-manta, Judea llajtamanca ña mana risha nircachu. 2 Ñaupa
yayacuna carpa huasicunapi causashcata yuyarishpa Israelcuna fiestata rurana
punllacunami chayamucurca. 3 Chaimantami Jesuspaj huauquicunaca nirca: —Riari
Judea llajtaman, canta catijcuna can rurashcacunata ricuchun. 4 Tucuicuna alli nishca
casha nishpaca pipish imata mana pacalla ruranchu. Can chashnacunata rurashpaca
tu-cuicunaman ricuchiari— nircacuna. 5 Paipaj huauquicunapish Jesustaca pi cashcata
mana crishcamantami chashnaca nirca. 6 Chashna nijpi Jesusca paicunata nirca:
—Ñuca rinaca manaraj chayamushcachu. Cancunapajca ima horapish allimi. 7
Cancunataca cai pachapi causajeunaca mana p'iñancunachu. Paicunaca ñucatami
cancunaca mana allitami ruranguichij nishpa huillashcamanta p'iñancuna. 8 Cancunaca
fiestamanca richijlla. Ñuca rinaca manaraj cha-yamujpi chaimanca manaraj rinichu
—nirca. 9 Jesusca chashna nishpaca Galilea llajtallapitajmi saqui-rirca.

Israelcunapaj fiestapi Jesús cashcamanta

10 Paipaj huauquicuna rishca q'uipami, Jesusca fiestamanca huashalla rirca. 11

Israelcunaca chai fiestapi Jesusta mashca-cushpaca: —¿Maipishi chai runaca?
—ninacurca. 12 Chaipi caj chai tucuicunaca paicunapura huashalla par-lanacushpa
shujeunaca: "Chai runaca allimari" ninacurca. Cutin maijancunaca: "Mana allichu.
Ashtahuanpish tucuicunata crichijllamari" ninacurcacuna. 13 Israelcunata
manchashcamantami Jesusmantaca huashalla parlanacurcacuna. 14 Ña chai fiesta
chaupiyagrijpi Jesusca Diosta adorana huasiman yaicushpa chaipi
tandanacushcacunata yachachirca. 15 Chashna yachachijpi Israelcunaca: —¿Ima
shinataj caica mana achcata yachashca cashpapish cai tucuitaca yacharcari?—nishpa
mancharircacuna. 16 Chashna ninacucujpi Jesusca paicunata nirca: —Ñucaca mana
ñuca yuyaimantachu yachachini. Ñucata cachaj Yaya nishcallatami yachachini. 17
Pipish Taita Diospaj munaita rurasha nijca, ñuca yachachishcataca Dios munashca
shina cashcata, mana cashpaca, ñuca yuyashca shinalla cashcata yachangami. 18
Pipish paipaj quiquin yuyaillamanta huillajca shujtajcuna paillatataj alli nichunllami
muñan. Pipish paita cachajta alli nichun munajca mana llullata huillanchu. Paica mana
llullajchu. 19 ¿Manachu Moisesmari Dios mandashcataca cancuna-manca curca? Chai
mandashcataca cancunaca manamari cazunguichijchu. ¿Ima nishpataj ñucataca
huañuchishun nin-guichigari?— nirca. 20 Shina nijpi chaipi tucui cajcunaca: —canca
supai japishcamari cangui. ¿Pitaj cantaca huañu-chisha nicun?—nircacuna. 21
Chashna nijpi Jesusca nirca: —Samana punllapi shuj allita rurashcamantami tucuicuna
mancharinguichij. 22 Moisés mandashca circuncisión nishcata ruranataca samana
punlla cajpipish, ¿cancunapish manachu ruranguichijlla? Chashna ruranataca mana
Moiseschu calla-ruca, ñaupa yayacunami callarirca. 23 Moisés mandashcata mana
p'aquingapajca samana punlla cajpipish circuncisiontaca ruranguichijllami. Samana
punllapi shuj runata ñuca allita alliyachishcallamantaca, ¿ima nishpataj p'iñaringuichij?
24 Ama ricushcallata jahua jahualla juchachichijchu, ashtahuanpish alli yachashpa ima
shina cashcata juchachichigari—nirca.

Jesusca pai maimanta cashcata huillashcamanta

25 Jesús chashna nijpi Jerusalén pueblopi causajeuna mai-jancunaca ninacurca:

—Caica huañuchishun nishpa mashcacushca runamari. 26 Riquichij, tucuicunaman
huillacujpipish manamari pi imata ninchu. ¿Mandajcunaca paitaca Quishpichij Cristo
cashcatachu yuyancuna imashi? 27 Ñucanchijca paitaca maimanta cashcata
yachanchijmari. Cristo shamujpica, maimanta cashcataca pi mana yachangachu—
nircacuna. 28 Chashna ninacujta uyashpa Jesusca Diosta adorana huasipi
yachachicushpa sinchita nirca: —Shinashpaca, ñucataca rijsishcanguichijmi. Maimanta
cashcatapish yachashcanguichijmi. Mana ñucallatajchu sha- murcani. Taita Dios
cachajpimi shamurcani. Ñucata cachajca mana llullachu. Cancunaca paitaca mana
rijsinguichijchu. 29 Ñucaca paipajmanta shamushcamanta paitaca rijsinimi. Paimari
ñucataca cacharca—nirca. 30 Shina nijpi japishunchij ninacushpapish paita japinaca
manaraj chayashcamanta pi paitaca mana japi tucurcachu. 31 Achcacunami Jesusta
crishpa: —Cai mana Cristo cajpica, Cristo shamushpaca, ¿pai rurashcacunatapish
yallitachu ruranga imashi?—ninacurca.

Jesusta japinaman soldadocunata fariseocuna cachashcamanta

32 Jesusta tucuicuna chashna rimanacujta fariseocuna uyashpaca, Israel curacunata

mandaj curacunapish, fariseo-cunapish Jesusta japinaman soldadocunata
cacharcacuna. 33 Chashna japinaman shamucujta yachashpami Jesusca nirca:
—Ashacamallami cancunahuan cani. Ñucata cachajpajman tigrashpa rishami. 34
Ñucata mashcashpapish ñuca maipi canaman cancunaca mana shamui
tucushcamanta, ñucataca mana japi tucunguichijchu—nirca. 35 Shina nijpi
Israelcunaca paicunapura ninacurca: —¿Maimanshi caica ringa ñucanchij mana japi
tucuchunca? ¿Griegocunapaj llajtapi chagrurishpa causaj Israelcunapaj-manchu,
Griegocunata yachachingapaj ringa, imashi? 36 "Ñuca maipi canaman cancunaca
mana shamui tucushcamanta, ñucata mashcashpapish, mana japi tucunguichijchu"
nishpaca, ¿ima-tashi nisha nin?—nircacuna.

Causaita cungapaj llujshicuj yacumanta

37 Chai fiesta tucuri punllaca ashtahuan jatun punllami carca. Chai punllami Jesusca
shayarishpa sinchita nirca: —Maijan yacunachishpaca, ñucapajman shamuichij ubyan-
guichij. 38 Dios Quillcachishcapi nishca shinaca: "Ñucata crijpaj shungu ucumantaca
causaita cungapaj llujshicuj yacu shinami canga"—nirca. 39 Shina nishpaca Jesusca
paita crijeuna Diospaj Samai Espirituta chasquinatami huillarca. Diosca Jesustaca
manaraj sumajyachijpimi, Diospaj Samai Espirituca manaraj shamurca.

Tucuicuna caita chaita yuyashcamanta

40 Chaipi tucui cajcunaca Jesús chashna huillajta uyashpaca maijancunaca:

—Caitajmari chai shamuna cashca huillajca— nircacuna. 41 Shujtajcunaca: —Caitajca
chai Quishpichij Cristomari—nircacuna. Maijancunaca: —Maitataj Galileamantaca
Cristoca shamungari— nircacuna. 42 Chashna ninacushpaca: —"Ñaupa yaya Davidpaj
huahua huahuamantami, David causashca Belén pueblomanta Cristoca shamunga"
nishpami Dios Quillcachishcapica nin— nircacuna. 43 Chashna ninacushpaca
Jesustaca caita chaitami yuyarca-cuna. 44 Maijancunaca: —Jesustaca japishun
—nicushpapish paitaca pi mana japir-cacunachu.

Mandajcunapish Jesustaca mana crishcamanta

45 Jesusta japinaman cachashcacuna tigramujpica, Israel curacunata mandaj

curacunapish, fariseocunapish: —¿Ima nishpataj mana japimunguichigari?—
nircacuna. 46 Shina nijpi chai cachashcacunaca: —Chai runa rimashca shina
mancharinataca pipish mana rimashcachu— nircacuna. 47 Chashna nijpi
fariseocunaca cashna nirca: —¿Cancunatapishchu crichin? 48 Mandajcunapish
fariseocunapish maijanllapish paitaca crishcachari. 49 Paita crijcunaca
mandashcacunata mana yachaj, millashca mana allicunami— nircacuna. 50 Shina nijpi
fariseocuna parte Nicodemo shuti ñaupaman Jesuspajman tuta rij runaca: 51
—Ñucanchij mandashcacunapi nishca shinaca shuj runata manaraj uyashpa, pai ima
rurashcata manaraj yachashpaca paitaca mana juchachilla ninchu—nirca. 52 Chashna
nijpi: —Dios Quillcachishcapi mashcashpa yachaiari. Ricungui Galileamantaca shuj
huillajllapish mana shamushcachu. ¿Can-pish Galilea runachu tucungui, imamí? —
nircacuna. 53 Shina ninacushcahuan paicunapaj huasicunaman tigrashpa
rircallacunami.

Huainayashpa causaj huarmimanta

8:1 Chai q'uipami Jesusca Olivos yuracuna tiyan urcuman rirca. 2 Cayandij
tutamantaca uteami Diosta adorana huasiman tigramurca. Chai pueblopi causajeuna
tucuicuna paipajman shamujpi Jesusca tiyarishpa paicunata yachachi-curca. 3
Chashna yachachicujpi fariseocunapish mandashca-cunata yachachijeunapish
huainayacujta japishca huarmita pushamushpa, tucui chaipi cajcunapaj ñaupajpi
churarcacuna. Chashna churashpaca cashna nircacuna: 4 —Yachachij, cai huarmitaca
huainayacujtamari japishca. 5 Moisesca mandashcapica: "Cashna huarmicunataca
rumi-huan shitashpa huañuchichun" nishcami. canca caitaca, ¿imatataj ningui?—
nirca. 6 Jesús ima nijta uyashpa juchachingaraicullami chashna tapurcacuna. Chashna
tapujpi Jesusca cumurishpami pambapi maquihuan quillcacurca. 7 Paicuna tapuracujpi
Jesusca paicunata ricushpaca: —Maijan cancuna jucha illajlla cashpaca, pairaj cai
huarmita rumihuan shitachun— nirca. 8 Shina nishpaca cutin cumurishpa pambapi
maquihuan quillcacurcallami. 9 Chashna nijta uyashpaca paicunallataj juchayuj
cashcata yuyarishpa, huasha huasha shuj shujlla yuyajeunamanta callarishpa
tucuicunami llujshirca. Jesusca chaipi caj huarmindijllami saquirirca. 10 Jesús cutin
ricujpica pi mana ricurijpi, chai pushamushca huarmilla ch?ipi cajta ricushpaca:
—¿Maipitaj canta chashna nijcunaca? ¿Manachu pi cantaca imata nirca?—nijpi: 11
—Amito, mana pi imata nircachu—nirca. Chashna nijpi Jesusca: —Ñucapish mana
imata ninichu. Rilla pajta cutin ima millaita ruranguiman—nirca.

Cai pachapi causajcunata Jesusca achijyachij luz shina cashcamanta

12 Jesusca ñaupaman yachachicushcacunallatataj cutin ya-chachishpaca: —Ñucaca

cai pachapi causajcunata achijyachij luzmi cani. Maijanpish ñucata catijea mana
amsapi puringachu. Causaita cuj achijyachij luztami charinga—nirca. 13 Chashna nijpi
fariseocunaca Jesustaca: —canca alli ricurisha nishpallamari chashna huillacungui.
Canllataj huillarishcaca yangallamari—nircacuna. 14 Shina nijpi Jesuca paicunata
nirca: —Ñucallamantataj huillarijpipish, ñuca huillarishcaca mana yangachu. Ñucaca
ñuca maimanta cashcata, maiman riña cashcata yachanimi. Cancunaca ñuca
maimanta cashcata, maiman riña cashcatapish mana yachanguichijchu. 15 Cancunaca
ñahui ricushcallatami imatapish ninguichij. Ñucaca pita cancuna shina mana
juchachinillachu. 16 Pitapish imalla ru-rashcata ñuca nishpaca ima shina cashcallatami
nisha. Chashna ningapajea mana ñucallachu cani, ñucata cachaj Yayandijmi canchij.
17 Cancunapaj mandashcapica: "Ishqui huillajtaj chai shinallataj huillajpica mana
yangachu" nishpami quill-cashca tiyacun. 18 Shina cajpica ñucapish ñucallamantataj
huillajmi cani. Ñucata cachaj Yayapish ñucata huillajmari— nirca. 19 Chashna nijpi:
—¿Maipitaj cambaj Yayaca?—nishpa tapurcacuna. Chashna tapujpi Jesusca:
—Cancunaca ñucatapish ñuca Yayatapish mana rijsingui-chijchu. Ñucata rijsishpaca,
ñuca Yayatapish rijsinguichij-manmi— nirca. 20 Jesusca Diosta adorana huasipi
yachachicushpami Dios-man cullquita cushpa churana chaipi cashpa chashnaca nirca.
Chashna yachachicujpi paita japishun nishpapish, paita japinaca manaraj
chayamushcamantami, pi paitaca mana japircacuna.

"Ñuca ricunmanca cancunaca mana ri tucunguichijchu" nishcamanta

21 Jesusca cutin paicunataca: —Ñucaca rigrinimi. Ñucataca mashcanguichijmi. Ñucata

mashcashpapish cancunapaj juchallapitajmi huañunguichij. Ñuca ricunmanca
cancunaca mana ri tucunguichijchu— nirca. 22 Shina nijpi chai Israelcunapuraca:
—¿Paillatajchu huañuchiringa, imashi? ¿Chaimantachu: "Ñuca ricunmanca cancunaca
mana ri tucunguichijchu" nin imashi?—nircacuna. 23 Jesusca paicunata nircapishmi:
—Cancunaca caimantami canguichij. Ñucaca chai jahua-mantami cani. Cancunaca cai
pachamantami canguichij. Ñucaca mana cai pachamantachu cani. 24 Cancunataca cai
pachalla-manta cajpimi: "Cancunapaj juchallapitajmi huañunguichij" nircani. Ñuca pi
cashcata mana crishpaca, cancunapaj juchallapitajmi huañunguichij— nirca. 25
Chashna nijpica: —canca, ¿pitaj canguiari?— nircacuna. Shina nijpi Jesusca paicunata
nirca: —Ñucaca sarun cancunaman huillashcallatajmi cani. 26 Ñu-caca cancunataca
achcatami nina cani, mana alli nishpa rimana-pishmi cani. Ñucata cachaj Yaya nishca
shinami cai pachapi causajeunataca rimani. Ñucata cachajea mana llullajchu— nirca.
27 Chaita uyajeunaca Taita Diosta Jesusca chashna ni-cushcataca mana
yacharcacunachu. 28 Paicuna chashna mana yachajpimi Jesusca cashna nirca:
—Runa Aichayuj tucushca ñucataca cancunaca jahuaman churashpami, ñuca pi
cashcataca yachanguichij. Imatapish ñuca quiquinllatajca mana ruranichu. Ñucata
cachaj Yaya ñucata yachachishcallatami nini. 29 Ñucata cachajea ñucahuan-mari.
Paica paipaj munaillata ñuca rurashcamanta ñuca Yayaca ñucallata mana
saquishcachu—nirca. 30 Jesús chashna nijpica achcacunami paitaca crircacuna.

Diospaj huahuacunamanta, millaita huatashca shina rurajcunamantapish

31 Jesusca paita crij Israelcunataca cashnami nirca: —Cancunaca ñuca

yachachishcata catirashpaca ñuca yacha- cujcunatajmi canguichij. 32 Mana
llullajtapish rijsinguichijmi. Chai mana llullajca cancunataca huatashca shinamanta ca-
charichingami— nirca. 33 Chashna nijpi Jesustaca: —Ñucanchijca ñaupa Abrahampaj
huahua huahuacunamari canchij. Mana pipajta huatashca shina rurajchu cashcanchij.
¿Ima nishpataj canca: "Cacharishcami canguichij" ninguiari?— nirca. 34 Shina nijpi
Jesusca paicunataca cashna nirca: —Juchapi causajeunaca tucuicunami huatashca
shina millaita rurancuna. Chaica chashnatajmari. 35 Amopaj runaca amopaj huasipica
mana causacungallachu. Churimi yayahuanca cau-sacungalla. 36 Chashna cajpica
cancunata huatashca shinamanta Diospaj Churi cacharijpitajca, ña cacharishcamari
canguichij. 37 Cancunataca Abrahampaj huahua huahuacuna cashcataca
yachanitajmari. Ñuca rimashcacuna cancunapi mana alli yuyachijpimi, ñucataca
huañuchishun ninguichij. 38 Ñucaca ñuca Yayahuan cashpa, imalla ricushcatami
huillani. Cancunaca cancunapaj yaya imata rurai nishcallatami ruran-guichij— nirca. 39
Shina nijpi paicunaca: —Ñucanchij yayaca Abrahammari—nircacuna. Chashna nijpi
Jesusca nirca: —Abrahampaj huahua huahuacuna cashpaca, Abraham rurashca
shinallatajmi ruranguichijman. 40 Ñucataca mana llullashpa huillajtami huañuchishun
ninguichij. Chai mana llullashpa huillanataca Diosmantami uyarcani. Abrahamca mana
cancuna rurashca shinachu rurarca. 41 Cancunaca cancunapaj yaya ruraj shinallatajmi
ruranguichij—nirca. Chashna nijpi: —Ñucanchijca mana huainapaj huahuachu canchij.
Dioslla-tami shujlla yayata charinchij—nirca. 42 Shina nijpi Jesusca cashnami nirca:
—Taita Dios cancunapaj yaya cajpica, ñucataca c'uyanguichij-manmari. Ñucaca
Diospajmantami caimanea shamurcani. Mana ñuca quiquin yuyaillamantachu
shamurcani. Paimari ñucataca cacharca. 43 ¿Ima nishpataj ñuca imata nishcataca
mana cringuichigari? Cancunallataj ñuca nishcata mana uyasha nishcamantamari
mana cringuichij. 44 Cancunapaj yayaca diablomari. Paipaj munaillatami rurashun
ninguichij. Paica callarimanta huañuchijmi, mana llulla canapica mana saquirir-cachu.
Paica llullallami. Llullashpaca pai ima shina llulla cashca shinallatajmi llullan. Llullanata
callarichij cashcamanta llullapaj yayami. 45 Ñuca mana llullashpa huillashcataca
cancunaca manamari crisha ninguichijchu. 46 ¿Pi cancunataj ñucataca ima juchata
rurashcata yuyachi tucunguichij? Ñuca mana llullashpa huillajpica, ¿Ima nishpataj
ñucataca mana cringuichigari? 47 Maijanpish Diospaj cashpaca paipaj Shimi-tami
uyashun nin. Cancunaca mana Diospaj cashpami paipaj Shimitaca mana uyashun
ninguichij—nirca.

Abraham manaraj tiyajpi Cristoca ña tiyashcamanta

48 Chashna nijpi Israelcunaca: —Cantaca supai japishcami cangui. "Samariataj

Samaria" nishpaca allillatajmi nishcanchij— nircacuna. 49 Chashna nijpi Jesusca
cashnami nirca: —Ñucaca mana supai japishcachu cani. Ñucaca ñuca Yaya-tamari
cazuni. Cancunaca mana ñucataca cazunguichijchu. 50 Mana ñucachu ñucata alli
nichunca nini. Taita Diosmi ñucata alli nichunca nin. Ñucata mana chashna nijpica,
paimari imatapish ñinga. 51 Maijanpish ñuca imalla nishcata cazujea manataj
huañungachu. Chashnami canga—nirca. 52 Chashna nijpi Israelcunaca cashnami
nirca: —Abrahampish tucui ñaupa huillajcunapish huañurcami. canca: "Pipish ñuca
imalla nishcata cazujea mana huañungachu" nishpaca, ¿ima nishpataj chashnaca
ninguiari? Cantaca supai japishca cashcata cunantajea ñami yachanchij. 53 canca
ñucanchij ñaupa yaya Abrahamta yallichari canguiari. Paipish ñaupa huillajcunapish
huañurcami. canca, ¿pitaj cani yuyan-guichu, imami?—nircacuna. 54 Shina nijpi
Jesusca cashna nirca: —Ñucallataj allimi cani nirijpica, ñuca allimi cani nirishcaca
yangallami canman. Ñucata alli nijca ñuca Yayamari. Pailla-tatajmari cancunaca
ñucanchij Diosmi ninguichij. 55 Chashna nishpapish cancunaca paitaca mana
rijsinguichijchu. Ñucaca paitaca rijsinimi. "Paita mana rijsinichu" nishpaca, cancuna
shina llullami caimán. Ñucaca paitaca rijsinimari. Chaimanta pai ima nishcatamari
rurani. 56 Cancunapaj ñaupa yaya Abra-hamca ñuca shamunata ricuna cashcamanta
cushicurcami. Ña ricushpacarin ashtahuan cushicurcami— nirca. 57 Chashna nijpi
Israelcunaca: —Manaraj pichca chunga huatayuj canguica. "¿Abrahamtaca ricurcani"
ninguichu, imamí?—nircacuna. 58 Shina nijpi Jesusca: —¿Maitataj nij tucushallari?
Manaraj Abraham tiyajpimari ñucaca tiyani— nirca. 59 Chashna nijpi huañuchishun
nishpa rumita japishpa shitashun nircacuna. Chashna shitashun nicujpi Jesusca paca
tucushpa Diosta adorana huasimantaca paicunapaj chaupillatatajmi llujshishpa rirca.

Mana ricuj huacharishca runata Jesús alliyachishcamanta

9:1 Jesús puricushpaca, mana ricuj huacharishca shuj runatami ricurca. 2

Yachacujcunapish chai runata ricush-pami Jesustaca: —Yachachij, cai runa chashna
huacharichunca, ¿paillataj-chu, mana cashpaca, paipaj yaya mamachu juchayuj carca,
imashi?— nishpa tapurcacuna. 3 Shina nijpi Jesusca cashna nirca: —Paipish paipaj
yaya mamapish mana juchayuj cashca-mantachu chashnaca huacharirca. Diosca pai
rurai tucushcata cai runapi ricuchichuruni chashnaca huacharishca. 4 Punllaraj cajpimi
ñucata cachaj rurai nishcataca rurana cani. Tutayajpica pi mana imata rurai tucunchu.
5 Ñucaca cai pachapi cashparajca cai pachapi causajcunata achijyachij luzmi
cani—nirca. 6 Chashna nishpaca Jesusca allpata ch'ucahuan chapushpami mana
ricujpaj ñahuipi llutarca. 7 Shina rurashpaca: —Siloé uchilla cocha yacupi ri
maillarigri— nircami. Siloé nishca shimica cachashca nisha ninmi. Shina nijpi, rishpa
maillarishpaca ricushpami tigramurca. 8 Chashna tucuj-pi chai ñaupaman paitaca mana
ricuj cashcata ricujcunapish c'uchulla causajcunapish: —Caica ¿manachu chai
mañashpa tiyaj runa canga?— nircacuna. 9 Maijancunaca: —Chaitajmari— nircacuna.
Cutin shujtajcunaca: —Paitajmari yuyachin—ninacurca. Chashna ninacujta uyashpa
chai runaca: —Ñucatajmari cani—nirca. 10 Shina nijpi: —¿Ima shinataj cunanca
ricunguiari?— nircacuna. 11 Chashna nijpi chai runaca: —Jesús shuti runamari allpata
ch'ucahuan chapushpa ñuca ñahuipi llutashpaca: "Siloé yacupi ri, maillarigri" nijpi
rishpa maillarishpaca ñapish ricurcanillami— nirca. 12 Shina nijpi: —¿Maipitaj chai
runaca?—nishpa paita tapujpi: —Imatajshiari. Mana yachanichu—nirca.

Ñahuita alliyachishca runata fariseocuna tapushcamanta

13 Chashna nijpi chai mana ricuj cashca runataca fariseocuna-pajman pushashpa

rircacuna. 14 Chai mana ricuj runapaj ñahuipi ch'ucahuan allpata chapushpa llutashpa
Jesús alliyachi punllaca samana punllami carca. 15 Chaimantami fariseocu-naca cutin
chai runataca: —¿Ima shinataj ricunguiari?— nishpa tapurcacuna. Shina nijpi chai
runaca: —Allpata ch'ucahuan chapushpa ñuca ñahuipi Iluta jpi maillarigrishpaca ñapish
ricurcanillami— nirca. 16 Chashna nijpi maijan fariseocunaca: —Chai alliyachij runaca
samana punllapi mana huaquichi-rishcamanta mana Diospajchu— nircacuna. Cutin
maijancunaca: —¿Ima shinataj juchayuj runa cashpaca chashna pi mana rurai
tucushcataca rurangari?—nircacuna. Chashnami paicunapurallataj caita chaita
yuyashpa rimana-curcacuna. 17 Chai alliyachishca runataca fariseocunaca: —canca,
chai alliyachij runataca, ¿ima ninguitaj?— nishpa cutin tapujpica: —Paica Dios yuyaita
cujpi huillajmari— nirca. 18 Shina nijpi chai Israelcunaca chai alliyachishca runapaj
yaya mamata cayashpa tapungacama, paica mana ricuj cashca cashpapish, cunanca
alliyashcataca mana crisha nircacunachu. 19 Chaimantami yaya mamataca: —¿Caichu
mana ricujmari huacharirca nishca cancunapaj churi? ¿Ima shinataj cunanca
ricucun?— nishpami tapurcacuna. 20 Chashna nijpi paipaj yaya mamaca cashna nirca:
—Ari, mana ricuj huacharishca ñucanchij churitajmari. 21 Ima shina cunanca pai
ricucushcatapish pi paipaj ñahuita alliyachishcatapish mana yachanchijchu. Paica
juilluyujmi. Paillatataj tapuichijlla— nircacuna. 22 "Jesusca Quishpichij Cristomi nishpa
maijanpish huillajpi-ca, Israelcunapaj tandanacuimanta llujshichishpa shitashcami
canga" nishpa Israelcunaca ñaupamanmi nishca carca. Chashna nishcata
manchashcamantami chai yaya mamaca chashna nircacuna. 23 Chaimantami chai
yaya mamaca: "Juilluyujmi. Paillatataj tapuichijlla" nircacuna. 24 Shina nijpi chai mana
ricuj cashca runata cutin cayashpaca: —Diospish ricucunmi. Mana llullashpalla
ñucanchijman huillai. Ñucanchijca chai runataca juchayuj cashcatami yachanchij—
nircacuna. 25 Chashna nijpica: —Paica juchayujchu manachu juchayuj, imatajshiari,
mana yachanichu. Ñucaca mana ricuj cashpapish cunanca ricucushca-llatami yachani
—nirca. 26 Chashna nijpica: —¿Imatataj cantaca rurarca? ¿Ima shinataj cambaj
ñahuitaca alliyachirca?—nishpa cutin tapurcacuna. 27 Shina nijpica: —Ñataj shina
huillani. Mana uyasha nircanguichijea. ¿Ima nishpataj cutinca huillachun ninguichij?
¿Cancunapishchu paipaj yachacujeuna tucushun ninguichij?—nirca. 28 Chashna
nijpica p'iñarishpa cashna rimarcacuna: —Canmari paipaj yachacujca cangui.
Ñucanchijca Moisés yachachishcata yachacujcunamari canchij. 29 Moiseshuan Taita
Dios rimashcataca ñucanchijca allimari yachanchij. Canta alliyachijtaca pi cachashca
cashcataca mana yachanchijchu— nircacuna. 30 Shina nijpi chai runaca cashna nirca:
—Ñuca ñahuita alliyachijtaca pi cachashca cashcata cancu-napish mana yachajpica,
shinashpaca, ¿ima shinashi canga? 31 Diosca juchayujcunataca mana uyaj cashcata,
pipish Diosta manchaj paipaj munaita rurajllata uyaj cashcataca yachanchij-mi. 32
Mana ricuj huacharishcata pi alliyachin nijtaca manataj uyashcanchijchu. 33 Paica
Taita Diospajmanta mana shamushca cashpaca, imata mana rurai tucunmanchu
carca— nirca. 34 Chashna nijpica: —Cambaj yaya mama juchayuj cashcamantami
chashna huacharishca carcangui. Canchan ñucanchijtaca yachachisha ninguiari
—nishpami paitaca ama cutin tandanacuchun lluj-shichishpa cacharcacuna.

Yuyaicuna huichcashca shina cashcamanta

35 Chai mana ricuj cashca runata tandanacunamanta llujshi-chishpa cachashcata

Jesús uyashpa, paihuan tupashpaca: —canca, ¿Diospaj Churitaca cringuichu?—nirca.
36 Chashna nijpica: —Amito, ¿pitaj chaica canga ñuca paita cringapaj?— nirca. 37
Shina nijpi Jesusca: —Paitaca ricucunguillatajca. Cunan canhuan rimacujllataj-mari
cani—nirca. 38 Chashna nijpica cungurishpami: —Crinimi Amito—nirca. 39 Chashna
nijpi Jesusca: —Ñucaca cai pachapi causajcunata ima shina cashcata ricu- chingapaj
mana ricujcunaca ricuchun, ricujcunaca ama ricu-chunmi shamurcani—nirca. 40 Shina
nijpi paihuan caj fariseocunaca: —Shinashpaca, ñucanchijca mana ricujehari
canchigari— nircacuna. 41 Chashna nijpi Jesusca: —Cancuna mana ricuj cashpaca,
jucha illajmari canguichij-man. Cunan cancunaca ricujmi canchij nishcamantaca,
ju-chayujmi canguichij— nirca.

Corral ovejacunamanta Jesús parlashcamanta

10:1 Maijanpish ovejacunapaj corralman punguta mana yaicushpa maitapish yaicujca,

chaica shuhuami, cha-pashpa huañuchijmi. Chaica chashnami. 2 Punguta yaicujca
ovejacunata michijmi. 3 Chai michijmanmi punguta cuidajca punguta pascashpa
ricuchin. Ovejacunaca michij rimajtami uyan. Michijca paipaj ovejacunataca shutipi
cayashpami lluj-shichin. 4 Tucui paipaj ovejacunata canllaman llujshichishpaca michijca
paicunata ñaupashpami rin. Ovejacunaca michijpaj rimaita rijsishcamanta paitaca
catinllacunami. 5 Mana rij-sishcataca mana catincunachu. Mana rijsishcapaj rimaita
mana rijsishcamanta manchashpa maitapish rinllacunami— nirca. 6 Cai parlota Jesús
parlajpica chaipi cajcunaca imata nisha nishpa chashna parlashcataca mana
yacharcacunachu.

Jesusca alli michijmi cani nishcamanta

7 Jesús cutin paicunata cashna nirca: —Ñucami ovejacuna yaicuna pungu shinaca
cani. Chashna-mari cani. 8 Tucui ñucapaj ñaupa shamujeunaca shuhuacu-nami
chapashpa huañuchijeunami carcacuna. Ovejacunaca paicunataca mana
uyarcacunachu. 9 Ñucaca pungumi cani. Maijanpish ñucamanta yaicujca
quishpiringami. Corralman oveja yaicuj llujshij shinallatajmi micunata japinga. 10
Shuhuaca shuhuangapaj huañuchingapaj tucuchingapaj-llami shamun. Ñucaca
cancuna causaita charichun, yallijta charichunmi shamurcani. 11 Ñucaca alli michijmi
cani. Alli michij cashpami ovejacunamantaca huañusha. 12 Cullqui-raiculla michicujea
ovejacunaca mana paipaj cajpi, atuj sha-mujta ricushpaca shitashpa rinllami. Atujca
ovejacunata catishpa urata janajtami cachan. 13 Cullquiraiculla michi-cushcamanta
imapish tucunman nishpa saquinllami. 14 Ñucaca alli michijmi cani. Ñuca
ovejacunataca rijsinimi, shinallataj paicunapish ñucataca rijsinmi. 15 Ima shinami ñuca
Yayapish ñucata rijsin, chashnallatajmi ñucapish ñuca Yayataca rijsini. Ñuca
ovejacunamantaca huañushami. 16 Mana cai corralpi caj shujtaj ovejacunatapish
charinimi. Chaicunatapish pushamunami cani. Chaicunapish ñuca rimashcata
uyangacu-nami. Shuj canllalla tucungami. Shuj michijlla tiyangami. 17 Ñucallataj
huañuchijcunaman japichishpa huañushpa cutin causarishami. Chaimantami ñuca
Yayaca ñucataca c'uyan. 18 Pi mana ñucataca huañuchi tucunchu, ashtahuanpish
ñuca huañusha nijpimi huañuchingacuna. Ñucallataj huañui tu-cunimi, ñucallataj
causari tucunimi. Chashna tucuchunmi ñucataca ñuca Yayaca mandarca—nirca. 19
Jesús chashna nijta uyashpaca Israelcunaca paicunapura cutinllataj caita chaita
yuyashpa rimanacurcacuna. 20 Paicunapura achcacunami: —Paica supai japishca,
muspamari. ¿Ima nishpataj uyangui-chigari?— ninacurcacuna. 21 Cutin maijancunaca:
—Chashna shimicunataca supai japishca cashpaca, ¿ima shinataj rimai tucungari?
Supai japishca cashpaca mana ricuj runataca, ¿ima shinataj alliyachi tucungari?
—nircacuna.
Israelcuna Jesusta p'iñashcamanta

22 Jerusalenpi Diosta adorana huasita Taita Diosman mingashcata yuyarishpami

fiestata ruracurca. Chai punlla-cunaca tamya punllacunami carca. 23 Jesusca chai
adorana huasi Salomonpaj nishca corredor ucupimi puricurca. 24 Chaipi puricujpimi
Israelcunaca muyujta shayarishpa Jesustaca: —¿Maicamataj ñucanchijtaca
muspachinguiari? Canllataj Quishpichij Cristo cashpaca, alli huillaiari—nircacuna. 25
Chashna nijpi Jesusca paicunata nirca: —Ñamari cancunamanca huillarcani. Mana
crisha ningui-chijea. Ñuca Yaya mandajpi rurashcacunallatajmari ñucamantaca alli
huillacun. 26 Ña nishca shina cancunaca mana ñuca ovejacuna cashcamantami mana
cringuichij. 27 Ñuca ovejacunaca ñuca rimaitaca rijsinmi. Ñucapish paicunata rijsinimi.
Paicunapish ñucataca catinllami. 28 Paicunamanca ñucaca huiñai causaitami cuni.
Chaimantaca manataj chinga-ringachu. Ñuca maquimantaca pi mana quichungachu. 29
Ñuca maquipi cajcunata cuj Yayaca tucuita yalli jatunmi. Paipaj maquimantaca pi mana
quichui tucungachu. 30 Ñucapish ñuca Yayapish shujllamari canchij—nirca. 31 Shina
nijpi Israelcunaca Jesusta huañuchishun nishpa cutin rumicunata japircacuna. 32
Chashna shitashun nijpi Jesusca: —Ñuca Yaya mandajpi cancunapaj ñaupajpica cai
tucui allicunatami rurarcani. ¿Chaimantachu rumihuan shitashun ninguichij?— nirca. 33
Chashna nijpi Israelcunaca: —Allita rurashcamantaca mana cantaca rumihuan
shitashun ninchijchu. Cantaca runa cashca jahua Diosta p'iñachishpa Diosmi cani
nishcamantami rumihuanca shitashun ninchij— nircacuna. 34 Shina nijpi Jesusca
cashna nirca: —Cancunata mandashcapica: "Dioscunami canguichij" nishpamari
Diosca Quillcachishca. 35 Dios huillashcata chas-quijeunata "Dioscunami canguichij"
nishpa Dios Quillcachish-capi nishcataca, ¿maitataj mana crishunri? 36 Ñucaca Dios
agllashpa cai pachaman cachashcami cani. Chashna cashpa Diospaj Churimi cani
nijpica, ¿ima nishpataj Diosta p'iña-chishpami Dios tucun ninguichij? 37 Ñuca Yaya
rurashca shina mana rurajpica ama ñucataca crichijchu. 38 Ñuca Yaya rurashca
shinallatajmi ñucaca ruracuni. Chashna cajpica, ¿ima nishpataj mana cringuichigari?
Ñucata mana crishpapish, chai ñuca rurashcacunata ricushpallapish crichigari.
Chashna crishpami ñucaca ñuca Yayahuan, ñuca Yayapish ñucahuan shujlla
cashcataca alli yachanguichij— nirca. 39 Shina nijpica cutin paita japishun
yuyarcacuna. Manaraj japijpi Jesusca paicunapajmanta rircallami. 40 Chaimanta
rishpaca Jordán yacu ch'imbanijpi ñaupaman Juan bautizashcamanmi Jesusca
tigrashpa rirca. Chaipimi carca. 41 Chaipi cajpi achcacunami paipajman shamushpaca:
—Juanea pi mana rurai tucushcacunata mana rurashpapish Jesusmanta huallata pai
huillashcaca manamari llullachu cashca— ninacurcacuna. 42 Chashna nishpa chaipica
achcacunami Jesustaca crircacuna.

Lázaro huañushcamanta

11:1 Lázaro shuti shuj runami Betania pueblopi ishqui panicunandij causarca. Chai
panicunaca Marta shuti María shutimi carca. Chaipimi Lazaroca ungushca carca. 2
Chai ungushca Lazaropaj pañi Mariami Apunchij Jesustaca mishquiman ashnajta
chaquipi tallishpa ajchahuan chaquichijca carca. 3 Jesuspajmanca chai panicunami:
—Apunchij Jesús, canhuan apanacuj Lazaroca ungushca-mari—nishpa huillachun
cacharcacuna. 4 Ña huillajpi Jesús uyashpaca: —Chai ungüihuanca mana
huañungachu. Taita Diosta tucuicuna canca allimari cangui nichunllami ungushca. Chai
ungüimantami Diospaj Churi ñucatapish sumajmari cangui ningacuna— nirca. 5
Jesusca Lazarotapish Martatapish Mariatapish achcatami c'uyarca. 6 Lázaro ungushca
cashcata yachashpapish, ishqui punllacamami chai llajtallapitaj saquirirca. 7 Chai
q'uipami Jesusca yachacujcunataca: —Jacuchij, cutin Judea llajtaman— nirca. 8 Shina
nijpi paipaj yachacujcunaca: —Yachachij, Israelcunaca cantaca rumihuan
shitashpamari huañuchishun nircacuna. Cutinchari chaimanca risha ninguia-ri— nirca.
9 Chashna nijpi Jesusca: —Manachari punllaca chunga ishqui horasta charin. Punllapi
purijea punlla cashcamanta mana mitcanchu. 10 Tuta purijllami tuta cashcamanta
mitcan—nirca. 11 Shina nishca q'uipami Jesusca: —Ñucanchij c'uyashca Lazaroca
ñamari dormicun. Paitaca rijehachinaman rigrinimi— nirca. 12 Chashna nijpi paipaj
yachacujcunaca: —Apunchij Jesús, shinashpaca, dormicushpaca alliyangalla-mari—
nircacuna. 13 Paicunaca dormicujllapimi Jesusca chashna ñinga yu-yarcacunami.
Jesús chashna nishpaca, Lazaroca ñamari huañushca nisha nircami. 14 Chai q'uipami
Jesusca paicuna-manca: —Lazaroca huañushcami—nishpa alli huillarca. 15
—Ñucan-chij mana chaipi cashcamanta cushicunimi. Cancuna crichunca pai
huañushcaca allimari. Jacuchij, paita ricushunchij— nircacuna. 16 Shina nijpi ishqui
huacharishca Tomasca caishuj yacha-cujcunataca: —Huañuna cashpapish, causana
cashpapish, shinashpaca, ñucanchijpish paihuan jacuchij— nirca.

Jesusca causachijpish, causaita cujpish cashcamanta

17 Jesús chayanapajea Lazaroca ñami chuscu punllata juteupi pambashca cashca

carca. 18 Betania puebloca Jerusalén pueblomantaca mana caruchu carca. Ishqui
kilómetro chaupi-huan shinallami caru carca. 19 Chashna cajpimi Martapish Mariapish
turi huañushcamanta llaquilla cajpi, cushichingapaj achca Israelcuna rishca carca. 20
Martaca Jesús shamucun nijta uyashpaca, paita tupanamanmi llujshishpa rirca.
Mariaca huasillapitajmi saquirirca. 21 Martaca Jesushuan tupashpaca cashnami nirca:
—Apunchij Jesús, can caipi cashca cajpica, ñuca turica mana huañunmanchu carca.
22 Cunanpish can imata Taita Diosman mañajpica mañashcata cungami— nirca. 23
Shina nijpi Jesusca Martataca: —Cambaj turica causaringamari—nirca. 24
Causaringamari nijpi Martaca: —Huañushcacuna causarina shamuj punllapica, ari,
causa-ringatajmari— nirca. 25 Chashna nijpi Jesusca cashna nirca: —Ñucamari
causachijpish, causaita cujpish cani. Maijanpish ñucata crijea huañushca cashpapish
causaringami. 26 Maijan causacujeunapish ñucata crishpaca huiñaita mana
huañunga-chu. ¿Chashna nishcataca cringuichu?—nirca. 27 Jesús chashna nijpica:
—Ari, Apunchij Jesús. Cantaca Taita Diospaj Churi cashcata, cai pachaman shamuna
cashca Quishpichij Cristo cashcata-mari crini—nirca.

Lazarota pambashca c'uchupi Jesús huacashcamanta

28 Chai q'uipami Martaca paipaj ñaña Mariataca: —Yachachijca caipimari. Cantamari
cayacun— nishpa allijlla huillashpa cayarca. 29 Mariaca shina nijta uyashcahuanmi
jatarishpa Jesuspajman shamurca. 30 Jesusca manaraj chai pueblomanca
chayashcachu carca. Marta tupashcallapitajmi carca. 31 Mariataca huasimanta
callpashpa llujshishpa rijta ricushpami paita cushichijcunaca juteupichari huacagrin
yu-yashpa paita catishpa shamurcacuna. 32 Mariaca Jesuspajman chayashpaca
Jesusta ricushpa cungurishpaca: —Apunchij Jesús, can caipi cashca cajpica, ñuca
turica mana huañunmanchu carca—nirca. 33 Chashna nishpa Mariaca huacajpi,
paihuan caj Israelcu-napish huacarcami. Jesusca paicuna chashna huacajta
ricushpaca shungu llujshishpa achcatami llaquirirca. 34 Chashna llaquirishpaca:
—¿Maipitaj paitaca churarcanguichij?—nishpa tapujpi paicunaca : —Apunchij Jesús,
jacú ricungui—nircacuna. 35 Jesuspish huacarcami. 36 Chashna huacajpi
Israelcunaca: —Riquichij Lazarotaca ima shinami c'uyashca—nircacuna. 37 Maijan
chaipi cajeunaca: —Paica mana ricuj runatapish ñahuita alliyachijmari. Lázaro ama
huañuchunca, ¿manachu imallatapish rurai tu-cunman carca, imashi?—nircacuna.

Lazarota Jesús causachishcamanta

38 Jesusca achca llaquillami chai pambashca juteumanca chayagrirca. Chai juteuca

urcu chaquipi quinriman juteushcami carca. Chai juteuca shuj jatun rumihuan
huichcashcami carca. 39 Jesusca ña chayashpaca paicunataca: —Rumita
anchuchichij—nirca. Shina nijpi huañushcapaj pañi Martaca: —Apunchij Jesús, ñamari
chuscu punllata pambashca ashnacungamari— nirca. 40 Chashna nijpi Jesusca
Martataca: —"Can crishpaca, Dios tucuita rurai tucuj cashcata ricungui-mi" nishpa
¿manachu nircani?— nirca. 41 Jesús chashna nijpica huañushcata churashca jutcu
pungumanta rumita anchuchircacunami. Ña anchuchijpica Jesusca huichilla ricushpa
cashna nirca: —Ñuca Yayalla, can ñucata uyashcamanta diosolopagui. 42 canca
ñucata uyajmi cangui. Tucui caipi cajeuna ñucataca can cachashcata crichunmi
chashnaca nini—nirca. 43 Shina nishpa sinchita caparishpaca: —Lázaro, chaimanta
llujshimui—nirca. 44 Chashna nijpi chai huañushcaca maquicunandij chaqui-cunandij
pillushca, umatapish ñahuindij linsohuan pillushcami llujshhca. Chashna cajpimi
Jesusca: —Pillushcacunata pascaichij purichun— nirca.

Jesustaca huañuchishun nishpa yuyarinacushcamanta

45 Jesús chashna rurajta ricushpaca Mariata cushichinaman shamushca

Israelcunapuramantaca achcacunami Jesustaca crircacuna. 46 Cutin maijancunaca
Jesús imallata rurashcataca fariseocunamanmi huillagrirca. 47 Ña huillajpica Israel
cura-cunata mandaj curacunapish fariseocunapish mandajeuna-puralla
tandanacurcacuna. Chashna tandanacushpaca cashna ninacurca: —Chai runaca pi
mana rurai tucushcataca achcatamari ruran. ¿Imatataj rurashunchigari? 48 Paitaca
chashna sa-quijllapica ñataj paita tucuicuna crinman, Diosta adorana ñucanchij huasita
ñataj Roma llajtamanta shamushpa urmachishpa shitanman, cai ñucanchij llajtatapish
ñataj quichunman— nircacuna. 49 Shina nijpi curacunata chai huata jatun mandaj
Caifas shuti curami paicunataca cashna nirca: —Cancunaca imatapish mana
yachanguichijchu. 50 Cai ñucanchij llajtapi causajeuna tucuicuna huañunapaj randica
shuj runalla huañunamari tucuita yalli alli. Chaitaca imata mana yuyanguichijchu
—nirca. 51 Shina nishpaca mana paipaj quiquin yuyaimantachu nirca. Paica
curacunata chai huata jatun mandaj cura cajpimi, rimana yuyaita Dios cujpi, Jesusca
chai llajtapi causajeuna-manta huañuna cashcata huillarca. 52 Mana chai llajtapi
causajcunallamantachu huañuna carca. Mai llajtapi causajeu-na cashpapish Diospaj
huahua cajeunaca shujlla tucuchunmi huañuna carca. 53 Chashna ninacushca
punllamantami Jesustaca huañuchinata yuyarircacuna. 54 Chaimantami Jesusca
Israelcunapurapica ña mana purirca. Shitashca pamba c'uchullapi caj Efraín shuti
pueblomanmi rirca. Chaipimi paipaj yachacujcunandij carcacuna. 55 Israelcunapaj
pascuaca ñallami chayamucurca. Chashna cajpimi chai llajtamantaca achcacuna
manaraj pascua chaya-mu jpi Diospaj ñaupajpi paicuna alli ricuringapaj imallata rurana
cashcata rurangapaj Jerusalenman huichi rircacuna. 56 Chai rijeunaca Jesustami
mashcacurcacuna. Diosta adorana huasipi cashpapish: —¿Imatataj yuyanguichij?
¿Cai fiestamanca shamungachu, manachu shamunga imashi?—nishpa caishuj
chaishuj ta- punacurcacuna. 57 Curacunata mandaj curacunapish fariseocunapish:
—Jesús maipi cashcata maijanpish yachashpaca huillaj shamunguichij Jesustaca
japigringapaj—nishpa sarunman nishca carcacuna.

Mishquiman ashnajta Jesuspaj chaquicunapi shuj huarmi tallishcamanta

12:1 Pascuapaj sujta punlla illajpirajmi, Lázaro causacun Betania puebloman Jesusca
rirca. Chai Lazarotami huañushcacunapaj chaupimanta Jesusca causachirca. 2 Jesús
chaiman rijpica, micunata yanurcacunami. Martaca caracur-cami. Chai mezapi
Jesushuan micucujcunaca shujea Lazaromi carca. 3 Paicuna chaipi micucujpimi
Mariaca chaupi litro shina mishquiman ashnaj nardo nishcata achca cullquihuan
randishcata apamushpa Jesuspaj chaquicunapi tallirca. Paipaj urna ajehahuanca
Jesuspaj chaquicunatami chaquichirca. Chashna rurajpica huasipish mishquijlla
ashnacujmi tucurca. 4 Jesuspaj yachacujeunapuramanta Simonpaj churi Judas
Iscariotemi Jesustaca japichina carca. María chashna rurajpica paica cashnami nirca: 5
—Cai mishquijlla ashnajtaca quimsa patsaj cullquipi c'atushpachari mana charij
huajchacunaman cuiman carca— nirca. 6 Chai Judasca mana charij huajchacunata
mana llaquish-camantachu, shuhua cashcamantami chashnaca nirca. Cull-qui
muchilata huaquichij cashpa muchilapi churashca cullquitaca shuhuaj cashpami
chashnaca nirca. 7 Judas chashna nijpi Jesusca cashna nirca: —Saquilla. Ñucata
pambana punllapajmi charicushca. 8 Mana charij huajehacunaca punllanta mana
illangachu. Ñucaca cancunahuanca mana causacushallachu—nirca.

Lazarota huañuchingapaj japishun ninacushcamanta

9 Betania pueblopi Jesús cashcata yachashpaca achca Israelcunami shamurcacuna.

Mana Jesusta ricunallamanchu, ashtahuanpish huañushcacunapaj chaupimanta
causachishca Lazarotapishmi ricunaman shamurcacuna. 10 Chai Lazarotaca Israel
curacunata mandaj curacunaca huañuchishun nina-cushcami carca. 11 Lázaro
causarishcamanta achca Israelcuna Jesusta crishpa, chai curacunataca ña mana
catishcamantami Lazarotaca huañuchishun nircacuna.

Jerusalén puebloman Jesús yaicushcamanta

12 Chai cayandij punllaca Jerusalenpi pascua fiestaman rishca achcacunaca Jesús

Jerusalenman shamucun nijtami uyarcacuna. 13 Chashna uyashpaca ramoscunata
p'itishpami Jesusta tupanaman llujshimurcacuna. Jesushuan tupashpaca: —Taita Dios
cachajpi shamucuj Israelcunata jatun mandaj, cantaca alli nishca cachun— nishpami
caparircacuna. 14 Dios Quillcachishcapi nishca shinallatajmi Jesusca shuj malta
burropi tiyarirca. 15 Chai quillcapica: Jerusalenpi causajeuna ama manchaichijchu.
Riqui, cancunata jatun Mandajca shuj malta burropimi tiyarishca shamucun ninmi. 16
Jesús ima nishpa chashna rurashcata paipaj yachacujcunaca mana yacharcacunachu.
Jesusta Taita Dios jatunya-chishca q'uipami pai imalla rurashcacunatapish, paimanta
quillcachishcatapish yuyarircacuna. 17 Pambashca Lazarota jutcumanta cayashpa
huañushcacunapaj chaupimanta causa-chishcata ricujcunami tucuicunaman
huillarcacuna. 18 Pi mana rurai tucushcata rurashcata huillajpi uyashcamantami
Jesustaca achcacuna tupanamanca shamurcacuna. 19 Chashna tupajpi
fariseocunaca: —Ch'aica riqui. Imata mana rurai tucunchijca. Riquichij, tucuicunamari
paita catishpa rincuna—nishpa paicunapura ninacurca.

Maijan griegocuna Jesusta ricushun nishcamanta

20 Achcacunami Jerusalenpi pascua fiestamanca Diosta adorangapaj huichi rishca

carcacuna. Chaicunapurapica griego-cunapishmi chaipi carca. 21 Chai griegocunaca
Felipepajman rishpaca: —Jesusta ricushun ninchijca, Amito— nircacuna. Felipeca
Galilea llajtapi caj Betsaida pueblomantami carca. 22 Shina nijpi Felipeca Andresman
huillagrirca. Ishqui tu-cushpami Jesusmanca huillagrircacuna. 23 Ña huillajpi Jesusca
cashna nirca: —Runa Aichayuj tucushca ñucata jatunyachinaca ña cha-yamushcami.
24 Trigo muyu mana allpapi urmashpa, mana huañushpaca paillatajmi saquirin. Allpapi
urmashpa huañush-paca, achca muyutami aparin. Chaica chashnallatajmi. 25 Pipish
quiquinllata c'uyajca chingaringami. Pipish cai pachapi quiquinta mana c'uyajca huiñaita
causangami. 26 Pipish ñuca mandashcata rurasha nishpaca ñucata cazuchun. Maipi
ñuca cani ñuca mandashcata rurajpish chaipimi canga. Pipish ñuca mandashcata
rurajtaca ñuca Yayapish alli ninga-mi— nirca.

Jesusca pai huañunata huillashcamanta

27 —Cunanca ñucaca llaquillami cani. ¿Imatataj nishachu imami? ¿Yayalla, ama

chashna tucusha nishachu imami? Chashna tucungapajmari shamurcani. 28 Yaya, can
jatun sumaj cashcata ricuchi—nirca. Chashna nijpi jahua pachamanta shuj rimashcaca:
—Sumaj cashcataca ñami ricuchircani. Cutin ricuchishami— nishpa uyarirca. 29
Chashna uyarijpi tucui chaipi cajcuna chai rimashcata uyashpaca: —C'ulun ninmari—
ninacurcacuna. Maijancunaca: —Shuj angelmari paihuan riman—ninacurcacuna. 30
Chashna ninacucujpi Jesusca cashna nirca: —Chai rimashcaca mana ñucapaj alli
cachunchu uyarishca. Cancunapaj alli cachunmi uyarishca. 31 Cunanmi cai pachapi
causajeunataca ima shina cashcata ricuchinga. Cunanmi cai pachata mandajca cai
pachamanta shitashca canga. 32 Pam-bamanta jahuaman churashca cashpami
ñucaca tucuicunata cayasha— nirca. 33 Chashna nishpaca pai ima shina huañuna
cashcatami huillarca. 34 Shina nijpi chaipi cajeunaca: —Ñucanchijman cushca
mandashcapica: "Cristoca huiñaita causanga" nishcatamari uyarcanchij. ¿Ima
nishpataj canca: "Runa Aichayuj tucushcata jahuaman churashcami canga" ningui?
¿Pitaj chai Runa Aichayuj tucushcaca canga?— nircacuna. 35 Chashna nijpi Jesusca
cashna nirca: —Achijyachij luzca ashacamallami cancunahuanca canga. Achijyachij
luzhuan cashparaj amsa cancunata ama japichun, achijllapi purichij. Amsapi purijea
maita ricushcata mana yachanchu. 36 Achijyachij luzhuan cashparaj paipaj
huahua-cuna tucungapaj luzta crichij—nirca. Jesusca cai tucuita nishcahuan rishpa
paicunamantaca paca tucurcami.

Israelcunaca ima nishpa Jesustaca mana crishcamanta

37 Jesusca paicunapaj ñaupajpi pi mana rurai tucushcataca achcata rurajpipish paitaca

mana crircacunachu. 38 Ñaupa huillaj Isaiasca: Mandaj Dioslla, ñucanchij
huillashcataca ¿pitaj crishcari? Mandaj Dios huallata rurai tucuj cashcataca ¿pitaj
ri-cushcari? nircami. Chashna nishca pajtachunmi mana cri tucurcacuna. 39 Isaiasllataj
cashna nishcamantapishmi mana crircacuna: 40 Diosllatajmi paicunapaj ñahuitaca ama
ricuchun mana ricujta rurarca. Shungutapish ama yuyachun rumi shina sinchita rurarca,
paicuna ama ñucapajman tigrarichun, ñuca paicunata ama alliyachingapaj nirca. 41
Isaiasca Jesustaca sumaj cashcata ricushcamantami chashnaca nirca. 42 Chashna
huillashca cajpipish, mandajcunacamami ach-cacuna Jesustaca crircacuna. Paicuna
tandanacunamanta fariseocuna llujshichishpa shitanata manchashcallamantami
crishcataca mana huillarcacuna. 43 Paicunaca Dios alli nishca cashun ninapaj randica
runacuna alli nichun nishpapishmi mana huillarcacuna.

Jesús rimashca shimicunallatajmi tucuicuna ima shina cashcata ninga nishcamanta

44 Jesusca caparishpa cashna nirca: —Pipish ñucata crijea mana ñucallatachu crin.
Ñucata cachajtapishmi crin. 45 Pipish ñucata ricujea, ñucata cachaj-tapishmi ricun. 46
Maijanpish ñucata crijea ama amsapi cachun ñucaca cai pachapi causajcunata luz
shina achijya-chingapajmi shamurcani. 47 Maijanpish ñuca shimicunata uyashpapish
mana cazujtaca mana ñucachu ima shina cashcataca nisha. Ñucaca cai pachapi
causajcunata mana jatun llaquiman cachangapaj shamurcanichu, ashtahuanpish cai
pachapi causajeunataca quishpichingapajmi shamurcani. 48 Pipish ñucata mana
chasquijea ñuca shimicunata mana cazujea jatun llaquiman cachajta charinmi. Cai
ñuca rimashca shimicunallatajmi shamuj punllapica paitaca jatun llaquiman cachanga.
49 Ñucaca mana ñuca yuyaillamantatajchu rimani. Ñucata cachaj Yayami imallata
rimanatapish yachachinatapish ñucataca mandarca. 50 Pai mandashcaca huiñai
causaita cuj cashcataca yachanimi. Chashna cajpimi ñuca rimashpaca ñuca Yaya
ñucata mandashca shinallataj rimani— nirca.

Yachacujcunapaj chaquicunata Jesús maillashcamanta

13:1 Israelcunapaj pascua fiesta callarinapajca shuj punllami illarca. Jesusca cai
pachamanta paipaj Yaya-pajman riña chayamucujpimi, cai pachapi caj paita
crijeunataca saruncunamanpish c'uyaj cashpa, cunanpish ima shina achcata c'uyaj
cashcata ricuchisha nirca. 2 Jesusca paipaj yachacujcunandijmi micucurcacuna.
Dia-bloca ñami sarunman Simonpaj churi Judas Iscariotepaj shungupica Jesusta
japichina yuyaita churashca carca. 3 Jesusca paipaj maquipi Yayaca tucui imatapish
cushcata, Taita Diospajmanta shamushcatapish cutin Diospajman rinatapish
yacharcami. 4 Chashna yachashpami, micucushcamanta ja-tarishpa, Jesusca jahua
churanata llujshichishpa chaquichina linsota japishpaca chumbillishcapi churarca. 5
Chai q'uipaca shuj bateapi yacuta churashpa yachacujcunapaj chaquicunata maillai
callarirca. Chumbillishcapi churashca linsohuanca chaquicunata chaquichircami. 6
Simón Pedropaj chaquita maillasha nijpica, Pedroca: —Apunchij Jesús, ¿maitataj
canca ñuca chaquicunataca maillanguiari?— nircami. 7 Chashna nijpi Jesusca: —Ñuca
chashna rurashcataca cunanca mana yachanguichu. Q'uipatamari ima cashcataca
yachangui—nirca. 8 Shina nijpi Pedroca: —Ñuca chaquicunatatajea manataj
maillanguichu— nirca. Chashna nijpi: —Ñuca canta mana maillajpica, mana ñucapaj
cai tucun-guichu— nircami. 9 Shina nijpica Simón Pedroca: —Apunchij Jesús,
shinashpaca, ama chaquicunallata mai-llaichu maquicunandij umandij armachiari—
nirca. 10 Chashna nijpi Jesusca cashna nirca: —Maijanpish ña armashca cashpaca ña
maita mana cutin armanchu. Chaquicunallatami maulan. Chashna maillajpica ña mana
mapachu. Cancunaca mana tucuicuna mapa illaj cashpapish, ña mana mapachu
canguichij—nirca. 11 Jesusca pi paita japichina cashcata yacharcami. Chaimantami:
"Mana tucuicunachu mapa illaj canguichij"— nirca. 12 Ña chaquicunata tucui
maillashca q'uipaca, paipaj jahua churanata churarishpa cutin tiyarishpa paicunata
cashna nirca: —¿Cancunata ñuca imapaj chashna rurashcataca yachangui-chijchu,
imatagari? 13 Cancuna ñucataca yachachij nishpapish, amo nishpapish, chashna
nishpaca allimari ninguichij. Chai-llatajmari cani. 14 Ñucaca cancunapaj yachachij
cashpapish, amo cashpapish cancunapaj chaquicunataca maillanimi. Can-cunapish
chashnallatajmi caishuj chaishujpaj chaquicunata maillanacuna canguichij. 15
Cancunapish catishpa ñuca rurashca shinallataj rurachunmi chashnaca rurarcani. 16
Amopaj runaca amota mana yalli jatunchu. Mandashpa cachashcapish mana cachajta
yalli jatunchu. Chaica chashnallatajmi. 17 Cai tucui nishcacunata yachashpaca
rurashpaca cushicunguichijmi. 18 Mana tucui cancunatachu chashna nini. Maijanllata
ñuca agllashca cashcata ñucaca yachanimi. "Ñucahuan micujllataj ñucata p'iñaj
tucushcami" nishpa Dios Quillcachishca paj-tachunmi chashnaca nini. 19 Chashna
tucujpica ñuca pi cani nishcata crichuruni ñaupaman cancunamanca huillani. 20 Pipish
ñuca cachashcata chasquijea ñucatami chasquin. Pipish ñucata chasquijea ñucata
cachajtami chasquin. Chaica chashnallatajmi— nirca.

Pi paita japichinata Jesús huillashcamanta

21 Jesusca chashna nishpa paipaj shungupi achcata llaqui-rishpa: —Cancunamanta

shujmari ñucataca japichinga. Chashnami canga— nirca. 22 Shina nijpi
yachacujcunaca pita chashna nishcata mana yachashpa caishuj chaishuj
ricunacurcacuna. 23 Paipaj yacha-cujeunamanta Jesús c'uyashca shuj yachacujea
Jesuspi huan- carishpami tiyacurca. 24 Paitami Simón Pedroca pita chashna nishcata
tapuchun nishpa umata cuyuchirca. 25 Chashna rurajpi paica Jesuspajman ashtahuan
huanca-rishpa: —Apunchij Jesús, ¿pitaj canga?—nishpa tapurca. 26 Chashna nijpi
Jesusca: —Tandata ñuca pimanmi nuyuchishpa cusha chaimi chaica canga— nirca.
Tandata nuyuchishpaca Simonpaj churi Judas Iscarioteman-mi curca. 27 Chai tandata
japishca q'uipami Satanasca Judaspi yaicurca. Chashna tapujpi Jesusca Judastaca:
—Can imata rurasha nishcata ña utea rurailla—nirca. 28 Imata nisha nishpa Jesús
chashna nishcataca caishuj-cunaca mana yacharcacunachu. 29 Judasca cullqui
muchilata charij cajpi, Jesusca Judasta chashna nijpica maijancunaca "Fiestapajchari
imallatapish randigri" nin nishpa, mana cashpaca "Huajchacunaman ashata cugri"
nishcatami yuyarca-cuna. 30 Judasca chai tandata micushca q'uipaca llujshishpa
rircallami. Ñami tuta carca.

Manaraj mandashcata Jesús mandashcamanta

31 Judas ña llujshishpa rijpi Jesusca cashna nirca: —Runa Aichayuj tucushca ñucaca
cunanmi tucuita yalli sumajyachishca casha. Taita Diospish ñucamantami tucuita yalli
sumajyachishca canga. 32 Taita Diosca ñucamanta chashna sumajyachishca
cashpaca, ñucallapitajmi sumaj cashcata ricuchinga. Ñallami chashna sumajyachinga.
33 Huahuacuna-lla, ashacamallami cancunahuan tiyacuni. Ñucataca mashcan-
guichijmi. Israelcunata nishca shinallatajmi cunan cancuna-tapish: "Ñuca maiman
rinamanca cancunaca mana ri tucunguichijchu" nini. 34 Cancunataca manaraj
mandashcatami mandani. Cancunaca caishuj chaishuj c'uyanacuichij. Ima shinami
ñuca cancunata c'uyashcani, chashnallataj cancunapish caishuj chaishuj
c'uyanacuichij. 35 Chashna caishuj chaishuj c'uyanacujpimi cancunataca ñuca
yachacujeuna cashcata tucuicuna yachangacuna.

Pedroca Jesusta mana rijsinichu nina cashcata Jesús huillashcamanta

36 Simón Pedroca: —Apunchij Jesús, ¿maimantaj ricungui?—nijpi: —Ñuca maiman

rinamanca cunanca ñucataca mana cati tucunguichu. Q'uipatami ñucataca catingui
—nirca. 37 Chashna nijpi Pedroca: —Apunchij Jesús, ¿ima nishpataj cunanca cantaca
mana cati tucuni? Ñucaca canmantaca huañuna cajpipish huañu-shallamari— nirca. 38
Shina nijpi: —canca ñucamanta huañunguichari. Gallo manaraj can-tajpi quimsa
cutinmari ñucataca: "Mana rijsinichu" ningui. Ricungui, chashnami rurangui—nirca.

Jesuslla paipaj Yayapajmanca chayachij cashcamanta

14:1 Ñuca rigrini nijpipish ama mancharichijchu. Taita Diosta crichij, ñucatapish crichij.
2 Ñuca Yayapaj huasipica causanaca achcami tiyan. Mana tiyajpica cancu-naman
huillaimanmi carcani. Cunanca cancuna causanata allichingapajmi rigrini. 3 Ñuca
rishpa cancuna causanata allichishca q'uipaca tigramushami. Cancunata maipi ñuca
cash-caman ñucahuan cachun pushaj shamushami. 4 Ñuca maiman ricujta
yachanguichijmi. Ñuca maiman riña cashcaman ima shina chayanatapish
yachanguichijmi— nirca. 5 Chashna nijpi Tomasca: —Apunchij Jesús, can maiman
ricujtaca mana yachanchijchu. ¿Ima shinataj can maiman riña cashcaman
chayanatacarin yachashunri?— nirca. 6 Shina nijpi Jesusca cashna nirca: —Ñucamari
Yayapajman chayachij ñanpish, mana llullajpish, causaita cujpish cani. Yayapajmanca
pipish paillatajca mana chayai tucunchu. Ñucallami Yayapajman chayachijea cani. 7
Ñucata rijsishpaca ñuca Yayatapish rijsinguichijmanmari. Ñucata ricucushcamanta
cunanmanta ña paitaca rijsinguichij-mi— nirca. 8 Chashna nijpi Felipeca: —Apunchij
Jesús, shinashpaca, cambaj Yayata ricuchihuaia-ri. Allimari canman— nirca. 9 Shina
nijpi Jesusca cashna nirca: —Unitamari cancunahuanca cashcani. Felipe,
¿manarajchu ñucataca rijsingui? Maijanpish ñucata ricujea ñuca Yayatapish ña
ricushcami. canca, ¿ima nishpataj Yayataca ricuchi nin-guiari? 10 Ñuca Yayaca
ñucahuan, ñucaca Yayahuan shujlla cashcataca ¿manachu cringui? Ñuca
cancunaman imallata nishca shimicunataca mana ñuca yuyaillamantatajchu rimar-cani.
Ñuca chai tucui rurashcacunataca ñucahuan caj Yayami rurachirca. 11 Ñuca Yayapish
ñucahuan, ñucapish Yayahuan shujlla cashcataca crichij. Mana cashpaca ñuca
rurashcacu-nata ricushpallapish crichigari. 12 Maijanpish ñucata crijea, ñuca rurashca
shinallatatajmi paipish ruranga. Ñucaca ñuca Yayapajman rishcamanta chai ñuca
rurashcacunata yallita-pishmi ruranga. Ricunguichij chashnami canga. 13 Cancuna
tucui imatapish ñucallamanta ñuca Yayata mañajpica, ñucaca paipaj Churi cashpa
Yayata sumajyachingapaj chaita rura-shami. 14 Imatapish cancuna ñucata mañajpica
chaita rura-shami— nirca.

Diospaj Samai Espirituta Jesús cachasha nishcamanta

15 Ñucata c'uyashpaca ñuca mandashcacunata cazunguichij. 16 Shujtaj cushichijta

cancunaman cuchun ñuca Yayataca mañashami. Chai cushichijea huiñaitami
cancunahuan canga. Paica Diospaj Samai Espiritu mana llullajmi. 17 Cai pachapi
causaj mana crijeunaca paitaca mana yachashcamanta mana rijsishcamanta mana
chasqui tucunchu. Shina cajpipish, paica cancunahuan cashcamanta paitaca
rijsinguichijmi. Paica cancunahuan cangami. 18 Cancunataca yaya mama illajlla
shinata mana saquishachu. Cancunapajman tigramushami. 19 Cai pachapi
causajeunaca ashacamallami ñucataca ricunga. Chai q'uipaca ña mana ashtahuan
ricungacunachu. Cancunaca ñucata ricunguichijmi. Ñuca causacushcamanta
cancunapish causacunguichijllami. 20 Chai punllami ñucataca ñuca Yayahuan shujlla
cashcata, cancunapish ñucahuan shujlla cashcata ñucapish cancunahuan shujlla
cashcataca yachanguichij. 21 Maijanpish ñuca mandashcacunata yachashpa cazujea
paimi ñucata c'uyajca. Ñucata c'uyajtaca ñuca Yayapish c'uyangami. Ñucapish paitaca
c'uyashami, paiman ricurishami—nirca. 22 Mana chai Judas Iscariotechu, shujtaj
Judasmi Jesustaca: —Apunchij Jesús, ¿ima nishpataj canca cai pachapi causaj-
cunamanca mana ricurishpa, ñucanchijllaman ricurisha nin-guiari?— nirca. 23 Chashna
nijpi Jesusca paita cashna nirca: —Ñucata c'uyajca ñuca huillashcacunata cazungami.
Ñuca Yayapish paitaca c'uyangami. Paihuan causangapaj paipajman shamushunmi. 24
Ñucata mana c'uyajca ñuca huillashcacuna-tapish mana cazunchu. Cancuna uyacun
shimicunataca mana ñuca yuyaillamantachu huillacuni. Ñucata cachaj Yayamari
huillachicun. 25 Ñucaca cancunahuan cashparajmi tucui caicunataca cashna nicuni. 26
Ñuca Yayaca paipaj Samai Espirituta ñucapaj randi cachangami. Pai shamushpaca
cancunata cushichishpa tucuita yachachingami. Ñuca cancunaman tucui imalla
nishcatapish cutin yuyachingami. 27 Ñucaca cancunataca ñuca shinallataj sumajllata
alli causachunmi saquini. Chashna causanataca mana cai pachapi causajeuna cushca
shinachu cancunamanca cuni. Chaimanta ama llaquiringuichij, ama
mancharinguichijchu. 28 "Ñucaca rigrinimi, cutin cancunapajman tigramushami" nijtaca
ña uyarcanguichijmi. Cancuna ñucata c'uyashpatajca ñuca Yayapajman rigrini nijta
uyashpaca cushicunguichijmanmi. Ñuca Yayaca ñucata yalli ashtahuanmari. 29
Cashna nishcacuna manaraj chashna tucujpimi cai nishcacuna ña tucujpica cancuna
crichun cunanman huillacuni. 30 Cai pachata mandaj ña shamucushcamanta, ña mana
cancunahuanca ashtahuan rimashachu. Chashna shamushpa-pish paica ñucataca
imata mana rurai tucunchu. 31 Chashna cajpipish cai pachapi causajeunaca ñuca
Yayata ñuca c'uyash-catapish, pai mandashca shina ruracushcatapish yachachunmi
chashna tucusha. Jatarichij, caimanta jacuchij— nirca.

Jesusca uvas yura shinami cani nishcamanta

13:1 Ñucaca uvas yurataj shinami cani. Ñuca Yayaca yurayujmi. 2 Ñucapi caj
ramacuna mana p'ucujtaca tucuimi p'itinga. Alli p'ucujtaca ashtahuan p'ucuchun tucui
mana allita anchuchingami. 3 Cancunaca ñuca yachachishca shimicunata
chasquishcamanta ñami allichishca canguichij. 4 Cancunaca ñucahuan caichijlla,
ñucapish cancunahuan ca-shami. Ima shinami ramaca yurapi mana cashpaca
paillatajca mana p'ucui tucun, chashnallatajmi cancunapish mana ñucahuan cashpaca
tucunguichij. 5 Ñucaca uvas yurami cani. Cancunaca ramacunami canguichij.
Maijanpish ñucahuan cajea, ñucapish paihuan cajpica, paica achcatami p'ucunga.
Ñucahuan mana cashpaca imata mana rurai tucunguichijchu. 6 Maijanpish ñucahuan
mana cajtaca, mana p'ucuj ramata p'itishpa shitajpi ña chaquirijpica ninapi rupachij
shinami ruranga. 7 Cancuna ñucahuan cashpaca ñuca yachachishcata cazush-paca,
tucui imatapish mañaichijlla, ñuca Yayaca cungallami. 8 Cancunaca ramacuna achcata
p'ucuj shina cashpaca ñuca Yayatami jatunyachinguichij. Chashna cashpamari ñuca
yachacujcunaca canguichij. 9 Ima shinami ñuca Yaya ñucata c'uyan, chashnallatajmi
ñucapish cancunataca c'uyani. Chashna c'uyanacushunchijlla. 10 Ima shinami ñucaca
ñuca Yaya mandashcacunata cazushpa pai c'uyashca cani, chashnallatajmi
cancunapish ñuca mandashcacunata cazushpaca ñuca c'uyashca canguichij. 11
Ñucaca cancunataca ñucahuan cushicuchunmi chashna nircani. Chashna cashpami
cancunaca cushijlla canguichij. 12 Ima shinami ñuca cancunata c'uyani, chashnallataj
cancunapish caishuj chaishuj c'uyanacuichij nishpami mandani. 13 Pipish
c'uyashcacunamanta huañujea tucuita yalli c'uyashca-tami ricuchin. 14 Ñuca
mandashcata rurashpaca cancunaca ñuca c'uyashcacunami canguichij. 15 Amopaj
runaca amo huallata rurasha nishcataca mana yachanchu. Chaimanta cancunataca
mana amopaj runa ninichu. Cancunataca ñuca c'uyashcacunamari canguichij ninimi.
Cancunaca chashna c'uyashca cajpimi, ñuca Yayamanta tucui imalla uyashcataca
huillani. 16 Mana cancunachu ñucataca agllarcanguichij, ñu-camari cancunataca
agllarcani. Cancuna rishpa p'ucuchun, chai p'ucushcaca tiyacuchunllami agllarcani.
Chashna cashpaca ñucallamanta imatapish ñuca Yayata mañajpica, paica cancu-
namanca cungallami. 17 Cancunataca caishuj chaishuj c'uyanacuichij nishpami
mandani—nirca.

Jesustapish paita catijcunatapish p'iñangacunami nishcamanta

18 Cai pachapi causajcuna cancunata p'iñajpica, ñucataraj p'iñashcata yuyaringuichij.

19 Cai pachapi causajcuna shinallataj cajpica, cai pachapi causajeunaca cancunataca
c'uyan-manmi. Cancunataca cai pachapi causajeunapuramantami agllarcani. Cai
pachapi causajcuna shina ña mana canguichij-chu, chaimantami cai pachapi
causajeunaca cancunataca p'iñan. 20 "Amopaj runaca paipaj amota mana yallichu"
nishpa ñuca nishcata yuyarichij. Ima shinami ñucata p'iñash-pa llaquichircacuna,
chashnallatajmi cancunatapish p'iñash-pa llaquichingacuna. Ñuca huillashcata
cazushpaca cancuna huillashcatapish cazungacunami. 21 Ñucata cachajta mana
rijsishcamantami cancunataca ñucamanta chashna cai tucuita rurangacuna. 22 Ñuca
mana shamushca cajpi, paicunaman mana huillashca cajpica, paicunaca juchayuj
cashcataca mana yachanmanchu carca. Cunanca paicunaca juchayuj cashcataca
mana yachash-canchijchu mana ni tucunchu. 23 Maijanpish ñucata p'iñajca, ñuca
Yayatapish p'iñanmi. 24 Pipish mana rurashcata paicuna-paj ñaupajpi ñuca mana
rurashca cajpica, paicunaca juchayuj cashcataca mana yachanmanchu carcacuna.
Cunanca ñuca imalla rurashcata ricushpapish ñucatapish ñuca Yayatapish
p'iñancunami. 25 Paicunaman cushca mandashcapi: "Mana ima cajpipish ñucataca
p'iñarcacunami" nishpa quillcashca pajtachunmi chashnaca ruranga. 26 Shina cajpipish
Yayapajmanta ñucaca cushichijtami ca-chasha. Paica Diospaj Samai Espiritu mana
llullami. Pai shamushpami ñucataca huillanga. 27 Chashnallatajmi cancunapish ñuca
cayashca pachamanta ñucahuan cashcamanta ñucataca huillanguichij.

16:1 Cancuna ña mana catisha ama nichunmi caicunataca huillacuni. 2 Cancunataca

Israelcuna tandanacuna hua-sicunamanta ama cutin yaicuchun llujshichishpa
cachangami. Maijanpish cancunata huañuchishpaca Dios munashcatami ruracunchij
nishpa yuyana punllacuna chayamucunmi. 3 Ñuca Yayatapish ñucatapish mana
rijsishcamantami chashnaca rurangacuna. 4 Chashna rurajpica ñuca cancunaman
caicunata huillashcata yuyarichunmi cunanman huillacuni. Caicunataca sarunmanca
cancunahuan cashpami manaraj huillarcani.

Diospaj Samai Espiritu imallata rurana cashcamanta

5 Cunanca ñucata cachajpajmanmi rigrini. Cancunaca pi mana ñucataca: "¿Maimantaj

ricungui?" nishpa tapunguichij-chu. 6 Chashna tapunapaj randica ñuca caicunata
nishcaman-taca achcatamari cancunaca llaquiringuichij. 7 Cancunapaj allipaj ñucaca
rinamari cani. Ñuca mana rijpica cancunata cushichijca cancunahuan cangapajca
mana shamungachu. Ñuca rishpami paitaca cancunapajman cachasha. Chaica
chashnami canga. 8 Pai shamushpaca cai pachapi causajcunataca juchayujtaj
cashcatami yuyachinga. Caica allimi mana allimi nishpa shungupipish yuyachingami.
Juchayujcunata Dios llaquichina cashcatapish yuyachingami. 9 Ñucata mana
crishcamantami juchayuj cashcataca yuyachinga. 10 Ñuca Yayapajman rijpi cancuna
ñucata ña mana ricujpimi: "Caica allimi mana allimi" nishpaca yuyachinga. 11 Cai
pachata mandajtaca jatun llaquiman rinata rurashcamantami Dios llaquichina
cashcataca yuyachinga. 12 Cancunataca achcata yachachisha ninirajmi. Chashna
yachachisha nijpipish cunanca mana tucuitaca yachai tucunguichijchu. 13 Diospaj
Samai Espiritu mana llulla shamushpami, tucui imatapish cashcata cancunataca
yachachinga. Paipaj quiquin yuyaimanta mana rimangachu. Tucui imalla uyashca-
llatami cancunamanca huillanga. Shamuj punllacunapi imalla tucuna cashcatapish
huillangami. 14 Paica ñucapajta japishpa cancunata yachachishpami ñucataca
jatunyachinga. 15 Ñuca Yaya tucui charishcaca ñucapajmi. Chaimantami Diospaj
Samai Espirituca ñucapajta japishpa cancunataca yachachinga nircani.

Llaquica cushicuiman tigraringami nishcamanta

16 Ashacamaca ñucataca ña mana ricunguichijchu. Chai q'uipaca cutin ñucataca

ricunguichijmi, ñucaca Yayapajmanmi rigrini. 17 Chashna nijpi paipaj
yachacujcunamanta maijancunaca caishuj chaishuj cashna ninacurca: —"Ashacama
ñucataca ña mana ricunguichijchu, chai q'uipaca cutin ñucata ricunguichijmi. Ñucaca
ñuca Yayapajman rinimi" nishpaca, ¿imatataj nisha ninchu, imami? 18 Chai ashacama
nishcatamari mana yachai tucunchij. ¿Imatataj nisha ninchu, imami?—nishpa
tapunacurcacuna. 19 Jesusca paicuna tapushun yuyacushcata yachashpa cashna
nirca: —''Ashacama ñucataca ña mana ricunguichijchu, chai q'uipaca cutin ñucataca
ricunguichijmi" nishcatachu cancuna-puraca tapunacunguichij, imami? 20 Cancunaca
huacanguichij-mi llaquiringuichijmi. Cancuna chashna cajpica cai pachapi
causajeunaca cushiyaringami. Cancuna llaquilla cashcaca cushicuiman tigraringami.
Chashnami canga. 21 Maijan huarmipish huachana pajtajpi huachacushpaca achcata
nanachinmi. Huahuata huachashca q'uipaca chai nanaitaca ña mana yuyarinchu, cai
pachapi huahuayuj tucushcamanta cushicunmi. 22 Chashnallatajmi cunan cancunapish
llaquilla canguichij. Cutin ñuca cancunata ricuj shamujpica cushicunguichijmi. Chai
cushicuitaca pipish cancunapaj shun-gumantaca mana anchuchi tucungachu. 23 Chai
punllaca ñucataca imata mana tapunguichijchu. Ñucallamanta tucui imatapish ñuca
Yayata mañajpica, paica cungallami. Ricunguichij, chashnami canga. 24 Ñucallamanta
cunancamaca imata manaraj mañashcanguichijchu. Mañaichij chasquinguichijmi,
cancuna achca cushicuihuan canguichij— nirca.

Jesucristoca cai pachata mandaj taca cumurichishcamanta

25 Cunancamaca cancunamanca parlocunallahuanmi yuya-chishpa huillarcani. Ña

mana parlocunallahuan yuyachishpa alli huillana chayamucunmi. Chashna huillanapaj
randica ñuca Yayataca alli huillashami. 26 Chai punllapica mana ñucachu
cancunamantaca ñuca Yayataca mañasha. Can-cunallatajmari ñucallamanta ñuca
Yayataca mañanguichij. 27 Cancunaca ñucata c'uyashcamanta, ñucaca Yayapajmanta
shamushcatapish crishcamantaca cancunataca ñuca Yayalla-tajmari c'uyan. 28 Ñuca
Yayapajmantami cai pachamanca shamurcani. Cai pachata saquishpami ñuca
Yayapajllamantaj cutin rigrini— nirca. 29 Shina nijpi paipaj yachacujcunaca cashna
nirca: —Cunantajca mana ima parlocunahuan yuyachishpalla, allimari huillangui. 30
Cunantajca ña mana cantaca pi tapun-chijchu. Chaimantami cantaca tucuita
yachashcata, Diospaj-manta shamushcatapish crinchij— nircacuna. 31 Chashna nijpi
Jesusca cashna nirca: —¿Cunantajca cringuichijchu? 32 Cancunaca ñucallata
sa-quishpa maita risha nishcata caita chaita riña chayamucunmi. Ñamari
chayamushca. Chashna rurajpipish mana ñucallachu cani. Ñucaca Yayahuanmari cani.
33 Ñucahuan cashpaca sumaj causaita charichunmi caicunataca nircani. Cancunaca
cai pachapica achca llaquitami charinguichij. Shina cajpipish ñucaca cai pachata
mandajtaca cumurichishcamanta ñuca yuyai caichijlla— nirca.

Apunchij Jesusca yachacujeunamanta mañashcamanta

17:11 Chashna caicunata nishca q'uipami Jesusca Taita Diosta mañashpa jahua
pachata huichilla ricushpa cashna nirca: —Yayalla, ñucata jatunyachina ña
chayamushcamanta canta jatunyachingapaj, ñucataca jatunyachihuai. 2 Canmari
ñucaman cushcacunamanca huiñai causaita cuchun tucuicunata ñuca maquipi
churarcangui. 3 Cantaca shujlla Diostaj cashcata, ñucataca can cachashcata
crishpami huiñai causaitaca charingacuna. 4 Ñucaca cantaca cai pachapi
jatunyachishcanimi. Can rurai nishcatapish tucuchishcanimi. 5 Ñuca Yayalla, imapish
manaraj tiyajpi, ñuca canhuan sumaj cashca shinallataj cunan-pish ñucataca
canllahuantaj sumajyachihuai. 6 Canmi cai pachapi causajcunamanta agllashpa
ñucamanca curcangui. Paicunataca can ima shina cashcata yachachir-canimi.
Paicunaca cambajmi carcacuna. Canmi paicunataca ñucaman curcangui. Can ñucata
huillai nishcata huillajpipish crircacunami. 7 Paicunaca cunanca ñuca imalla charishca-
cunataca can cushca cashcata yachancunami. 8 Can ñucata huillai nishcacunataca
paicunaman huillarcanimi. Paicunaman huillajpica crircacunami. Ñucataca
cambajmanta shamushcatapish yachancunami. Ñucataca can cachashcatapish
crircacunami. 9 Paicunamantami ñucaca mañacuni. Mana crijcunaman-taca mana
mañacunichu. Can ñucaman cushcacunaca cambaj cashcamanta paicunamantami
mañacuni. 10 Tucui ñu-capajca cambajmi. Tucui cambajca ñucapajmi. Ñuca sumaj
cashcataca paicunami ricuchicun. 11 Ñucaca ña mana cai pachapichu cagrini. Ñucaca
cambaj-manmi shamugrini. Paicunaca cai pachapirajmi saquiricun. Jucha illaj Yayalla,
ima shinami ñucapish canpish shujlla canchij, chashnallataj paicunapish shujlla
cachun. Can ñucaman cushcacunataca cambaj maquipi alli huaquichipai. 12 Ñuca
paicunahuan cai pachapi cashpaca can cushcacunataca cambaj maquipimi
huaquichircani. Paicunaca mana shujllapish chinga-rircachu. Can quillcachishca
pajtachun, chai chingarina cashca runallami chingarirca. 13 Cunanca ñucaca
cambajmanmi shamucuni. Ñuca cushi cashca shinallataj caicunapish cushicuchunmi
caipiraj cashpa cashnaca nini. 14 Ñucaca paicunaman can huillai nishcacunataca
huillarcanimi. Ima shinami ñucaca mana cai pachapaj cani, chashnallataj paicunapish
mana cai pachapajchu. Chaimantami cai pachapaj cajcunaca paicunataca p'iñancuna.
15 Cai pachamanta paicunata anchuchichun mana mañanichu, ashtahuanpish chai
millaimanta huaquichichunmari mañani. 16 Ima shinami ñucaca mana cai pachapaj
cani, chashnallataj paicunapish mana cai pachapajchu. 17 Camba jila cachun cambaj
huillashcahuan paicunataca tucui millaimanta ch'icanya-chipai. Cambaj Shimica mana
llullajchu. 18 Ima shinami ñucata cai pachapi causajcunaman huillachun cacharcangui,
chashnallatajmi ñucapish paicunataca cai pachapaj cajcunaman huillachun cachani. 19
Paicunapish alli huillashcahuan cam-bajlla tucuchunmi paicunapaj allipaj ñucaca
cambajlla cani. 20 Paicunallamanta mana mañanichu. Paicuna huillajpi q'uipata ñucata
crina cashcacunamantapishmi mañani. 21 Paicunaca tucuicuna shujlla cachun
nishpami mañani. Ima shinami can Yayapish ñucahuan, ñucapish canhuan shujlla
canchij, chashnallataj paicunapish ñucanchijhuan shujlla can-gapaj nishpami mañani.
Chashna cajpimi ñucataca can ca-chashcata cai pachapi causajeunaca cringacuna. 22
Ñucanchij shujlla cashca shinallataj paicunapish shujlla cachun can ñucaman cushca
sumaj canataca paicunamanpish curcanimi. 23 Paicunaca pi mana juchachipaj shujlla
tucuchun ñucaca paicunahuanmi cani, canpish ñucahuanmi cangui. Chashna shujlla
tucujpimi, cai pachapi causajeunaca ñucataca can cachashca cashcatapish, can
ñucata c'uyashca shinallataj paicunata c'uyashcatapish yachangacuna. 24 Ñuca
Yayalla, imapish manaraj tiyajpimi, canca ñucataca c'uyashcangui. canca ñucata
c'uyashpamari ñucataca sumajta rurarcangui. Ñuca sumaj cashcata ricuchun, can
ñucaman cushcacunaca ñuca maipi casha paicunapish ñucahuan chaipi cachunmi
munani. 25 Imatapish cashcata ruraj Yayalla, cai pachapi causajcuna canta mana
rijsijpipish, ñucaca cantaca rijsinimari. Ñucata crijeunapish ñucataca can cachashcata
yachancunami. 26 Can ñucata c'uyashca shinallataj paicunapish c'uyanacuchun.
Chashna cajpica paicunahuan cangapaj, can ima shina cashcata paicunamanca
ricuchircanimi. Chairaj ricuchicunirajmari— nirca.
Jesusta japigrishcamanta

18:1 Jesusca Taita Diosta chashna mañashpaca, paipaj yachacujcunandij Cedrón

shuti larca ch'imbanijmanmi rirca. Chaipimi shuj huerta tiyarca. Jesusca chaimanmi
paipaj yachacujcunandij yaicurca. 2 Taúca cutin Jesusca paipaj yachacujeunahuan
chaipi tandanacuj cashcamanta, Jesusta japichij Judaspish chai huertataca rijsircami. 3
Chashna rijsishcamantami Judasca achca soldadocunata, Israel curacunata mandaj
curacunapish fariseocunapish cachashcacunata pushashpa shamurca. Chaicunaca
linternacunahuan, nina sindicunahuan, macanapajpish apashcami shamurcacuna. 4
Chashna shamujpi Jesusca paita huallata rurana cashcata yachashpa,
soldadocunapajman c'uchuyashpaca: —¿Pitataj mashcacunguichij?— nirca. 5 Shina
nijpi soldadocunaca: —Nazaret pueblomanta Jesustami mashcacunchij—nijpi Jesusca:
—Ñucamari chaica cani—nirca. Paita japichij Judaspish chai soldadocunahuanmi
carca. 6 Chashna ñucami cani nijpica, paicunaca siquiman tigrashpa allajman
urmarcacunami. 7 Jesusca cutin: —¿Pitataj mashcacunguichij?—nijpi soldadocunaca:
—Nazaret pueblomanta Jesustami mashcacunchij—nircacuna. 8 Chashna nijpica
Jesusca: —Ñami cancunaman ñucamari cani nishpa nircani. Shinashpaca, ñucata
mashcacushca cashpaca, cai ñucahuan cajeu-nataca richun saquichijlla—nirca. 9
"Ñuca Yaya ñucaman cushcacunataca mana shujllatapish chingachircanichu" nishpa
Jesús ñaupaman nishca pajtachun-mi chashnaca nirca. 10 Jesús chashna nijpi Simón
Pedroca charicushca espadata surcushpa Israel curacunata mandaj jatun curapaj
sirvijta alli lado rinrinta p'itirca. Chai sirvijea Maleo shutimi carca. 11 Shina rurajpi
Jesusca Pedrotaca: —Cambaj espadataca huaquichinallapitaj huaquichi. Ñuca Yaya
ñucata mandashca jayaj ubyana shina llaquitaca apana-mari cani—nirca.

Curacunata jatun mandaj curapajman Jesusta pushashcamanta

12 Jesús chashna nijpi soldadocunapish, soldadocunata mandajpish, Israelcuna

cachashcacunapish Jesustaca japishpa huatarcacunami. 13 Chashna huatashpaca
Jesustaca Anaspaj-manrajmi pusharcacuna. Añasca Caifaspaj suedromi carca.
Caifasca chai huataca curacunata jatun mandaj curami carca. 14 Israelcunataca
Caifasmi: "Cai llajtapi tucui causaj-cunamantaca shuj runalla huañunamari alli canga"
nishpa nishca carca.

Pedroca Jesusta mana rijsinichu nishcamanta

15 Simón Pedroca shuj yachacujndijmi Jesustaca catishpa rirca. Simón Pedrondij rij
yachacujea Israel curacunata jatun mandaj curapaj rijsishcami carca. Chai yachacujea
chashna cashpami, mandaj curapaj huasi canllamanca Jesusta catishpa yaicurcalla. 16
Pedroca huasi canllaman yaicuna pungu hua-shallapimi saquirirca. Chashna chaipi
cajpimi mandaj curapaj rijsishca yachacujea cutin llujshimushpa pungupi ricuj
huarmi-taca paitapish ucuman yaicuchipai nishpa Pedrota ucuman yaicuchirca. 17
Pedro yaicujpica pungupi ricuj huarmica: —¿Manachu canpish chai runapaj yachacuj
cangui?—nijpi Pedroca: —Mana— nirca. 18 Sirvijcunapish, Diosta adorana huasita
cuidajeunapish chiri cashcamanta ninata japichishpa cunushpa shayacurcacu-nami.
Chashna cunucujpica Pedropish paicunahuanmi cunu-curca.

Jesustaca Israel curacunata jatun mandaj Anas tapushcamanta

19 Israel curacunata jatun mandaj curaca Jesustaca paipaj yachacujeunamantapish

pai huallata yachachishcamantapish tapurcami. 20 Chashna tapujpi Jesusca nirca:
—Ñucaca tucuicunamanmi huillarcani. Mana pacalla ri-marcanichu. Ñucaca
tandanacuna huasicunapi, Diosta adorana huasipipish, tucui Israelcuna
tandanacushcapimi yacha-chircani. Imata huashallaca mana yachachishcanichu. 21
¿Ima nishpataj ñucataca tapungui? Ñuca imalla nishcata uyajeu-nata tapuiari. Ñuca
imallata yachachishcataca paicunami yachancuna— nirca. 22 Jesús chashna nijpi
Diosta adorana huasita cuidajeuna-manta shujea: —Chashnachari jatun mandaj cura
tapujpica ninguiari— nishpa Jesustaca quejadospi huajtarca. 23 Chashna huajtajpi
Jesusca: —Imata mana allita rimashca cajpica chaita huillaiari. Allillatataj rimashca
cajpica, ¿ima nishpataj ñucataca huaj-tanguiari?— nirca. 24 Chai q'uipami Jesustaca
Añasca huatashcallatataj curacunata jatun mandaj cura Caifaspajman cacharca.

Pedroca cutinllataj Jesustaca mana rijsinichu nishcamanta

25 Chaicamaca Pedroca chaillapitajmi cunushpa shayacurca. Chashna cunushpa

shayacujpi: —Canpish ¿manachu chai runapaj yachacuj cangui?— nishpa paihuan
cunushpa shayacujeunaca tapurca. Chashna tapujpi Pedroca: —Mana chaichu
cani—nirca. 26 Shina nishca q'uipaca Israel curacunata mandaj jatun curapaj sirvijea
cutin Pedrotaca: —Cantaca chai runata japimushca huertapimari ricurcani— nirca.
Chashna nij runaca rinrinta Pedro p'itishcapaj aillumi carca. 27 Shina nijpi Pedroca:
—Mana ñuca cashca cashachu—nishpa cutin nijpi ña galloca cantarcallami.

Jesustaca Pilatopajman pushashcamanta

28 Tutamanta uteatami Jesustaca Caifaspajmantaca Pilato-paj sumaj huasiman

pushashpa rircacuna. Israelcunaca man-dashpa tiyana ucumanca pascua micuita
micungapaj ama mapayashun nishpami mana yaicurcacuna. 29 Chashna mana
yaicujpimi Pilatoca canllaman llujshishpa: —Cai runataca, ¿imatataj juchachinguichij?
—nirca. 30 Pilato chashna nijpi: —Ima mana allita mana ruraj cajpica, cambajmanca
mana pushamunchijmanchu carca— nircacuna. 3! Chashna nijpi: —Shinashpaca,
cancunallataj paitaca pushaichijlla. Cancunapaj mandashcapi nishca shina tapushpa
juchachichijlla— nirca. Chashna nijpi Israelcunaca: —Ñucanchijca mana pita
huañuchina canchijchu— nirca-cuna. 32 Israelcuna chashna nijpimi Jesús sarunman
ima shina huañusha nishpa nishcapish pajtarca. 33 Pilatoca mandashpa tiyana
ucuman cutin yaicushpa Jesusta cayashpaca: —¿canca Israelcunata jatun Mandajchu
cangui?—nirca. 34 Shina nijpi Jesusca: —¿Cambaj yuyaillamantachu chashnaca
ningui, mana cashpaca, shujtajcunachu canman chashnaca nirca?—nishpa Pilatota
nirca. 35 Chashna nijpi Pilatoca: —Ñucaca Israel runachari caniari. Cambaj llajta
runacuna-llatajmari mandaj curacunallatajmari cantaca ñucapajmanca pushamushca.
¿Imatataj rurarcanguiari?—nirca. 36 Chashna nijpi Jesusca cutin Pilatota nirca: —Ñuca
maipi mandanaca mana cai pachapi mandana shina-chu. Ñuca mandanaca cai pachapi
mandana shina cajpica, Israelcuna ñucata ama japichun ñucapajta rurajcunaca
ma-canacunmanmi carcacuna. Ñuca mandanaca mana cai pacha-pichu— nirca. 37
Chashna nijpi Pilatoca: —Shinashpaca, ¿jatun mandajchu cangui?—nijpi Jesusca:
—Canllatajmari jatun mandaj ningui. Chashna nishpaca allillataj ninguica. Ñucaca cai
pachamanca mana llullata huillangapajmari huacharishpa shamurcani. Mana llullajpaj
tucui cajcunallami ñuca imalla nishcataca uyancuna—nirca. 38 Shina nijpi Pilatoca:
—¿Imataj mana llullaca?—nirca.

Jesusta huañunami cangui nishcamanta

Jesusta chashna tapushca q'uipami Pilatoca canllaman cutin llujshishpa Israelcunataca

cashna nirca: —Ñucapica imamanta huañuchipaj millaita mana rurashca- chu. 39 Shina
cajpipish cancunaca pascuapi maijantapish shujta ñuca cacharichun nij
carcanguichijca. Cunanca, ¿Is-raelcunata jatun Mandajta cacharichun ninguichijchu?—
nirca. 40 Chashna nijpi tucuicuna caparishpa: —Maitataj chaitaca cacharinguiari.
Barrabastamari cacharichun ninchij— nircacuna. Barrabasca jatun shuhuami carca.

19:1 Chashna nijpimi Pilatoca Jesusta macachun mandar-ca. 2 Soldadocunaca

Jesusmanca jatun mandajman shina churachinchij nij tucushpami, morado linsota
p'acha-llichishpa cashayuj caspita ahuashpa umapica churachircacuna. 3 Chashna
churachishpa Jesuspajman c'uchuyashpaca: —Riqui, ¿allillachu cangui? Viva
Israelcunata jatun Mandaj— nishpa ch'agyachishpa huajtarcacunami. 4 Pilatoca cutin
canllaman llujshishpaca: —Uyaichij, ñucapica paica imamanta huañuchipaj millaita
mana rurashcata cancuna yuyarichuruni cai canllamanca pushamuni— nirca. 5
Jesusca morado linsotapish p'achallishca cashayuj caspita ahuashcatapish umapi
churashcami canllamanca llujshirca. Chashna llujshijpi Pilatoca: —Chaica, ¡caipimi cai
runaca!—nirca. 6 Shina nijpi Israel curacunata mandaj curacunapish Diosta adorana
huasita cuidajeunapish Jesusta ricushpaca: —¡Chacatailla! ¡Chacatailla!—nishpami
caparirircacuna. Chashna caparirijpi Pilatoca: —Ñucapica paica imamanta huañuchipaj
millaitaca mana rurashcachu. Cancunallataj paitaca pushashpa chacataichijlla— nirca.
7 Pilato chashna nijpi Israelcunaca: —Ñucanchij mandashcapi nishca shinaca paica
Diospaj Churuni cani nishcamantaca huañunami—nircacuna. 8 Chashna nijta
uyashpacarin Pilatoca ashtahuaruni mancha-rirca. 9 Pilatoca mandashpa tiyana
ucuman cutin yaicushpa Jesustaca: —canca, ¿maimantataj cangui?— nijpi, Jesusca
mana imata nishpa upallami carca. 10 Chashna upalla cajpi, Pilatoca Jesustaca:
—¿Ñucahuanchu mana rimangui, imami? Ñucaca canta cacharisha nishpaca cachari
tucushcataca, chacatasha nishpaca chacatai tucushcataca, ¿manachu yachangui?—
nirca. 11 Shina nijpi Jesusca: —Ñucata imata rurai tucunata Taita Dios canman mana
cujpica, ñucataca imata mana rurai tucunguimanchu. Chai-manta ñucata canman cujea
canta yalli juchayujmari— nirca. 12 Jesús chashna nijta uyashca pachamantami
Pilatoca Jesustaca cacharinata yuyacurca. Chashna yuyacujpipish Israelcunaca:
—canca cai runata cacharishpaca, mana Roma llajtata jatun mandajpaj c'uyashcachu
cangui. Maijanpish jatun mandaj tucusha nijea Roma llajtata jatun mandajtami
llujshichisha nin—nishpa caparircacuna. 13 Pilatoca chashna caparijta uyashcahuan
Jesustaca can-llaman pushashpa rishpa mandanapaj tiyarinapi tiyarirca. Pai tiyarina
ucuca rumihuan rurashca pambami carca. Rumi-cunahuan rurashca chai pambaca
Israelcunapaj rimaipica Gabata shutimi carca. 14 Pascua punlla callarinapaj ñaupa
chaupi punlla shinatami Pilatoca Israelcunataca: —Riquichij, caipimi cancunata jatun
Mandajca—nirca. 15 Chashna nijpi paicunaca: —¡Paitaca huañuchilla, chacatailla!
—nishpa caparircacuna. Chashna caparijpi Pilatoca: —¿Cancunata jatun Mandajtachu
chacatai ninguichij?— nijpi, Israel curacunata mandaj curacunaca: —Roma llajtata
jatun mandajllatami charinchij. Mana pi shujtaj jatun mandajtaca charinchijchu—
nircacuna. 16 Shina nijpi Pilatoca Jesustaca chacatagrichun paicunaman cujpi, ña
pushashpa rircacunami.

Jesusta chacatashcamanta

17 Jesusca paita chacatana cruzta aparishpa Uma Tullu shuti urcumanmi llujshirca.
Chai urcuca Israelcunapaj rimaipica Gólgota shutimi. 18 Chai urcupimi shujtaj ishqui
runacunandij shuj shuj cainijman chainijman Jesustaca chau-pipi churashpa
chacatarcacuna. 19 Pilatopish: "Caica Nazaret pueblomanta Jesusmi, Israelcunata
jatun Mandaj" nishpami quillcachishpa chacatashca cruzpi churachirca. 20 Jesusta
chacatashcaca Jerusalen c'uchullapi cajpimi taúca Israelcuna chai quillcashcataca
ricurcacuna. Chai quillcashcaca Israelcunapaj rimaipi, griego rimaipipish, latín
rimaipipishmi quillcashca carca. 21 Chashna quillcashcata ricushpa Israel curacunata
mandaj curacunaca Pilatota nigrirca: —"Ñucaca Israelcunata jatun Mandajmi cani"
nishpa paica paillataj nirishcata quillcachinguiman carcaca. ¿Imapajtaj chashnaca
quillcachishpa churachircanguiari?— nircacuna. 22 Chashna nijpi Pilatoca: —Ñuca
quillcasha nishcataca ñami quillcarcani—nirca. 23 Soldadocunaca Jesusta
chacatashpaca, Jesuspaj chura-nacunatapish chuscu soldadopurami chaupishpa
japircacuna. Jesuspaj ucu churanaca mana sirashca, tucui ahuashcallami carca. 24
Chashna cajpimi paicunapura: —Caitaca ama lliquishunchij. Maijanpajpish urmachun
suerteta shitashun— ninacushpa suertetami rurarcacuna. Shina rurajpimi Dios
Quillcachishcapi: "Ñuca churanataca paicunapura chaupinacurcacunami. Ñuca ucu
churanataca suerteta shitarcacunami" nishcaca pajtarca. Soldadocunaca
chashnallatajmi rurarcacuna. 25 Jesusta chacatashca c'uchupica Jesuspaj mamapish,
Jesuspaj mamapaj ñañapish, Cleofaspaj huarmi Mariapish, Magdala pueblomanta
Mariapishmi chaipica carca. 26 Jesusca paipaj mamata paipaj c'uyashca
yachacujtapish chaipi cajta ricushpa paipaj mamataca: —Riqui, paica cambaj churimi
—nirca. 27 Shinallataj yachacujtapish: —Riqui, paica cambaj mamami— nirca.
Chashna nishca pachamantami chai yachacujea Mariataca paipaj huasipi causachun
pushashpa rirca.

Jesús huañushcamanta

28 Chashna nishca q'uipami Jesusca ña tucuita tucuchishcata yachashpa, Dios

Quillcachishcapi nishca pajtachun yacuna-yanmi nirca. 29 Shina nijpi, soldadocunaca
shuj mangapi jayaj vino junda tiyacujpi, esponjata satishpa hisopo nishca caspi puntapi
churashpa Jesuspaj shimiman pajtachirca. 30 Jesusca jayaj vinota ubyashpaca: —Ña
tucuchishcami—nirca. Chashna nishcahuan urna huarcurishpa paipaj samaitaca
Diosman mingashpa huañurcallami.

Jesustaca lanzahuan costillaspi satishcamanta

31 Pascua punlla callarinapaj ñaupa punlla ña chishi cajpi, samana punllapajca

huañushcacunaca cruzpi ama saquirichun nishpa Israelcunaca: —Changacunata
p'aquishpa chaimanta uricuchishpa anchu-chichichun— nishpami Pilatotaca
nigrircacuna. Chai samana punllaca ashtahuan jatun yuyarina punlla cashcamantami
shina nircacuna. 32 Chashna nijpi soldadocunaca shamushpa Jesushuan chacatashca
runacunapaj chan-gacunataca caishujpaj chaishujpajtapish p'aquircacunami. 33
Jesuspajman c'uchuyashpaca ña paitaca huañushcata ricushpa, paipaj
changacunataca mana p'aquircacunachu. 34 Shuj soldadollami lanzahuan costillas
quinripi satijpica yahuarndij yacundijmi llujshirca. 35 Chashna tucushcata ricujmi
huillani. Chashna ricushcamanta mana llullashpa huillashcataca yachanimi.
Cancunapish crichunmi chashnaca huillani. 36 Jesustaca chashna satijpimi: "Paipaj
tulluca shujllapish mana p'aquishcachu canga" nishpa Dios Quillca- chishcapish
pajtarca. 37 Dios Quillcachishcallapitajmi: "Paicuna satishcallatataj ricungacunami" nin.

Jesusta pambashcamanta

38 Chashna tucushca q'uipami Arimatea pueblomanta Joseca Jesús huañushcata

apangapaj Pilatota mañagrirca. Chai Joseca Israelcunata manchashcamanta huashalla
Jesuspaj yachacujmi carca. Chashna mañajpi Pilatoca apagrilla nijpi, Joseca rishpa
Jesús huañushcata aparcami. 39 Sarunman Jesuspajman tuta shamuj Nicodemopish
mish-quijlla ashnajta shuj quintal shinata apashpa shamurca. Chai mishquijlla ashnajca
mirrahuan aloeshuan chagrushcami carca. 40 Paicunami Jesús huañushcataca
apashpa mishquijlla ashnajhuan churashpa pillurcacuna. Chashnami Israelcunaca
pambancuna. 41 Chai chacatashca chaillapitajmi shuj huerta tiyarca. Chai huertapica
quinriman jutcushca mushuj jutcumi tiyarca. Chai jutcupica pita manaraj
pambashcachu carca. 42 Chai juteuca c'uchulla cajpimi, Israelcuna pascuapaj allichina
punllapish ñalla callarigrijpi, Jesustaca chai jutcullapi utea churarcacuna.

Jesús causarishcamanta
20:1 Domingo tutamantata utea manaraj alli achijyajpi-mi Magdala pueblomanta
Mariaca Jesusta churashca juteuman shamushpaca rumita juteumanta anchuchishcata
ricurca. 2 Chashna ricushpaca Simón Pedropajman Jesús c'uyashca caishuj
yachacujpajmanpish callpashpa ruca. Chai-man chayashpaca: —Apunchij Jesustaca
juteumantaca apashcamari. Paitaca maipichari churarca mana yachanchijchu—nirca. 3
Shina nijpi Pedropish, caishuj yachacujpish llujshishpa Jesusta churashca juteuman
rircacunami. 4 Ishquindij callpashpa rishpa caishuj yachacujea Pedrota mishashpa
jut-cumanca puntami chayagrirca. 5 Ña chayashpaca cumurishpa ricushpaca, chai
ucupica linsocuna siricujllatami ricurca. Yaicunataca mana yaicurcachu. 6 Chai
q'uipami Simón Pedro chayamushpaca juteuman yaicujta rishpa, paipish linsocuna
siricujllata ricurca. 7 Jesuspaj umata pillushca linsoca caishuj linsocunahuanca mana
cashcachu carca. Ch'ican pillushca siricujtami ricurca. 8 Juteuman punta chayamuj
caishuj yachacujpish yaicushpaca, chashnallatataj ricushpa crircami. 9 Paicunaca:
"Jesusca huañushcacunapaj chaupimanta cau-sarinami" nishpa Dios Ñaupaman
Quillcachishcataca manaraj yuyarircacunachu. 10 Chashna ricushpa chai
yachacujcunaca paicunapaj huasiman cutin tigramurcacunallami.

Magdala pueblomanta Mariaman Jesús ricurishcamanta

11 Mariaca canlla juteu ñaupajllapitajmi saquirishpa hua-cacurca. Chashna

huacacushpaca juteu ucutami cumurishpa ricurca. 12 Chashna ricushpaca ishqui
angelcuna yurajlla churanata churashca shujea janaj umaman, shujea ura cha- quiman
Jesús huañushcata maipi churashca cashcapi tiyacuj-tami ricurca. 13 Chai
angelcunaca: —Riqui, ¿ima nishpataj huacacungui?—nishpa tapujpi: —Ñuca Apunchij
Jesustamari apashca. Paita maipi churashcataca manamari yachanichu—nirca. 14
Shina nishpa tigrarishpa ricushpaca Jesustami chaipi cajta ricurca. Chashna
ricushpapish Jesús cashcataca mana yacharcachu. 15 Jesusca paita ricujpi: —Riqui,
¿ima nishpataj huacacungui? ¿Pitaj chingarin?— nirca. Chashna nijpi Mariaca huertata
allichijmi yuyashpa: —Amito, can apashpa maipi churashca cashpaca ñucaman
huillailla ñuca apangapaj—nirca. 16 Chashna nijpi Jesusca: —¡María!— nirca. María
nijpi tigrarishpa: —¡Raboni!— nirca. Raboni nishcaca yachachij nisha ninmi. 17
Chashna nijpi Jesusca: —Ama ñucapi tuparichu. "Ñuca Yayapajman manaraj huichi
rinichu. Ñuca Yayapajman, cancunapaj Yayapajman rinimi. Ñuca Diospajman,
cancunapaj Diospajman rinimi" ninmi nishpa ñuca yachacujcunamanca huillagri—
nirca. 18 Shina nijpi Magdala pueblomanta Mariaca yachacujcunamanca Apunchij
Jesusta ricushcata, huallata paiman nish-catapish huillagrircami.

Paipaj yachacujeunaman Jesús ricurishcamanta

19 Chai domingo punlla ña tutayamujpi, yachacujcunaca Israelcunata

manchashcamanta punguta huichcarishpa tan-danacushpami tiyacurcacuna. Chashna
tiyacujpi Jesusca sha-mushpa paicunapaj chaupipi shayarishpa: —Ama
mancharichijchu— nirca. 20 Chashna nishpa paipaj maquicunatapish costillas
quinrita-pish paicunaman ricuchirca. Yachacujcunaca Apunchij Jesusta ricushpa
cushicurcacunami. 21 Jesusca cutin paicunata: —Ama mancharichijchu. Ima shinami
ñuca Yaya ñucata cacharca, chashnallatajmi cancunatapish cachani—nirca. 22
Chashna nishpa paicunata p'ucushpa cashna nirca: —Diospaj Samai Espirituta
chasquichij. 23 Cancunaca pita juchacunata perdonajpica, paica perdonashcami
canga. Pita juchacunata mana perdonajpica, paica mana perdonashcachu— nirca.

Tomaspish Jesús causarishcata ricushcamanta

24 Ishqui huacharishca Tomasca chunga ishqui yachacuj-cunapuramantami carca.

Paica Jesús shamujpica mana caishuj yachacujcunahuanchu carca. 25 Caishuj
yachacujcunaca: —Apunchij Jesustamari ricurcanchij—nishpa Tomasman huillarca.
Chashna nijpi Tomasca: —Paipaj maquicunata clavo jutcushcata mana ricushpaca,
chaipi ñuca dedota mana satishpaca, costillas quinripi ñuca maquita mana satishpaca,
mana crishachu—nirca. 26 Pusaj punlla q'uipami cutin chai yachacujcunaca Tomas-ndij
huasi pungucunata huichcarishca tiyacurcacuna. Jesusca pungucuna huichcashca
cajllapitaj yaicushpa, paicunapaj chau-pipi shayarishpaca: —Ama mancharichijchu—
nirca. 27 Shina nishpaca Tomastaca Jesusca: —Cambaj dedota churashpa ñuca
maquita ricui, maquita chutashpa cai costillas quinripi satishpa ricui. Ama mana crichu,
criari—nirca. 28 Chashna nijpi Tomasca: —Ñuca Apunchij Jesuslla, ñuca Dioslla
—nirca. 29 Shina nijpi Jesusca: —Tomás, canca ñucata ricushcallamantamari cringui.
Ñucata mana ricushpapish crijeunaca cushillacunami—nirca.

Jesusta crichun nishpa caicunataca quillcashcamanta

30 Jesusca paipaj yachacujcunapaj ñaupajpica paica pi cashcata yachachun pi mana

rurai tucushcacunataca ashtahuan achcacunatami rurarca. Chaicunataca mana
tucuitachu cai quillcapica quillcani. 31 Jesustaca Quishpichij Cristo cashcata, Diospaj
Churi cashcata crishpa huiñai causaita charichunllami caicunataca quillcarcani.

Apunchij Jesusca canchis yachacujeunaman ricurishcamanta

21:1 Chai q'uipaca Tiberias cocha pambapimi Jesusca cutin paipaj yachacujeunaman
cashna ricurirca: 2 Simón Pedrondij, ishqui huacharishca Tomasndij, Galilea llajtapi caj
Cana pueblomanta Natanaelndij, Zebedeopaj churicunan-dij, shujtaj ishqui
yachacujcunandijmi chaipica tandanacushca carca. 3 Chashna tandanacushca
cashpami Simón Pedroca: —Chalhuata japinamanmi ñucaca rigrini— nijpi caishujeu-
napish: —Shinashpaca ñucanchijpish canhuanmari rishun ninchij— nircacuna.
Chashna ninacushpa rishpaca canoapi yaicushpami rircacuna. Paicunaca chai tutaca
imata mana japircacunachu. 4 Ña achijyamugrijpi Jesusca ñapish cocha chai pambapi
shayacurca. Chashna shayacujta ricushpapish yachacujcunaca Jesús cashcataca
mana yuyarcacunachu. 5 Jesusca paicunataca: —Huahuacuna, ¿chalhuata
japinguichijchu, imatagari?— nijpi paicunaca: —Imata mana japinchijchu— nircacuna. 6
Shina nijpi Jesusca: —Linchita alli maquinijman shitaichij japinguichijmi— nirca.
Chashna nijpi chaiman shitashpaca achca chalhuacunahuan jundajpi linchitaca mana
canoamanca surcui tucurcacunachu. 7 Chashna tucujpi Jesús c'uyashca yachacujea:
—Apunchij Jesusmari—nishpa Pedroman huillarca. Apunchij Jesusmari nijta
uyashpaca Simón Pedroca chura-nata llujshichishca cashpa paipaj churanata
huatarishcahuan yacuta huambushpa shamurca. 8 Chaquishca allpaman
cha-yanapajea mana carupichu carca. Chaimantami caishuj yachacujcunaca linchi
chalhuatapish aisashpa canoapi shamurcacuna. 9 Canoamanta chaquishca allpaman
uricushpaca nina jahuapi chalhua cusaricujta tandapish chaipi tiyacujtami ricurcacuna.
10 Jesusca: —Cunan japishca asha chalhuacunata apamuichij—nirca. 11 Shina nijpi
Simón Pedroca canoaman yaicushpa jatun chalhuacunahuan junda linchita allpaman
aisarcami. Linchipica patsaj pichca chunga quimsa chalhuami carca. Chashna achca
chalhuacunahuan junda cashpapish, linchica mana lliquirir-cachu. 12 Chai q'uipami
Jesusca: —Shamuichij, micunguichij— nirca. Shina nijpi paitaca Apunchij Jesús
cashcata yachashcamanta: "canca pitaj canguiari" nishpa maijan yachacujpish mana
tapurcachu. 13 Jesusca tandata japishpa paicunaman carar-cami. Chashnallatajmi
chalhuatapish cararca. 14 Huañushcacunapaj chaupimanta causarishca q'uipaca
cai-huanca quimsa cutinmi Jesusca paipaj yachacujcunamanca ricurirca.

Simón Pedrohuan Jesús parlanacushcamanta

15 Ña micushca q'uipami Jesusca Simón Pedrotaca: —Jonaspaj churi Simón, ¿canca

ñucataca caicunatapish yallichu c'uyangui, imatagari?—nishpa tapurca. Chashna nijpi:
—Ari, Apunchij Jesús. Ñuca canta c'uyashcataca canllataj yachanguimi— nirca.
Chashna nijpi: —Shinashpaca, ñuca ovejahuahuacunata ricucungui—nirca. 16 Jesusca
cutin: —Jonaspaj churi Simón, ¿ñucataca c'uyanguitajchu?—nijpi Pedroca: —Ari,
Apunchij Jesús. Ñuca canta c'uyashcataca canllataj yachanguimi— nirca. Chashna
nijpi: —Shinashpaca, ñuca ovejacunata michicui—nirca. 17 Jesusca Pedrota cutin:
—Jonaspaj churi Simón, ¿ñucataca c'uyanguichu?—nirca. Caihuanca ña quimsa cutin
ñucata c'uyanguichu nishpa tapushcamanta, Pedroca llaquirircami. Chashna tapujpi
Pedroca Jesustaca: —Apunchij Jesús, canca tucuitamari yachangui. Ñuca canta
c'uyashcatapish yachanguimi—nirca. Chashna nijpi Jesusca nirca: —Shinashpaca,
ñuca ovejacunata ricucungui. 18 Can chairaj cashpaca, canllatajmi chumbillirircangui.
Maita risha nishca-tapish rircanguillami. Can yuyaj tucushpaca cambaj maquicu-nata
chutanguimi. Cantaca shujtajmi chumbillichinga. Can-taca can maiman mana risha
nishcamanmi apanga. Ricungui, chashnami tucungui—nirca. 19 Jesús chashna
nishpaca, Pedro ima shina huañushpa Dios jatun cashcata ricuchina cashcatami
huillarca. Chashna nishpaca Pedrota Jesusca: —Ñucata catilla—nircami.

Jesuspaj c'uyashca yachacujmanta

20 Pedroca tigrarishpa ricushpaca Jesuspaj c'uyashca ya-chacuj caticujtami ricurca.

Chai yachacujllatajmi sarun micu-cujpi, Apunchij Jesuspi huancarishpa paitaca:
"Apunchij Jesús, ¿pitaj canta japichinga?" nishpa tapujea carca. 21 Pedroca chai
yachacujta ricushpami: —Apunchij Jesús, cutin paica, ¿imataj tucunga?—nishpa
tapurca. 22 Shina nijpi: —Ñuca munajpica paica ñuca cutin shamungacama causa-
chunpish, canca, ¿ima tapunatataj charingui? canca ñucata catillari— nirca. 23 Chai
yachacujta Jesús chashna nijpica tucui crijeuna-purami: "Cai yachacujea mana
huañungachu" nishpa huasha huasha parlanacurcacuna. Mana huañuna cashcataca
Jesusca mana nircachu. "Ñuca munajpica paica ñuca cutin shamungacama
causachunpish, ¿canca ima tapunatataj charingui?" ñucallami. 24 Chashna mana
huañungachu nishpa yuyashca yachacujmi caicunataca huillashpa quillcani. Chashna
huillashpaca mana llullashpami huillani. 25 Jesús rurashcacunaca ashtahuan
tiyanrajmari. Cai tucuicunata quillcasha nijpica, cai pachapica librocunata maipi
churanapajea mana pajtanmanchu. Chashna cachun.