Albany (New York)

	Albany
	Bestjoer
Lân	Feriene Steaten
Steat	New York
County	Albany
	Sifers
Ynwennertal	97.856↑ (2010)
Oerflak	56 km²
Befolkingsticht.	2.119 / km²
Stêdekloft	857.592
Hichte	0-99 m
	Oar
Stifting	1614
Tiidsône	East (EST) (UTC-5)
Simmertiid	(UTC-4)
Koördinaten	42° 39' NB, 73° 46' WL
	Offisjele webside
	Webside Albany NY

Albany yn Albany County yn de steat New York

Albany is de haadstêd fan de Amerikaanske steat New York. De stêd leit yn it easten fan de steat yn Albany County, dêr't it ek it haadplak fan is. Albany leit benoarden fan de stêd New York, op it plak dêr't de rivieren de Mohawk en de Hudson by elkoar komme.
Albany hie yn 2006 93.963 ynwenners. In part fan de State University of New York is der festige.

Skiednis

Albany ûntstie yn 1647 by it troch de Nederlanners yn 1624 stichte Fort Oranje, dat Fort Nassau ferfange moast. It fort wie in hannelspost dêr't fral beverpelzen fan de ynlânske befolking ynkocht waarden. De stêd hiet yn 't earstoan Beverwijck en wie de twadde stêd fan Nij-Nederlân nei Nij-Amsterdam. De stichter wie Brant fan Slichtenhorst. Yn 1660 hie de stêd 1050 ynwenners. De twa wichtichste strjitten hieten de Handelaersstraet (no Broadway) en de Jonckheerstraet (no State Street). De stêd hie ringsom in houten palissade.

Yn 1664 ferôveren de Ingelsken it gebiet. Se doopten it fort om yn Albany, ta eare fan de Hartoch fan Albany, de lettere kening Jakobus II fan Ingelân. Yn 1797 waard Albany de haadstêd fan de steat New York.