Rafa García

Rafa García

Biografía
Nacemento	14 de xaneiro de 1986 (38 anos) Cidade Real, España
Actividade
Ocupación	futbolista
Período de actividade	2005 -
Deporte	fútbol
Posición de xogo	Centrocampista
Traxectoria   Equipo 2005–2005 Unión Deportiva San Sebastián de los Reyes 4 (0) 2006–2008 Getafe Club de Fútbol B 2008–2009 Rayo Vallecano B 2009–2013   Rayo Vallecano 45 (1) 2012–2013 → cesión:    Xerez Club Deportivo 38 (0) 2013–2014   CD Lugo 24 (0) 2014–2014 FC Dinamo Tbilisi 0 (0) 2014–2015   Deportivo Alavés 19 (1) 2015–   CF Reus Deportiu

Rafael García García, coñecido habitualmente como Rafa García, nado o 14 de xaneiro de 1986 en Cidade Real, é un futbolista profesional español da canteira do Real Madrid, que xoga como mediocentro no Deportivo Alavés tras deixar o FC Dinamo Tbilisi sen chegar a xogar.

Traxectoria

Nado en Cidade Real, criado na vila próxima de Las Casas, tivo como primeiro club o Albacete Balompié, no que se formou nas súas categorías inferiores. Regresou un ano á súa cidade natal, para despois pasar aos equipos inferiores do Real Madrid e finalmente ao Getafe B. No equipo madrileño, chegou facer a pretempada co primeiro equipo, mais preferiu enrolarse nas filas do Rayo Vallecano B para completar a súa formación, debido ás boas referencias que tiña da súa canteira.

Na tempada 2009-10, co traspaso de Mohamed Diamé ao Wigan Athletic e tras realizar a pretemporada entre o primeiro e o segundo equipos, convence ao técnico Pepe Mel para que pasase a formar parte dos xogadores do primeiro equipo do Rayo Vallecano. Durante a súa primeira tempada no primeiro equipo alterna titularidade con Movilla e Michel no centro do campo. Na tempada 2010-11 perde presenza no equipo titular, mais é parte importante no ascenso do Rayo de José Ramón Sandoval á Primeira División.

Na tempada 2011-12 comeza a tempada no Rayo en Primeira, completando toda a primeira volta e xogando catro partidos. No mercado invernal, é cedido ao Xerez Club Deportivo no que xogaría un total de 18 partidos na segunda volta da Segunda División. Ante o interese do club andaluz volver ser cedido, mais o 8 de outubro de 2012 o club xerezano anuncia que se descubriu unha anomalía no seu corazón, polo que debe deixar o fútbol de forma preventiva á espera de novos estudos médicos. Pouco despois descártase calquera tipo de problemas e volve xogar normalmente, sempre como titular no mediocentro do Xerez. O 5 de agosto de 2013, asina como novo xogador do Club Deportivo Lugo.

Clubs

Club	Categoría	Ano	PX	Goles
S.S. Reyes	Segunda B	2005-2006	4	0
Getafe B	Terceira	2006-2007
Getafe B	Terceira	2007-2008	35	1
Rayo Vallecano B	Terceira	2008-2009	30	0
Rayo Vallecano	Segunda	2009-2010	24	1
Rayo Vallecano	Segunda	2010-2011	17	0
Rayo Vallecano	Primeira	2011-2012	4	0
Xerez	Segunda	2012	18	0
Xerez	Segunda	2012-2013	21	0
Lugo	Segunda	2013-2014	25	0
Dinamo Tbilisi	Umaglesi Liga	2014	0	0
Deportivo Alavés	Segunda	2014-2015

Véxase tamén

Ligazóns externas

• Datos do xogador en bdfutbol.com (en inglés)
• Datos do xogador en Transfermarkt (en inglés)
• Datos do xogador en Soccer Data Base (en inglés)