Crasi

En lingüística, mestura.

El télminu procei del griegu κρᾶσις "mestura el vinu con áugua". En fonética dessina a la mestura dos parabras que, en amenizandu la primel dellas en vocal i la segunda empençandu cola mesma bicha, se hampa anguna las vocalis.

En griegu antíguu era un fenóminu relativamenti frecuenti con conhuncionis, alvérbius, artículus i pronombris. Cuentaba con representación gráfica pol mé dun destraci engarabatau pa la gocha [᾿] llamau κορώνις “corcová”: τοὔνομα < τὸ ὄνομα,ἐγᾦδα < ἐγὼ οἶδα, κἄν < καὶ ἀν.

En castellanu antíguu eran frecuentis tamién las crasis asseñalás nel escrebieru cumu velaquí estas: quel < que el, dotro < de otro, dello < de + ello. El purtugués atual conselva angunas paí cumu dele < de + ele, à < a + a u dalgum < de + algum. Ansí tamién nel asturianu (tol < to + el) u el gallegu (dun < de + un). A esti tipu crasi muelnamenti se llama contraición.

En estremeñu dessiti la crasi tamién enas categorias los endirgaoris, prencipalmenti alvérbius, prepusicionis, pronombris i artículu. Se destinguin cincu holmas crasi:

• Preposición + preposición: an < a + en, den < de + en.
• Preposición + artículu: pal < pa + el, cona < con + la, punu < pol + unu.
• Preposición + pronombri: dessi < de + essi, dalgotru < de + algotru, notru < en + otru.
• Preposición + adverbio: andi < a + ondi, pondi < pol + ondi, dencima < de + encima.
• Indefinido + artículo: tol < tó + el, tolas < toas + las.

Nu se conhunda crasi con aglutinación, dá ena categoria los alvérbius, v. gr.: alogundispués < alogu + endispués, veloquilu < ve + lo + equí + lu, ondiquiá < ondi + quia.