Editorial Gredos

Editorial Gredos
	;
Fundación	1944
Fundador	Valentín García Yebra,; Hipólito Escolar Sobrino,; Julio Calonge,; Severiano Carmona,; José Oliveira Bugallo
Industria	Cultural
Na rede
	http://www.rbalibros.com/gredos
	[ editar datos en Wikidata ]

Editorial Gredos é unha editorial española de carácter privado pertencente desde 2006 ao Grupo RBA^[1] e con sede en Madrid, dedicándose á publicación de libros especialmente relacionados coa lexicografía, a filoloxía hispánica e o mundo grecolatino.

Historia

Foi fundada en 1944^[1] por Hipólito Escolar, Julio Calonge, Severiano Carmona e Valentín García Yebra coa proposición de remediar a falta de libros españois científicos e de estudo. A todos eles uniuse posteriormente José Oliveira Bugallo, achegando o necesario coñecemento do mercado editorial.

Gredos comezara a súa andaina editorial da man dos Clásicos Anotados e Bilingües, os cales descubrirían un mercado novo: o dos textos escolares latinos e gregos.

Os textos escolares permitiron a Gredos crear a Biblioteca Románica Hispánica, fundada en 1950 e dirixida por Dámaso Alonso,^[2] na que publicaron as maiores autoridades do campo filolóxico e os próceres de numerosas escolas lingüísticas. A colección completouse e enriqueceu coa aparición de dúas obras cimeiras da lexicografía, o Diccionario crítico etimológico castellano e hispánico de Joan Coromines e o Diccionario de uso del español de María Moliner. En 1977, creouse a Biblioteca Clásica Gredos.^[2]

Recoñecementos

En 1996, recibiron o Premio Nacional ó Mellor Labor Editorial Cultural por parte do Ministerio de Cultura.^[1]^[2]

Coleccións

*Diccionario de uso del español* de María Moliner. Edición de 1990.

Biblioteca Clásica Gredos
Manuales
Textos Clásicos
Biblioteca Estudios Clásicos
Biblioteca Románica Hispánica
Biblioteca Lope de Vega
Escuela Lacaniana de Psicoanálisis
Diccionarios
Mente, Salud y Sociedad
Grandes Obras de la Cultura
Clásicos Universales de Gredos
Biblioteca Grandes Pensadores
Biblioteca Básica Gredos
Biblioteca de la Nueva Cultura

Notas

↑ ^1,0 ^1,1 ^1,2 Collera, Virginia (31 de maio de 2006). "Gredos, fascinación por los clásicos". elpais.com (en castelán). Consultado o 18 de xullo de 2024.
↑ ^2,0 ^2,1 ^2,2 "Premio Nacional a la Mejor Labor Editorial Cultural". cultura.gob.es (en castelán). Consultado o 18 de xullo de 2024.

Véxase tamén

Ligazóns externas

Editorial Gredos

[:0-1] 1,0 ^1,1 ^1,2 Collera, Virginia (31 de maio de 2006). "Gredos, fascinación por los clásicos". elpais.com (en castelán). Consultado o 18 de xullo de 2024.

[:1-2] 2,0 ^2,1 ^2,2 "Premio Nacional a la Mejor Labor Editorial Cultural". cultura.gob.es (en castelán). Consultado o 18 de xullo de 2024.

[1]

[2]