2009ko Lazkaoko atentatua
2009ko Lazkaoko atentatua 2009ko otsailaren 23an ETAk Lazkaoko PSE-EEren egoitzaren aurka buruturiko atentatua izan zen. Egoitzaren aurrean jarritako lehergailu batek eztanda egin zuen goizaldeko 3:00 aldera.[3]
| 2009ko Lazkaoko atentatua | |
|---|---|
 Ertzainak kalteak neurtzen | |
| Lekua | Lazkao Gipuzkoa |
| Data | 2009ko otsailaren 23a |
| Eraso mota | Atentatu terrorista |
| Armak | Motxila-bonba[1] |
| Heriotzak/Zaurituak | 0 |
| Egileak | ETA[2] |
Bi ordu lehenago, ezezagun batek ETAren izenean Gipuzkoako DYAra deitu zuen[3] atentatuaz ohartarazteko. Ertzaintza egoitzara hurbildu zen eta segurtasun-eremua ezarri zuten. Hainbat bizilagun eta taberna bat hustu ostean, bonbak eztanda egin zuen.
Bonbaren egitura eta atxiloketak
aldatuErtzaintzaren lehen ikerketen arabera, lehergailua 8 Kg amonitolez osatuta zegoen. Eusko Jaurlaritzaren Herrizaingo Sailaren bozeramaile batek adierazi zuenez, ikerketak aurrera jarraitu zuen. Ondoren, martxoaren 4ean, Ertzaintzak atentatua egin zuen ustezko etakidea, Manex Castro, atxilotu zuen Hernanin.[4] 2010eko maiatzaren 6ean Espainiako Auzitegi Nazionaleko Baltasar Garzón epaileak Beñat Aguinagalde, Manex Castro, Ugaitz Errazkin eta Mikel Garmendia prozesatu zituen Lazkaoko PSE-EEren egoitzaren aurkako atentatuarengatik.[5]
Atentatuaren gaitzespenak
aldatu
Eusko Jaurlaritza: Juan Jose Ibarretxe lehendakari-hautagaiak esan zuen "pistolek eta lehergailuek ez dutela tokirik" eta hitzaldia amaitu zuen Irunen, "ETA kanpora" esanez.[6]
Espainiako Gobernua
- Espainiako gobernuko presidenteorde eta bozeramaile den María Teresa Fernández de la Vegak "atentatua gogorki gaitzetsi zuen" eta ziurtatu zuen "elkarbizitza eta bakearen gogoak irabaziko dituela igandeko hauteskundeak".[1]
- Espainiako osasun ministroak, Bernat Soria jaunak, Lazkaon gertatutakoa gogorki salatu zuen.[7]
- Gipuzkoako Foru Aldundia: Markel Olano Gipuzkoako ahaldun nagusiak, atentatua gaitzetsi zuen eta bertara hurbildu zen kalteak ikustera.
Lazkaoko Udala: Alkateak, Patxi Albisuk bere "gaitzespen errefusaezina" adierazi zuen eta "zorionez zauriturik egon ez zela" azpimarratu zuen.[8]
Beranduago, Udalak ez-ohiko bilera egin zuen udaleko alderdi politikoekin eta gaitzespen-testua aurrera atera zuten, alderdi guztiek baieztatua (EAJ, Aralar, PP, PSE-EE eta EB-B. Testuan esaldi hau azpimarratu zuten: "Beste behin bezala, ETA gure gizartean soberan dago". Halaber, aurreko beste hainbat atentatu ere gaitzetsi zituzten eta Patxi Albisu alkateak eta Bozeramaile Bilkurak bulego bat ireki zuten udaletxean, kalteak zituzten bizilagunek kalteen inguruko salaketak jartzeko.[9]
Nafarroako Gobernua: Nafarroako Gobernuak gertatutako atentatuaren aurkako testuan, "askatasunez bozkatzeko" eta "ETAren xantaia eta beldurra" azpimarratu zuen 2009ko hauteskundeetan.[10]- PSE-EE: Iñaki Arriola hauteskundeetarako Gipuzkoako zerrenda-buruak atentatua salatu zuen eta prentsarrekoa eman zien komunikabideei Lazkaon.
- EB-B: Javier Madrazok ere atentatua gaitzetsi zuen eta "ETAk biolentzia utzi behar duela" salatuz.[1]
- UPN: Alderdi honetako idazkari nagusiak, Alberto Catalanek, "demokrata guztien batasuna" eskatu zuen honelako gauzak gehiago gerta ez daitezen.[1]
- PP: Antonio Basagoiti Lazkaora gerturatu zen eta lazkaotarreri bere "babesa" eman zien. Halaber, bere "gaitzespenik sendoena" adierazi zion alderdi sozialistari.[11]
Ondorioak
aldatu- Antonio Basagoitik Lazkaon eman behar zuen mitina bertan behera uztea erabaki zuen, sozialistekin solidarizatzeko.
- Lazkaoko Udalak gaitzespen-testua aurrera atera zuen, Udaleko alderdi guztien babesarekin eta manifestazio ekitaldia egin zuten.[12]
- Lazkaoko Udalak bulego bat jarri zuen martxan[12], bizilagunen kalteak konpondu eta salaketak jartzeko. Kaltetutako hogeita hamar etxebizitza eta autoak 767.710,196 €-tan kontabilizatu ziren.[1]
- Hurrengo egunean, otsailaren 24an, gizon batek (dirudienez kalteak jasan dituen etxean bizi zen bizilaguna) Lazkaoko Antsoategi Herriko Tabernan sartu zen atea hautsi ondoren, eta borra batekin bertako gailu, tresna, makina guztiak hautsi zituen. Bertara, Ertzaintza agertu zen eta gizona atxilotu zuten[13]. Bien bitartean, 12:00etan herriko plazan konzentrazio isila egiten ari ziren atentatua gaitzesteko. Konzentraziora, Miren Azkarate, Joseba Azkarraga, Patxi Albisu, Markel Olano, Patxi Lopez, Rafaela Romero, Iñigo Urkullu bertaratu ziren, besteak beste.
- Herriko tabernan kalte ugari sortu ondoren, herriko ezker abertzaleak elkarretaratzea egin zuen.[14] Emilio Gutierrezek, kalteak sortu zituenak, egindako ekintza salatzeko. Elkarretaratzea Herrizaingo Sailaren eta Ertzaintzaren "zaintza berezipean"[15] egin zuten.
- Dirudienez, Emilio Gutierrezek Euskal Herria utzi zuen eta Alacantera joan zen bizitzera. Espainia presidenteak, Jose Luis Rodriguez Zapaterok, Emilioren jokamoldea "ulertzen du", baina "ez ditu honelako ekintzak justifikatzen".[16]
- 2009ko ekainaren 15an, ETAk agiri batean, 4 hilabete lehenago Lazkaon gauzatutako atentatua bere gain hartu zuen[2]
Erreferentziak
aldatu- ↑ a b c d e Gaitzespenak Diario Vasco egunkarian
- ↑ a b Euskadi Ta Askatasunaren 2009-06-25eko agiria
- ↑ a b Atentatuaren albistea, Eitb.com[Betiko hautsitako esteka], 2009-02-23
- ↑ Manex Castro Ertzaintzak atxilotu du Hernanin[Betiko hautsitako esteka]. Berria 2009-03-05
- ↑ (Gaztelaniaz) Vasco Press. Garzón procesa a cuatro presuntos etarras por el atentado contra la Casa del Pueblo de Lazkao. Diario Vasco (Noiz kontsultatua: 2010-05-08).
- ↑ Ibarretxe lehendakaria Irundik
- ↑ Soria jaunaren gaitzespena Yahoo! Noticias webgunean
- ↑ Alkatearen gaitzespena
- ↑ Lazkaoko Udalaren gaitzespen-testua, Udaleko alderdi guztiek baieztatu dutena 2008-02-23
- ↑ Nafarroako Gobernuaren gaitzespen-testua 2009-02-23
- ↑ Basagoiti Lazkaon bertaratu da atentatua gaitzesteko
- ↑ a b Elkarretaratzea eta Udalaka martxan jarritako bulegoa[Betiko hautsitako esteka] eitb.eus, 2009-02-24
- ↑ Gizon bat herriko tabernan borra batekin sartu da, Albisteak Goierriko Hitza egunkarian, 2009-02-24
- ↑ Ezker abertzalearen elkarretaratzea gertatutakoaren aurka[Betiko hautsitako esteka], 2009-02-24
- ↑ Ertzaintzaren zaintza berezia elkarretaratzea zaintzeko GARA Egunkaria, 2009-02-25
- ↑ Zapatero Lazkaoko gertaerataz hitz egiten[Betiko hautsitako esteka], Berria egunkaria, 2009-02-26
Kanpo estekak
aldatu- (Ingelesez) Atentatua BBCren orrian
- (Ingelesez) France 24
Datuak: Q12252624
Multimedia: Bomb in Lazkao, 23 February 2009 / Q12252624