Douglas C-54 Skymaster
| Douglas C-54 Skymaster | |
|---|---|
 | |
| Tipo | transporte militar |
| Fabricante | Douglas Aircraft Company |
| Primeiro voo | 14 de febreiro de 1942 |
| Introducido | 1942 |
| Retirado | 1975 |
| Produción | 1942-1947 |
| Unidades construídas | 1 170 |
O Douglas C-54 Skymaster é un avión catrimotor de transporte usado polas Forzas Aéreas do Exército dos Estados Unidos na segunda guerra mundial e na guerra de Corea. Ao igual que o Douglas C-47 Skytrain, o C-54 Skymaster foi un derivado dun avión de pasaxeiros civil, o Douglas DC-4. Ademais de transportar carga, o C-54 tamén transportou presidentes, primeiros ministros e persoal militar. Ducias de versións do C-54 foron empregadas nunha ampla variedade de roles como rescate marítimo, investigación militar e científica, e seguimento e recuperación de mísiles. Durante a ponte aérea de Berlín transportou carbón e comida a Berlín Occidental. Despois da guerra de Corea continuou sendo usado tanto para uso militar como civil en máis de 30 países. O C-54 foi un dos primeiros avións en transportar ao Presidente dos Estados Unidos.