Arsenal Football Club

Arsenal Football Club

Ezizena(k)	The Gunners
Sorrera	1886
Futbol zelaia	Emirates Stadium edukiera: 60.355 lagun inaugurazioa: 2006
Presidentea	Sir Chips Keswick
Entrenatzailea	Mikel Arteta
Liga	Premier League
2023-24	2.a
Webgunea	Webgune ofiziala
Etxekoa 　 Kanpokoa

Arsenal eta Chelsearen arteko partida, 2012an.

Arsenal taldea gola ospatzen.

Autobusean 2004ko Liga titulua ospatzen.

Arsène Wenger entrenatzailea.

Arsenal Football Club Londresko futbol taldea da, Ingalaterrako onenetakoa historikoki. Herrialdeko Lehen Mailako Liga 14 alditan irabazi du, eta beste 13 Kopa ere bai, azken txapelketa honetan titulu gehien lortu duen taldea izanik.

Europa mailan, 1994an Europako Futbol Errekopa irabazi zuten. 2006an Txapeldunen Ligako finala jokatu zuen FC Barcelonaren aurka.

Historia

Sorrera eta hasierako urteak

Arsenal 1886an sortu zuten Woolwicheko Royal Arsenaleko langileek. Lantegi honek Britainiar Armadarentzako armak egiten zituen. Hasieran Royal Arsenal izena hartu zuen, ondoren Woolwich Arsenal. 1893an bigarren mailan jokatzen hasi zen eta lehenengo denboraldian goren mailara igotzea lortu zuen.

Herbert Chapman eta bere jarraitzaileak

Arsenalek Herbert Chapman entrenatzailea fitxatu zuen 1925ean. Chapman Liga txapelduna izana zen aurreko bi urteetan Huddersfield Town taldearekin eta honen taktka iraultzaileei esker 1930eko hamarkadan Ingalaterrako talde nagusi bihurtu zen Arsenal 1931, 1933, 1934, 1935 eta 1938ko ligak irabaziz. Tartean 1930 eta 1936ko kopak ere bai.

Chapman bera 1934ean hil zen bapatean pneumoniak jota baina Joe Shaw eta George Allisonek bide berari jarraitu zioten.

Bigarren Mundu Gerraren ondoren beste bi liga eta kopa bat irabazi zituen. Entrenatzailea Tom Whittaker zen, Allisoni jarraipena eman ziona.

Titulu gabeko garaiak

50. eta 60. hamarkadak maila apalean eman zituen. 1970-71an urte arrakastatsuak izan bazituen ere, Ferietako Kopa eta Ingalaterrako Liga eta Kopa irabaziz, taldearen mailak ez zuen aldaketa nabarmenik izan hurrengo 15 urteetan ere.

George Graham: bigarren urrezko aroa

Aurrez Arsenaleko jokalaria izan zen George Graham eskoziarra entrenatzaile hautatu zuten 1986an eta aro arrakastatsu berri bati hasiera eman zion. 1989an eta 1991an Liga irabazi zuten eta 1994ean Europako bigarren titulua, Errekopa hain zuzen ere.

Arsène Wenger: Txapeldunen Ligako finala

1996an Arsène Wenger frantziarra fitxatu zuten. 1992an Premier League txapelketa abiarazi zenetik Manchesterko bi taldeekin eta Chelsearekin batera Liga hau irabazi duen taldea da, hiru aldiz gainera. Taldearen une gorena 2006an iritsi zen FC Barcelonaren aurka UEFAko Txapeldunen Ligako finala jokatu zuenean. 2-1 galdu egin bazuen ere Ingalaterrako talde indartsuenetakoa kontsideratua izan da ordutik aurrera.

Azken urteotan maila bikaina lortu du. 2014-15eko Premier Ligan hirugarren postuan amaitu zuen eta 2015-16an bigarren. 2014, 2015 eta 2017 urteetan Kopa irabazi du, 13 garaikurrekin talderik arrakastatsuena bihurtuz. 22 urtetan taldea gidatu ondoren erretiroa hartu zuen 2018ko denboraldia amaitu zenean.

2018ko maiatzaren 23an Unai Emery hondarribitarrak hartu zuen Arsène Wenger-ren tokia. Aurreneko denboraldi honetan UEFA Europa Leagueko finala jokatu zuen baina Chelseak 4-1 garaitu zuen.

2019an Mikel Arteta entrenatzaile donostiarrak hartu zuen taldearen ardura. 2020an hamalaugarren aldiz irabazi zuen Ingalaterrako Kopa eta 2022-23 denboraldian Ligako txapeldunordea izan zen berriz.

Uniformea

Arsenalen kamiseta tradizionalki gorria izan da mauka zuriekin. 1886an taldea sortu zenean Fred Beardsley and Morris Bates Nottingham Foresteko jokalariak Woolwichera lanera joan ziren eta hauek beren taldearen kamiseta gorrien lote bat lortu zuten Arsenalentzako musutruk. Arsenalek esker onez beti kamiseta gorria erabiltzeko erabakia hartu zuen. 1933an Herbert Chapmanek ekipai dotoreagoa ezarri nahi izan zuen eta horregatik gehitu zizkion mauka zuriak.

Historikoa

1886

1933-tik

Azken urteak

2012-2014	2014-2015	2015-2016	2016-2017	2017-2018
2018-2019	2019-2020	2020-2021	2021-2022	2022-2023

2023/2024 Taldea

2023ko uztailaren 5ean eguneratua.

Zbk. Postua Jokalaria 1 ATE Aaron Ramsdale 3 ATZ Kieran Tierney 4 ATZ Ben White 5 ERD Thomas Partey 6 ATZ Gabriel Magalhães 7 ERD Bukayo Saka 8 ERD Martin Ødegaard 9 AUR Gabriel Jesus 10 ERD Emile Smith Rowe 11 AUR Gabriel Martinelli 12 ATZ William Saliba 14 AUR Eddie Nketiah 15 ATZ Jakub Kiwior 16 ATZ Rob Holding 18 ATZ Takehiro Tomiyasu 19 AUR Leandro Trossard 20 ERD Jorginho

Zbk. Postua Jokalaria 21 ERD Fábio Vieira 24 AUR Reiss Nelson 25 ERD Mohamed Elneny 29 AUR Kai Havertz 30 ATE Matt Turner 34 ERD Granit Xhaka 35 ATZ Oleksandr Zinchenko - AUR Nicolas Pépé - ATE Rúnar Alex Rúnarsson - ERD Albert Sambi Lokonga - ATZ Cédric Soares - AUR Marquinhos - AUR Folarin Balogun - ATZ Nuno Tavares - ATZ Auston Trusty - ERD Declan Rice - ATZ Jurrien Timber

Irabazitako txapelketak

Ingalaterran: 43

• Premier League (13) :
  • 1931, 1933, 1934, 1935, 1938, 1948, 1953, 1971, 1989, 1991, 1998, 2002, 2004
• Ingalaterrako Kopa (14) :
  • 1930, 1936, 1950, 1971, 1979, 1993, 1998, 2002, 2003, 2005, 2014, 2015, 2017, 2020
• Ingalaterrako League Cup (2) :
  • 1987, 1993
• Community Shield (Ingalaterrako Superkopa) (14) : 1930, 1931, 1933, 1934, 1938, 1948, 1953, 1991, 1998, 1999, 2002, 2004, 2014, 2015

Nazioartean: 2

• UEFAko Txapeldunen Liga:
  • Txapeldun (0)
  • Finalista (1): 2006.
• Europako Errekopa:
  • Txapeldun (1): 1994.
  • Finalista (2): 1980, 1995.
• Ferietako Kopa:
  • Txapeldun (1): 1970
• UEFA Europa League:
  • Txapeldun (0)
  • Finalista (2): 2000, 2019.

Jokaturiko nazioarteko finalak

Txapelketa	Urtea	Txapelduna	Emaitza	Finalista	Hiria
Txapeldunen Liga	2005-06	FC Barcelona	2-1	Arsenal	Saint-Denis
Ferietako Kopa	1969-70	Arsenal	4-3 (1-3, 3-0)	RSC Anderlecht
Europa League	1999-00	Galatasaray	0-0 (pen:4-1)	Arsenal
	2018-19	Chelsea	4-1	Arsenal
Europako Errekopa	1979-80	València CF	0-0 (pen 5:4)	Arsenal
	1993-94	Arsenal	1-0	Parma FC
	1994-95	Real Zaragoza	2-1	Arsenal

Jokalariak

• Jimmy Brain (1924–1931): 139 gol 232 partidatan.
• Joe Hulme (1926–1937): 125 gol 374 partidatan.
• Jack Lambert (1926–1933): 109 gol 161 partidatan.
• David Jack (1928–1934): 124 gol 208 partidatan.
• Cliff Bastin (1929–1947): 178 gol (3.a) 396 partidatan.
• Ted Drake (1934–1939): 139 gol 184 partidatan.
• Reg Lewis (1935–1953): 118 gol 176 partidatan.
• Doug Lishman (1948–1955): 137 gol (5.a) 244 partidatan.
• Joe Baker (1962–1966): 100 gol 156 partidatan.
• John Radford (1964–1976): 149 gol (4.a) 481 partidatan.
• David O'Leary (1975-1993): 722 partida jokatu zuen klubean, inoizko markarik onena izanda.
• Frank Stapleton (1975–1981): 108 gol 300 partidatan.
• Tony Adams (1983–2002): 668 partidatan aritu zen.
• Alan Smith (1987–1995): 115 gol 347 partidatan.
• Lee Dixon (1988–2002): 618 partidatan aritu zen.
• Nigel Winterburn (1988–2000): 584 partidatan aritu zen.
• David Seaman (1990–2003): 563 partidatan aritu zen.
• Ian Wright (1991-1998): 185 gol (2.a) 288 partidatan.
• Dennis Bergkamp (1995-2006): 120 gol 423 partidatan.
• Thierry Henry (1999-2007): 226 gol sartu ditu Arsenalekin 369 partidatan, inoizko golegilerik hoberena izanda.
• Robin van Persie (2004-2012): 96 gol 194 partidatan.

Entrenatzaileak

• Herbert Chapman (1925-1934).
• Tom Whittaker (1947-1956).
• Bertie Mee (1966-1976).
• Terry Neill (1976-1983).
• George Graham (1986-1995).
• Arsène Wenger (1996-2018).
• Unai Emery (2018-2019)
• Mikel Arteta (2019-)

Emakumezkoen taldea

Sakontzeko, irakurri: «Arsenal Football Club (emakumezkoak)»

1987an sortu zen Arsenalen emakumezkoen taldea eta ordutik Ingalaterran palmaresik onena lortu duen taldea izan da. Herrialdeko txapelketa gehien irabazteaz gain 2007an Txapeldunen Ligako txapelduna izan zen.

• Garaipenak:
  • Txapeldunen Liga (1): 2007
  • Ingalaterrako Liga (14): 1993, 1995, 1997, 2001, 2002, 2004, 2005, 2006, 2007, 2008, 2009, 2010, 2011, 2012
  • Ingalaterrako Kopa (14): 1993, 1995, 1998, 1999, 2001, 2004, 2006, 2007, 2008, 2009, 2011, 2013, 2014, 2016
  • FA WSL Kopa (4): 2011, 2012, 2013, 2015
  • Ligako Kopa (10): 1992, 1993, 1994, 1998, 1999, 2000, 2001, 2005, 2007, 2009
  • Ingalaterrako Superkopa (5): 2000, 2001, 2005, 2006, 2007, 2008

Kanpo estekak

• (Ingelesez) Arsenal taldearen webgune ofiziala

• Datuak: Q9617
• Multimedia: Arsenal F.C. / Q9617