Planet of the Apes (1968ko filma)
 Planet of the Apes (1968ko filma) | |
|---|---|
| Jatorria | |
| Argitaratze-data | 1968 |
| Izenburua | Planet of the Apes |
| Mugimendua | New Hollywooda |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | zientzia-fikziozko filma, fantasia filma, film distopikoa eta eleberri batean oinarritutako filma |
| Iraupena | 113 minutu |
| Kolorea | koloretakoa |
| Telesaila | Planet of the Apes (en)  |
| Deskribapena | |
| Oinarritua | Planet of the Apes (en) |
| Honen parte da | National Film Registry (en) |
| Grabazio lekua(k) | Kalifornia, Malibu, Arizona eta Utah |
| Zuzendaritza eta gidoia | |
| Zuzendaria(k) | Franklin J. Schaffner |
| Gidoigilea(k) | Michael Wilson (en) Rod Serling |
| Antzezlea(k) | |
Charlton Heston (Taylor (en) )Roddy McDowall (Cornelius (en) )Maurice Evans (Dr. Zaius (en) )Kim Hunter (Zira (en) )James Whitmore James Daly Linda Harrison (mul) James Bacon Jeff Burton Lou Wagner Norman Burton (en) Felix Silla Billy Curtis | |
| Ekoizpena | |
| Ekoizlea | Arthur P. Jacobs |
| Konpainia ekoizlea | 20th Century Fox |
| Edizioa | Hugh S. Fowler (en) |
| Bestelako lanak | |
| Musikagilea | Jerrald Goldsmith |
| Argazki-zuzendaria | Leon Shamroy |
| Fikzioa | |
| Kontakizunaren tokia | New York |
| Fikzio-unibertsoa | Multiverse of the Planet of the Apes (en) |
| Argumentu nagusia | Denbora bidaia |
| Historia | |
| Gertaera nabarmenak | principal photography (en) |
| Jasotako sariak | |
| Nominazioak | |
           | |
| Bideoa | YouTube |
Planet of the Apes (euskaraz Simioen Planeta) 1968ko Franklin J. Schaffner estatubatuar zinema zuzendariaren zientzia-fikziozko filma da, Pierre Boulle idazlearen La Planète des singes eleberrian oinarritua. Bertan, Charlton Heston, Roddy McDowall, Maurice Evans, Kim Hunter, James Whitmore, James Daly eta Linda Harrison aktoreek antzeztu zuten.
Garai hartan Charlton Heston jada adineko aktorea zen: urte haietako zeuden zientzia-fikziozko filmen moda segituz, The Omega Man (1971) eta Soylent Green (1973) filmetan ere antzeztu zuen. Hirurak gaur egun genero horretako kultu-filmak dira.
Arrakastari esker, jarraipen ugari izan zituen: Beneath the Planet of the Apes (1970), Escape from the Planet of the Apes (1971), Conquest of the Planet of the Apes (1972), Battle for the Planet of the Apes (1973), Planet of the Apes (2001), Rise of the Planet of the Apes (2011), Dawn of the Planet of the Apes (2014) eta War for the Planet of the Apes (2017).
Antzeko gaiak lantzen zituen ipuin bat argitaratu zuen Txillardegik 1957an (Orangutanen uhartea), sei urte lehenago filmaren abiapuntua izango zen La Planète des singes eleberria baino (Pierre Boulle, 1963).[1][2]
-
Schaffner zuzendaria -
Pierre Boulle idazlea -
Charlton Heston "Taylor" -
Argumentua
[aldatu | aldatu iturburu kodea]Taylor (Charlton Heston), Landon (Robert Gunner), Stewart (Dianne Stanley) eta Dodge (Jeff Burton) astronautak Icarus izeneko espaziontzian planeta ezezagun batera iritsi berri dira, 2006 urte iraun dituen hibernazio eta argiaren abiaduran burututako bidaiaren ondoren. Taylorren ustez, planeta hura Lurretik 320 argi-urtera dago eta Orion konstelazioko izar baten inguruan biraka omen dabil.
Planeta horretan, Taylorrek bertako gizaki mutuak esklabotzat dituen tximino espezien zibilizazioa topatu du. Zintzurrean zauritua izatearen ondorioz, ez da mintzatzeko gai; hortaz, tximinoek Taylor ere morroi egin dute. Behin zauria sendatu eta berriz ere mintzatzeko gai denean, Zira (Kim Hunter) izeneko psikologo tximino eme bat eta haren bikotekide Conelius-en (Roddy McDowall) laguntzaz matxinatu da.
Filmaren amaiera zinemaren historiako ahaztezin eta harrigarrienetakoa da, Gerra Hotzaren aurkako aldarrikapen edota salaketatzat jo ohi dena.
Aktoreak
[aldatu | aldatu iturburu kodea]- Charlton Heston: George Taylor
- Roddy McDowall: Cornelius
- Kim Hunter: Zira
- Maurice Evans: Zaius doktorea
- James Whitmore: Biltzarreko presidentea
- James Daly: Honorious
- Linda Harrison: Nova
- Robert Gunner: Landon
- Lou Wagner: Lucius
- Woodrow Parfrey: Maximus
- Jeff Burton: Dodge
- Buck Kartalian: Julius
- Norman Burton: Hunt Leader
- Wright King: Galen doktorea
- Paul Lambert: Ministroa
- Dianne Stanley: Stewart (ez da kredituetan ageri)
Kanpo estekak
[aldatu | aldatu iturburu kodea]- Planet of the Apes filmaren IMDBko fitxa irakurgai (Ingelesez)
- Planet of the Apes filmaren trailer edo iragarkia ikusgai. Youtube.com (Ingelesez)
| Autoritate kontrola |
|
|---|
Datuak: Q59534
Multimedia: Planet of the Apes (1968 film) / Q59534
- ↑ (Txillardegi) Alvarez Enparantza, Jose Luis. (1957). «Orangutanen uhartea» Egan aldizkaria (Noiz kontsultatua: 2024-05-28).
- ↑ (Txillardegi) Alvarez Enparantza, Jose Luis. (1957). Orangutanen uhartea – ipuina.eus. (Noiz kontsultatua: 2024-05-28).
- 1968ko filmak
- Franklin J. Schaffnerrek zuzendutako filmak
- Rod Serlingek idatzitako filmak
- Charlton Hestonek antzeztutako filmak
- Roddy McDowallek antzeztutako filmak
- Maurice Evansek antzeztutako filmak
- Kim Hunterrek antzeztutako filmak
- James Whitmorek antzeztutako filmak
- James Dalyk antzeztutako filmak
- James Baconek antzeztutako filmak
- Jeff Burtonek antzeztutako filmak
- Lou Wagnerrek antzeztutako filmak
- Felix Sillak antzeztutako filmak
- Billy Curtisek antzeztutako filmak
- Arthur P. Jacobsek ekoitzitako filmak
- 20th Century Foxek ekoitzitako filmak
- Planet of the Apes filmak
- Ameriketako Estatu Batuetako filmak
- Makillaje onenaren Oscar Saria irabazi duten filmak
- Kultuzko filmak