Telerrealitate

Telerrealitatea gidoirik gabeko egoerak erakusten dituen telesaio-genero bat da, non gehienetan publiko orokorrari ezezagunak zaizkion pertsonek hartzen duten parte, horien eguneroko bizimodua eta muturreko egoeretan edo planteaturiko erronketan duten jokabidea erakusten dituena. Gehienetan lehiaketa moduan planteatzen den, epaile talde batek eta publikoak lehiakiderik hoberena aukeratuz. Saioz saio lehiakide kopurua murrizten joan ohi da, lehiakide batzuk epaileen, publikoaren edo beste lehiakideen onespena jaso ez dutelako edo erronkak behar bezala gainditu ez dituztelako.