Pierre-Joseph Redouté

Pierre-Joseph Redouté
	; Irudi gehiago
Bizitza
Jaiotza	Saint-Hubert, 1759ko uztailaren 10a
Herrialdea	Hegoaldeko Herbehereak ; Frantzia
Heriotza	Paris, 1840ko ekainaren 19a (80 urte)
Hobiratze lekua	Père Lachaise hilerria; Grave of Redouté (en)
Familia
Ezkontidea(k)	Marie-Marthe Gobert (en)
Seme-alabak	ikusi Marie Louise Adélaïde Redouté (en) ;
Haurrideak	ikusi Henri-Joseph Redouté;
Hezkuntza
Hizkuntzak	frantsesa
Ikaslea(k)	ikusi Rosine-Antoinette Delaporte-Bessin (en) ; Camille Chantereine (en) ; Nathalie Elma d'Esménard (en) ; Olympe Arson (en) ;
Jarduerak
Jarduerak	botanikaria, margolaria, botanika ilustratzailea, grabatzailea, editorea, ilustratzailea eta marrazkilaria
Lantokia(k)	Frantzia
Enplegatzailea(k)	Maria Antonieta ; Josefina de Beauharnais
Genero artistikoa	lore-pintura

Pierre-Joseph Redouté (Saint-Hubert, 1759ko uztailaren 10a – Paris, 1840ko ekainaren 19a) belgikar botanikari eta margolaria izan zen. Ezaguna da Malmaison gazteluko arrosa, lili eta beste lore batzuen akuarelengatik. "Loreen Rafaela" ezizena jarri zioten.

Hamahiru urterekin, erretratu eta gai erlijiosoen margolari ibiltari gisa bizimodua ateratzera joan zen etxetik. 1762an Parisera iritsi zen eta bere anaia zaharrenarekin batera antzokietarako agertokiak margotu zituen.

Parisen Charles Louis L'Héritier de Brutelle eta René Desfontaines ezagutu zituen, zeinek ilustrazio botanikoa irakatsi zioten. Laster bihurtu zen Maria Antonieta erreginaren gorteko margolari. Bere beste maisuetako bat Gerard van Spaendonck izan zen, Jardin des Plantesen lan egiten zuena.

Redouték lanean jarraitu zuen Frantziako Iraultzan eta Izu Garaian. 1786an Historia Naturalaren Museo Nazionalean hasi zen lanean, flora eta fauna bildumen katalogoak eginez eta espedizio botanikoetan parte hartuz. 1786an Royal Botanic Gardensera joan zen lanera Londrestik gertu eta 1792an Frantziako Zientzien Akademiak kontratatu zuen. Josefina enperatrizaren eta Maria Amalia Napolikoa eta Siziliakoaren babesa ere jaso zuen.

Garaiko botanikari garrantzitsuenekin kolaboratu zuen, eta 50 argitalpenetan parte hartu zuen, Frantziako landareen eta Japonia, Amerika, Hegoafrika eta Australiako landareen deskribapenekin.

Lanak

Geraniologia, 1787–1788.
Plantes grasses, 2 volumes, 1790.
Traité des arbres et arbustes que l'on cultive en France, par Duhamel. Nouvelle édition, avec des figures, d'après les dessins de P. J. Redouté, 7 volumes, 1800–1819.
Les Liliacées, 8 volumes, 1802–1816.
Les Roses, 3 volumes, 1817–1824.
Choix des plus belles fleurs et de quelques branches des plus beaux fruits. Dédié à LL. AA. RR. les princesses Louise et Marie d'Orléans, 1827.
Catalogue de 486 liliacées et de 168 roses peintes par P.-J. Redouté, 1829.
Alphabet Flore, 1835.