David Wark Griffith

David Wark Griffith

(1916)
Biografía
Nacemento	(en) David Llewelyn Wark Griffith 22 de xaneiro de 1875 La Grange, Estados Unidos de América
Morte	23 de xullo de 1948 (73 anos) Hollywood, Estados Unidos de América
Causa da morte	hemorraxia cerebral
Lugar de sepultura	Mount Tabor Methodist Church Graveyard (en)
Actividade
Campo de traballo	Cinema mudo
Lugar de traballo	Hollywood Estados Unidos de América
Ocupación	director de cinema, montador, produtor delegado, guionista, actor, produtor de cinema, realizador
Período de actividade	1907 - 1931
Obra
Obras destacables (1915) The Birth of a Nation (1916) Intolerância (pt)
Familia
Cónxuxe	Linda Arvidson (1906–1936)
Pai	Jacob Wark Griffith
Premios
(1936)  Óscar Honorífico  estrela no Paseo da Fama de Hollywood
Descrito pola fonte	Obálky knih,

David Wark Griffith, nado en La Grange (Kentucky) o 22 de xaneiro de 1875 e finado en Hollywood (California) o 21 de xullo de 1948, foi un director cinematográfico estadounidense, considerado o creador do modelo americano de representación cinematográfica (ou montaxe invisible), polo que é coñecido como o «pai do cinema moderno». Realizou máis de 500 filmes e colaborou na creación de moitos outros.

Traxectoria

De ascendencia irlandesa, foi educado baixo as influencias dominantes no Sur dos Estados Unidos, baixo a influencia dos extintos uns anos atrás Estados Confederados de América. Esta educación, con toda a carga de racismo que implicaba, influíu poderosamente na súa carreira.

The Adventures of Dollie (1908)

Quixo ser escritor, pero xa en 1897 fíxose actor afeccionado de teatro, chegando a ser profesional tres anos máis tarde. Estudou en varias escolas locais, e traballou como actor secundario e en compañías ambulantes. Dada a época e a popularidade do emerxente cinematógrafo, sobre todo entre os actores norteamericanos, fíxose actor de cine en 1908, traballando para a AM&B (American Mutoscope & Biograph). Nesa compañía chegou a ser director en Nova York e California, converténdose en produtor independente en 1913.

En1915 fixo The Birth of a Nation, que acadou un éxito excepcional. Outro dos seus grandes filmes foi Intolerance (1916), un filme moi ambicioso para o seu tempo, que resultou ser un dos máis caros da historia do cine e dos máis influentes en futuros directores.

En 1919, xunto con Charles Chaplin, Douglas Fairbanks e Mary Pickford, os artistas máis cotizados do cine do momento, fundou a United Artists para producir películas de longa duración á marxe do control dos produtores e financeiros non creativos do cinema.

Griffith seguiu realizando películas durante a época do cine mudo, mais trala chegada do cine sonoro, só realizou dúas películas: Abraham Lincoln (1930) e The Struggle (1931).

---

Este artigo sobre cine é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---